Fréttablaðið - 24.08.2017, Side 35

Heilsuborg hefur þroskast vel,“ segir Erla Gerður Sveinsdóttir yfirlæknir,
annar stofnandi Heilsuborgar.
„Við áttum góð ár í Faxafeninu
en vorum búin að sprengja
utan af okkur húsnæðið og
því kominn tími á að færa út
kvíarnar. Við byrjuðum fyrir
átta árum með aðaláherslu á
vandaða líkamsrækt og drauminn
um heildstæða þjónustu þar
sem hægt væri að vinna vel
með marga þætti heilsunnar. Sá
draumur er að rætast í dag með
stórum og fjölbreyttum hópi
fagfólks sem starfar í Heilsuborg,
en í dag eru starfsmenn um 90. Sá
góði andi sem fylgt hefur starfinu
okkar var fluttur með viðhöfn
yfir í nýja húsnæðið. Við munum
kappkosta að halda umhyggjunni
og okkar heimilislega og hlýja
andrúmslofti.“
Vönduð líkamsrækt
Hjá Heilsuborg verður áfram
boðið upp á vandaða líkams­
rækt þar sem hægt er að æfa á
eigin vegum, sækja námskeið eða
nýta sér aðstoð þjálfara sem allir
eru háskólamenntaðir. „Fólk vill
vanda sig. Meðvitund um mikil­
vægi heilsunnar hefur aukist og
fólk vill gera það sem það getur
sjálft til að halda góðri heilsu. Þá
er mikilvægt að fá fagfólk með
sér í lið, hvort sem verið er að
fyrirbyggja vanda eða vinna með
einhvers konar heilsubrest. Sumir
þurfa bara ráðgjöf til að koma
sér af stað, aðrir þurfa meðferð í
lengri tíma og jafnvel hjá fleiri en
einum fagaðila í einu.“
Breið þjónusta
Þegar heilsan fer að bila er vand­
inn oft fjölþættur, eins og verkir,
svefnleysi, depurð, hreyfingar­
leysi, streita og ofþyngd. „Varan­
legur árangur næst ekki nema
tekið sé á vandanum í heild sinni
og þá er gott að hafa Heilsuborg í
bakhöndinni,“ segir Erla Gerður.
Sérstaða Heilsuborgar liggur í
hversu breið þjónusta er í boði,
hvernig unnið er með alla þætti
heilsunnar samhliða og hvernig
þjónustan er fléttuð saman við
daglegt líf viðskiptavinanna. Þessi
sérstaða Heilsuborgar hefur vakið
athygli út fyrir landsteinana og
þykir einstök í sinni röð. „Við
höfum möguleika á að breikka
þjónustuna enn frekar í þessari
góðu aðstöðu, ásamt samvinnu
við Heilsugæsluna Höfða sem
er í sama húsi. Nú hafa bæst í
hópinn nokkrir sérfræðilæknar
úr ýmsum sérgreinum og hópur
annarra fagaðila hefur stækkað
til muna. Sem dæmi má nefna að
nú starfa 13 sálfræðingar og 16
sjúkraþjálfarar í Heilsuborg,“ segir
Erla Gerður.
Heilsumat fyrir
heilsueflingu
Heilsumat hjá hjúkrunarfræðingi
er góð byrjun á að taka heilsuna
föstum tökum en þá er farið
yfir stöðu mála og helstu
áhættuþætti, gerðar mælingar á
líkamssamsetningu og skilgreind
áætlun um næstu skref. „Enn ein
nýjungin í þjónustu okkar er mæling
á gæðum svefns, en hann verður of
oft útundan. Svefninn er einmitt afar
mikilvæg undirstaða góðrar heilsu.
Þar sem þjónusta okkar er svo
víðtæk getur verið erfitt að átta sig á
hvað hentar og því bjóðum við fría
ráðgjöf til að fá leiðsögn um bestu
leiðina,“ segir Erla Gerður.
