Dagblaðið Vísir - DV - 29.11.2016, Page 2

Vikublað 29. nóvember–1. desember 20162 Fréttir
Guðrúnartúni 4,
105 reykjavík
Sími: 533 3999
www.betraGrip.iS
Opið
virka
daga frá
kl. 8–17
gæða
dekk á
góðu
verði
É
g er algjörlega búin að fá upp í
kok af þessu ástandi. Hér eftir
mun ég keyra sjálf til Ísafjarðar
og sækja póstinn minn,“ segir
Ásgerður Soffía Nönnudóttir,
íbúi á Þingeyri. Um talsverðan spotta
er að ræða því leiðin frá Þingeyri til
Ísafjarðar er um 50 kílómetra löng
og liggur yfir Gemlufallsheiði sem
er stundum ófær. Soffía ætlar hins
vegar að leggja þetta á sig vegna
meintra bresta í þjónustu Íslands-
pósts við Þingeyri. Þrír pakkar til
hennar hafa týnst á undanförnum
mánuðum og hending er ef bréfpóst-
urinn berst á rétt heimilisfang. Sömu
sögu segir annar íbúi, Jón Reynir Sig-
urðsson. Í svari frá Íslandspósti kem-
ur fram að nýr starfsmaður hafi ný-
lega tekið við þjónustunni og fylgst
verði vel með málinu.
Skírnargjöf glataðist
Pósthúsinu á Þingeyri var lokað fyrir
tveimur árum og þjónustan flutt til
Ísafjarðar. Þar er pósturinn flokkaður
og síðan hefur starfsmaður Íslands-
pósts keyrt með póstinn yfir til Þing-
eyrar. „Til að byrja með gekk þetta
ágætlega en síðan öflugur starfs maður
hætti í sumar þá hefur þjónustan verið
í fullkomnum ólestri. Starfsmanna-
veltan hefur verið gríðarleg og ég held
að fimmti einstaklingurinn sé að sinna
þessu verkefni núna,“ segir Soffía. Þrír
pakkar sem hún átti von á að utan
hafi týnst í meðförum Íslandspósts og
það sé hending ef bréfpóstur berst til
hennar.
„Ég panta reglulega frá Ali Ex-
press og á undanförnum mánuð-
um hafa þrír pakkar ekki skilað sér. Í
kerfi póstsins er aftur á móti skráð að
pakkarnir hafi skilað sér til Þingeyrar
en þeir bárust aldrei. Sá síðasti barst
til Þingeyrar 10. nóvember en ég hef
ekki séð tangur né tetur af honum,“
segir Soffía. Annar pakki hafi verið
skírnargjöf fyrir nýjasta barnabarn
Soffíu sem var, eins og gefur að skilja,
afar óheppilegt. Gjöfin átti að berast
í sumar eða fyrir um fimm mánuð-
um. „Þegar ég hafði samband við Ís-
landspóst vegna þessara sendinga
þá var mér sagt að það myndi taka
þrjá mánuði að hafa upp á þessum
pökkum. Ég hef ekkert heyrt í þeim
síðan,“ segir Soffía.
Viðkvæmar persónu
upplýsingar á víð og dreif
Þá hafi liðið heill mánuður í haust
þar sem enginn bréfpóstur barst á
heimili hennar. „Áttræður nágranni
minn, sem býr tveim götum frá mér,
hefur þrívegis komið með bréf sem
áttu að berast mér. Það er ljóst að
við í fjölskyldunni fáum aðeins brot
af þeim persónulega pósti sem okk-
ur á að berast. Í þessum pósti eru
viðkvæmar persónuupplýsingar,
eins og bankayfirlit og annað, sem
maður kærir sig kannski ekki um að
fari út um allt,“ segir Soffía og bætir
við að hún treysti ekki Íslandspósti
lengur. Að hennar sögn hefur hún
margoft sent kvartanir til Íslands-
pósts á Ísafirði. „Það eru alltaf sömu
svörin. Að þjónustan verði bætt og
að þetta sé einstakt mál. Ég veit hins
vegar að margir aðrir í þorpinu eru
að upplifa það sama. Það er eins og
Íslandspóstur haldi að fólk tali ekki
saman,“ segir Soffía.
Pósturinn týndur í tvo mánuði
Annar Þingeyringur, Jón Reynir Sig-
urðsson, hafði sömu sögu að segja.
