Dagblaðið Vísir - DV - 08.03.2016, Blaðsíða 26

18 Lífsstíll Vikublað 8.–10. mars 2016
Þ
etta er sem sagt nýtt tísku-
og lífsstílstímarit þar sem
fjallað verður um allt það
besta sem Reykjavík hefur
upp á að bjóða. Það sem
gerir það sérstakt er að það er
skrifað á ensku og er stílað inn á er-
lenda ferðamenn,“ segir Ingibjörg
Björnsdóttir, ritstjóri Reykjavik
Fashion & Design, en fyrsta tölu-
blaðið kom í verslanir fyrir helgi.
Ingibjörg segir hugmyndina vera
að kynna Reykjavík sem spennandi
borg, vekja athygli á flottri íslenskri
hönnun, líflegri tísku og fjölbreyti-
legri menningu. Stefnt er að því
að tímaritið komi út ársfjórðungs-
lega. „Við munum leggja áherslu
á vandað efni, viðtöl við hönnuði
og tískufrömuði, listamenn, frum-
kvöðla í matargerð og áhugavert
fólk erlent og innlent.“
Vildu stærri markhóp
Þrátt fyrir að blaðið sé að-
allega stílað inn á erlenda
ferðamenn segir Ingi-
björg það vissulega höfða
til allra sem hafa áhuga á
hönnun og tísku. „Þetta
efni á í raun við alla. Við
vildum stækka markhóp-
inn úr 300 þúsund manns
í milljón manns, með því
að hafa blaðið á ensku.
Okkur fannst vanta svona
efni á markaðinn og vild-
um tengja túrismann beint
við verslanir með þessum
hætti,“ segir Ingibjörg, en
það er Sóley ehf. sem gefur
tímaritið út.
Hún bætir því að frétt-
ir af útgáfu tímaritsins hafi
vakið töluverða athygli og
að fjölmörg fyrirtæki hafi
verið áhugasöm um að vera með.
En blaðið verður að finna í öllum
„goodie bags“ á HönnunarMars,
fyrir bloggara og fjölmiðla sem
sækja hátíðina að utan. Þá stefn-
ir Reykjavik Fashion & Design á
dreifingu erlendis í takmörkuðu
upplagi.
Í gönguferð um Grandann
Í fyrsta tölublaðinu er töluvert
fjallað um svæðið úti á Granda sem
orðið er ansi líflegt, með verslanir,
veitingastaði og gallerí. „Það er
mikil gróska á Grandanum. Það
eru margir hönnuðir sem hafa ver-
ið að festa rætur þar og koma sér
upp stúdíói. Sem og tónlistarmenn.
Sigur Rós og Hjaltalín eru til dæm-
is með stúdíó á þessu svæði. Svo
er matarmenningin auðvitað líka
fjölbreytt. Við tökum göngutúr um
Grandann og stoppum á skemmti-
legum stöðum.“ Forsíðu fyrsta
tölublaðsins prýðir Svandís Ósk
Gestsdóttir sem hannar og þróar
húðvörur undir nafninu Skinboss.
Margir að gera frábæra hluti
Aðspurð hvort hún telji nógu mikið
að gerast í íslenskri hönnun og
tísku til að hægt sé að fylla fjögur
tölublöð á ári eingöngu með um-
fjöllun um slíkt efni, segir Ingi-
björg það svo sannarlega vera.
„Það er af nógu að taka. Það er svo
mikið af flottu fólki á Íslandi sem
er að gera frábæra hluti sem gam-
an er að varpa ljósi á. Okkur langar
að draga frá sýningartjöldin fyrir
ferðamennina og sýna þeim hvað
er að gerast.“
Ingibjörgu til halds og trausts
við að skrifa efni í tímaritið eru
bæði bandarískir og breskir blaða-
menn búsettir hér á landi, en
þeir eru vel tengdir inn í íslensku
tísku- og hönnunarsenuna. „Ég rit-
stýri auðvitað efninu en þeir eru
frábærir í því sem þeir gera og þetta
er afskaplega skemmtilegt,“ segir
Ingibjörg að lokum. n
Sólrún Lilja Ragnarsdóttir
solrun@dv.is
Nýr ritstjóri
Ingibjörg segir
af nógu að taka
í íslenkri hönnun
og tísku og hefur
engar áhyggjur
af því að verða
uppiskroppa
með efni.
„Við vildum stækka
markhópinn úr
300 þúsund manns í
milljón manns, með því
að hafa blaðið á ensku.
„Það er af nógu að taka“
n Ingibjörg ritstýrir nýju tísku- og lífsstílstímariti n Reykjavik Fashion & Design gefið út á ensku
Er skipulagið í lagi...?
Lausnir fyrir heimili og fyrirtæki
Brettarekkar
Gey
mslu
- og
dekk
jahi
llur
Mikil burðargeta
Einfalt í uppsetningu
KÍKTU VIÐ Á WWW.ISOLD.IS OPIÐ 08:00 - 17:00
Nethyl 3-3a - 110 Reykjavík
Sími 53 53 600 - Fax 567 3609