Ráðgjöf sjúkraþjálfara
Hólmfríður Berglind Þorsteins­
dóttir sjúkraþjálfari er fagstjóri
hreyfingar og stoðkerfis hjá
Heilsuborg. Hún segir að í þróun
sé ný nálgun til að hjálpa fólki
að finna sinn stað í úrræðum
Heilsuborgar. „Þetta heitir Stoð­
kerfismóttakan og er m.a. byggt
á viðtali og spurningalistum sem
hlotið hafa alþjóðlega viðurkenn­
ingu. Ef niðurstaðan er sú að við­
komandi þurfi nánari skoðun hjá
sjúkraþjálfara ættu svörin að gefa
vísbendingu um hvaða sjúkra­
þjálfari eða námskeið hentar
best fyrir það vandamál sem
vegur þyngst en sjúkraþjálfarar
Heilsuborgar eru margir hverjir
sérhæfðir á ákveðnu sviði. Svörin
gefa jafnframt vísbendingar um
fleiri þætti vandans sem aðrir
heilbrigðisstarfsmenn hjá Heilsu­
borg geta aðstoðað við. Þetta er
stór þáttur í að aðstoða einstakl­
inginn á heildrænan hátt eins og
Heilsuborg stendur fyrir.“
Sjúkraþjálfarar og íþrótta­
fræðingar kenna æfingar, ýmist
einum í einu eða í hópum. Fjöldi
námskeiða er í boði, þar sem
markvisst er unnið með vanda­
mál sem tengjast stoðkerfinu.
„Teymi starfsmanna kemur að
slíkum námskeiðum. Þann­
ig viljum við hafa samvinnuna
í Heilsuborg, því reynslan og
vísindin sýna að á þann hátt er
frekar hægt að leysa úr flóknum
vandamálum,“ segir Hólmfríður.
Andleg heilsa mikilvæg
Mikil vitundarvakning hefur
orðið um mikilvægi andlegrar
heilsu og fólk er ekki eins hikandi
að tala um vanlíðan og leita
sér aðstoðar og áður, að sögn
Sigrúnar Ásu Þórðardóttur, sál­
fræðings og fagstjóra hugarhreysti
og geðræktar hjá Heilsuborg. „Hjá
okkur starfa 15 sérfræðingar á
þessu sviði; sálfræðingar, geð­
læknir og félagsráðgjafi. Við
bjóðum upp á einstaklingsvið­
töl og námskeið. Í þjóðfélaginu
er mikil streita sem getur átt sér
flóknar birtingarmyndir. Fólk er
undir miklu álagi, bæði í einkalífi
og starfi. Einkennin geta komið
fram í stoðkerfinu, með verkjum
og líka breytingum á hugsunum,
minni og verri almennri líðan.
Sumir þróa með sér alvarlegan
kvíða og þunglyndi út frá streitu
og sjálfsmynd fólks getur jafnvel
beðið hnekki,“ upplýsir Sigrún
og bætir við að þegar unnið sé
með andlega heilsu sé mikilvægt
að hugsa heildrænt. „Andleg og
líkamleg heilsa spilar saman.
Einkenni geta verið líkamleg en
orsakirnar geta verið aðrar og það
er mikilvægt að horfast í augu við
það og vinna með það líka.“
Sálfræðiþjónusta fyrir börn
og unglinga
Hjá Heilsuborg er nú boðið upp
á sálfræðiþjónustu fyrir börn og
unglinga, en lengi hefur verið
óskað eftir slíkri þjónustu. „Við
verðum í samstarfi við Heilsu­
gæsluna Höfða og munum
þjónusta viðskiptavini Heilsu­
gæslunnar, sé þess óskað, bæði
á fullorðins­ og barnasviði.
Áherslan verður áfram að veita
sem heildstæðasta meðferð bæði
fyrir börn og fullorðna með
ýmiss konar tilfinningavanda.
Við munum áfram bjóða upp á
námskeið eins og Hugarlausnir,
Andlega líðan og verki og Sjálf­
styrkingu og sjálfsöryggi. Í haust
munum við bjóða upp á sérsniðið
námskeið fyrir einstaklinga með
ofsakvíða og eftir minni bestu
vitund er það hið eina sinnar
tegundar hér á landi,“ segir Sig­
rún.