Hann dvelur í Reykjavík nú um
stundir og borgaði 6.900 krónur í
september til þess að fá póstinn
áframsendan suður. „Pósturinn
minn var týndur í tvo mánuði. Ég
frétti af pósti frá mér á sveitabæ í
Arnarfirði og einnig á bæ í Dýra-
firði. Þá var eitthvað af bréfunum
sett inn um póstlúguna á húsinu
mínu á Þingeyri. Ég hringdi í póst-
inn og sagði að ég væri að íhuga að
fá mér bréfdúfur,“ sagði Jón Reynir.
Síðustu misseri hafa bréf borist af
og til en sjálfur er hann sannfærð-
ur um að allur pósturinn berist
honum ekki.
Munur á Þingeyri og Flateyri
Þá segist Jón Reynir hafa átt von á
pakka á haustmánuðum sem í voru
varahlutir fyrir bílinn hans, sem var
á þeim tímapunkti sundurrifinn á
verkstæði í þorpinu. „Ég fékk bara
fylgibréfið en sjálfur pakkinn fór til
Flateyrar. Ég bað Íslandspóst um að
redda þessu í hvelli, enda kostnað-
ur og óþægindi sem fylgdu þessu
fyrir mig og ekki við mig að sakast
þótt starfsfólk Íslandspósts þekki
ekki muninn á Þingeyri eða Flat-
eyri. En það var ekki hægt að verða
við því,“ segir Jón Reynir. Að hans
mati hefur verið viðvarandi stjórn-
unarvandi hjá Íslandspósti á Ísa-
firði og starfsmannaveltan eftir því.
„Þetta er almenningsfyrirtæki og
reksturinn er alltaf að hnigna. Það
er afar sorglegt,“ segir hann.
Íslandspóstur fylgist náið með
Í svari frá Íslandspósti kemur fram
að fyrirtækið taki skyldur sínar mjög
alvarlega og vilji eftir fremsta megni
koma í veg fyrir að mál sem þessi
komi upp. „Það er nýr starfsmaður
sem sér um póstútburð á Þingeyri en
hann hefur verið að læra inn á starf-
ið. Búið er að fara yfir vinnuferlið
með viðkomandi starfsmanni og
eins um mikilvægi þess að lesa vel
á póstinn áður en hann er borinn út
eða afhentur. Fylgst verður náið með
málinu í framhaldinu,“ segir Brynjar
Smári Rúnarsson, forstöðumaður
markaðsdeildar Póstsins. n
Björn Þorfinnsson
bjornth@dv.is
„Mér er
algjörlega
nóg boðið“
Soffía ætlar að keyra 100 kílómetra til að
sækja póstinn sinn á Ísafirði
Íslandspóstur á Ísafirði Viðskiptavinir á Þingeyri telja viðvarandi stjórnunarvanda og
mikla starfsmannaveltu hjá Íslandspósti á Ísafirði valda óásættanlegri þjónustu.
„Þegar ég hafði
samband við
Íslandspóst vegna
þessara sendinga þá var
mér tjáð að það myndi
taka þrjá mánuði að hafa
upp á þessum pökkum.
Ég hef ekkert heyrt í þeim
síðan.
Gómaður
með fíkniefni
Héraðsdómur Reykjavíkur hefur
dæmt karlmann í þriggja mánaða
óskilorðsbundið fangelsi fyrir
fíkniefnalagabrot. Maðurinn var
ákærður fyrir að hafa í vörslu
sinni 26 kannabisplöntur, 85,18
grömm af marijúana og 24,76
grömm af kókaíni, en efnin fund-
ust við leit lögreglu í húsnæði í
Kópavogi fyrr á þessu ári.
Maðurinn játaði brot sín
skýlaust fyrir dómi, en hann á
nokkurn sakaferil að baki sem
nær aftur til ársins 2000. Auk þess
að sæta þriggja mánaða fang-
elsi var manninum gert að greiða
málsvarnarlaun verjenda sinna
og sakarkostnað, samtals 270
þúsund krónur.
Tvö innbrot á
Suðurnesjum
Tvö innbrot í heimahús voru
tilkynnt til lögreglunnar á
Suðurnesjum undir helgina. Í
dagbók lögreglu segir að í báðum
tilvikum hafi húsráðendur ver-
ið fjarverandi um einhvern tíma.
Ekki liggja fyrir nákvæmar upp-
lýsingar um hversu miklu stolið
var en ljóst er að um var að ræða
fjármuni og skartgripi. Málin eru
í rannsókn. Lögregla vill af þessu
tilefni minna á mikilvægi þess
að fólk gangi vel og tryggilega
frá heimilum sínum áður en að
heiman er haldið. Jafnframt að
nágrannavarsla reynist vel og að
það sé því gagnlegt að tilkynna
nágrönnum um væntanlega
brottför.