Dagblaðið Vísir - DV - 08.03.2016, Blaðsíða 10

10 Fréttir Vikublað 8.–10. mars 2016
189 fengið hæli síðan 2009
n Koma frá 33 þjóðlöndum n Flestir frá Íran og Sýrlandi n Alls bárust 983 umsóknir
A
lls hafa 189 manns frá 33
þjóðlöndum fengið hæli
hérlendis síðan árið 2009.
147 manns hafa fengið
vernd eða svokallaða við­
bótarvernd en 42 hafa fengið hæli
af mannúðarástæðum. Tvö lönd
skera sig nokkuð úr varðandi fjölda
verndarþega hérlendis undanfarin
sjö ár. Það eru Íran og Sýrland en
28 flóttamenn frá hvoru landi hafa
fengið hér hæli.
Öllum ætti að vera kunnugt
um ástandið í Sýrlandi og þar með
ástæður þess að þeir fái vernd hér­
lends. Íranir sem fá hæli hérlendis
hafa yfirleitt ögrað klerkastjórninni
þar í landi með einhverjum hætti
og eru því að flýja pólitískar of­
sóknir. Næst koma Írak með 12
einstaklinga, Afganistan með 10 og
Úkraína með 9, allt lönd þar sem
stríðsátök hafa geisað. DV tekur
saman og birtir heimskort yfir þau
lönd þar sem hverra ríkisborgarar
hafa fengið hæli hérlendis á áður­
nefndu tímabili.
Tilhæfulausar umsóknir frá
Balkanskaganum
Fjöldi umsókna á árunum 2009–
2015 var 983 frá tæplega 70 þjóð­
löndum. Það þýðir að tæp 20 pró­
sent umsókna um vernd enduðu
með jákvæðu svari. Lönd sem til­
heyrðu gömlu Júgóslavíu eru fyrir­
ferðarmikil þegar kemur að um­
sóknum um vernd á fyrrnefndu
tímabili. Flestar umsóknir bárust
frá albönskum ríkisborgum, 180
talsins, og var þeim öllum hafnað.
Þá höfðu 50 Króatar og 47
Makedóníu­
menn ekki
erindi sem
erfiði. Í sam­
tali við DV í
byrjun febr­
úar sagði Arn­
dís Anna K.
Gunnarsdóttir,
lögfræðingur
hjá Rauða
krossinum:
„Útlendingastofn­
un telur umsóknir
frá Balkanlöndunum vera tilhæfu­
lausar umsóknir, það er nánast úti­
lokað að ná slíkum umsóknum í
gegn.“ Alls fengu 296 hælisleitendur
beina synjun og 142 mál enduðu
með því að hælisleitendur létu sig
hverfa af landi brott.
Dyflinnarreglugerðin notuð
miskunnarlaust
Rúmlega fjórðungur umsókna, eða
258 mál, endaði með því að hælis­
leitendur voru sendir úr landi á
grundvelli Dyflinnarreglugerðar­
innar. Þá hafa einstaklingar skráð
sig í öðru Evrópulandi, jafnvel sótt
þar um hæli, og þar með ber það
ríki ábyrgð á viðkomandi.
Í áðurnefndu samtali við DV
gagnrýndi Arndís íslensk stjórnvöld
fyrir ítrekaða notkun reglugerðar­
innar. „Íslensk stjórnvöld beita
reglugerðinni miskunnarlaust og
ganga mun harðar fram í þeim efn­
um en önnur ríki. Við getum ekk­
ert gert og fólk er sent af hörku til
dæmis til Búlgaríu og Ítalíu þar sem
ástandið er slæmt. Skilaboðin eru
einfaldlega þau að fólkið geti bara
leitað réttar síns fyrir þarlendum
dómstólum,“ sagði Arndís. n
Björn Þorfinnsson
bjornth@dv.is
Tyrkland 1
Georgía 2Kosovo 3
Sýrland 28
Máritanía 1
Senegal 2
Gínea 2
Gambía 1
Úkraína 10
Moldavía 1
Hvíta-Rússland 1
Súdan 2
Líbía 3Alsír 7
Malí 1
Gana 3
Nígería 15
Kamerún 2
Úganda 2
Kólumbía 3
Hondúras 3
Göldrótt súpa og
gómsætur humar
Eyrarbraut 3, Stokkseyri · Sími: 483 1550
info@fjorubordid.is · www.fjorubordid.is
Algengustu
þjóðerni
hælisleitenda
Fjöldi umsókna Fengu hæli
Albanía 180 0
Sýrland 50 28
Króatía 50 0
Afganistan 49 13
Makedónía 47 0
Nígería 46 15
Íran 37 28
Írak 34 12
Rússland 30 9
Hvíta-Rússland 28 1
983 umsóknir um
hæli 2009–2015
Vernd eða viðbótarvernd 147
Mannúðarleyfi 42
Dyflinnarreglugerð 258
Synjun 296
Farinn / Umsókn dregin tilbaka 142
Enn í vinnslu 98