Kynningarfundur
í dag kl. 17.30
Heilsulausnir hafa verið vinsæl­
asta námskeið Heilsuborgar frá
upphafi. Sólveig Sigurðardóttir
ástríðukokkur (Lífsstíll Sólveigar)
verður áfram með sýnikennslu í
matargerð og gefur hagnýt ráð og
smakk af góðum mat. „Eitt er að
vita hvað maður þarf að gera en
annað að koma því inn í daglega
lífið. Þess vegna erum við að flétta
nýja nálgun inn í námskeiðið
sem er að fara af stað. Þar er lögð
enn meiri áhersla á það hvernig
auðvelt verður að koma góðum
áformum í framkvæmd og líða
vel með það. Nýja nálgunin er að
bandarískri fyrirmynd og flétt­
ast vel inn í Heilsulausnanám­
skeiðið okkar, enda allt efnið
byggt á bestu þekkingu sem völ
er á. Námsefnið var þróað fyrir
einstaklinga sem greinast með
forstig sykursýki og hentar vel til
að fyrirbyggja sykursýki en það
nýtist líka vel fyrir þá sem komnir
eru með sjúkdóma svo sem sykur­
sýki, offitu eða hjartasjúkdóma.
Leiðbeinendur okkar hafa fengið
þjálfun hjá bandarískum sam­
starfsaðilum og þetta er fyrsta
námskeiðið af þessum toga hér
á landi. Við verðum með kynn­
ingarfund um þetta námskeið í
dag kl. 17.30 og allir eru hjartan­
lega velkomnir því námskeiðið
hentar mjög breiðum hópi fólks,“
segir Erla Gerður.
Heilsuborg er við Bíldshöfða 9.
Síminn er 560 1010. Nánari upp-
lýsingar eru á vefsíðunni www.
heilsuborg.is.
Við byrjuðum fyrir
átta árum með
aðaláherslu á vandaða
líkamsrækt og drauminn
um heildstæða þjónustu
þar sem hægt væri að
vinna vel með marga
þætti heilsunnar. Sá
draumur er að rætast í
dag með stórum og
fjölbreyttum hópi fag-
fólks sem starfar í Heilsu-
borg en í dag eru starfs-
menn um 90. Sá góði andi
sem fylgir okkur var
fluttur með viðhöfn yfir í
nýja húsnæðið.
Erla Gerður Sveinsdóttir
KYNNINGARBLAÐ 5 F I M MT U DAG U R 2 4 . ág ú S t 2 0 1 7 HEILSURæKT
Erla Gerður, Sigrún Ása og Hólmfríður Berglind taka vel á móti viðskiptavinum Heilsuborgar. Í dag kl. 17.30 er kynn-
ingarfundur um Heilsulausnir, vinsælasta námskeið Heilsuborgar frá upphafi. MYND/EYÞÓR
Aðstaðan er öll hin glæsilegasta. MYND/EYÞÓR
Heilsuborg er flutt og er nú við Bíldshöfða 9. MYND/ANTON BRINK
Heilsuborg blómstrar
Heilsuborg hefur flutt starfsemi sína í nýtt húsnæði að Bíldshöfða 9. Vönduð líkamsrækt og heild-
stæð þjónusta verður í fyrirrúmi. Allir sérfræðingar og þjálfarar eru með háskólamenntun.
2
4
-0
8
-2
0
1
7
0
4
:4
2
F
B
0
7
2
s
_
P
0
5
1
K
.p
1
.p
d
f
F
B
0
7
2
s
_
P
0
3
8
K
.p
1
.p
d
f
F
B
0
7
2
s
_
P
0
2
2
K
.p
1
.p
d
f
F
B
0
7
2
s
_
P
0
3
5
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
D
8
F
-D
0
3
4
1
D
8
F
-C
E
F
8
1
D
8
F
-C
D
B
C
1
D
8
F
-C
C
8
0
2
7
5
X
4
0
0
.0
0
1
4
B

F
B
0
7
2
s
_
2
3
_
8
_
2
0
1
7
C
M
Y
K