Fréttablaðið - 17.11.2017, Blaðsíða 37

Ellen Ragnars Sverrisdóttir tók þátt í
Startup Tourism 2017. MYND/ERNiR
María Pálsdóttir tók þátt í Startup
Tourism 2017.
Sigurlín Margrét
Sigurðardóttir
tók þátt í Startup
Tourism 2017.
Hér er hún og
samstarfsfólk
hennar hjá Döff
Ísland.
Eins og að vera í tvöföldu
MBA-námi
Ellen Ragnars Sverrisdóttir er
stofnandi MYSHOPOVER en hún
tók þátt í viðskiptahraðlinum.
Sprotafyrirtækið MYSHOPOVER
verður sniðið að ferðamönnum
sem vantar aðstoð við að versla í
ókunnugri borg. Um er að ræða
vettvang þar sem ferðamaðurinn
tengist heimamanni, stílista eða
vönum verslunarráðgjafa sem fer
með honum eða henni að versla,
bendir á bestu búðirnar og hvar er
best að fá ákveðnar vörutegundir
og merkjavöru og tekur jafnvel
að sér að sjá um innkaupin eftir
pöntun. „Ég fékk þessa hugmynd af
því að ég var svo mikið að ferðast
sjálf og vantaði oft einmitt þessar
upplýsingar. Ég ætlaði að þróa app
þar sem þú gætir fengið meðmæli
um góða staði til að versla á,“
segir Ellen. Hún mælir eindregið
með þeirri reynslu sem felst í því
að taka þátt í Startup Tourism.
„Ég var búin að ganga lengi með
hugmyndina í maganum en setti
hana loksins á blað þegar ég fékk
inni í Startup Tourism,“ segir hún.
„Hugmyndin hefur síðan tekið
miklum breytingum eftir að ég
fékk endurgjöfina hjá aðilum í
ferðaþjónustunni. Ég eignaðist
góða vini, bjó til ráðgjafastjórn í
fyrirtækið og fékk aðstoð við að
vinna hugmyndina upp á nýtt og
koma henni í þann farveg að hægt
væri að prófa hana.“ Hún segir að
þátttakan í viðskiptahraðlinum sé
eins og að vera í tvöföldu MBA-
námi, slíkur sé ávinningurinn. „Það
er ekkert hægt að lýsa því hvað það
er gott að fara í svona hraðal. Það
skiptir engu máli á hvaða stað þú
ert í lífinu eða hvaða reynslu þú
hefur því þarna ertu með greiðan
aðgang að rosalega flottu fólki úr
viðskiptalífinu sem er boðið og
búið að veita þér ráðleggingar.“
www.myshopover.com
STARTUP TOURiSM
Nýsköpun í ferðaþjónustu
Startup Tourism er tíu vikna viðskiptahraðall sem er sniðinn að þörfum nýrra fyrirtækja í ferða-
þjónustu. Tíu fyrirtæki fá aðgang að fullbúnu skrifstofurými hjá Íslenska ferðaklasanum á meðan
á verkefninu stendur og einnig þjálfun, fræðslu og endurgjöf frá fjölda sérfræðinga og stjórnenda.
Frá því að verkefnið hófst árið 2016 hafa borist um 170 umsóknir í Startup Tourism, en af þeim
tuttugu teymum sem tekið hafa þátt er um helmingurinn skipaður konum.
Frábært að fá tækifæri til að
þróa hugmyndina
María Pálsdóttir er framkvæmda-
stjóri Hælisins ehf. sem hún stofnaði
í sumar til að koma setri um sögu
berklanna á Íslandi á koppinn.
„Hugmyndin kviknaði þegar ég
var á gangi um æskustöðvarnar á
Kristnesi í Eyjafirði og sveið að sjá
starfsmannahúsin sem tilheyra
Kristnesspítala drabbast niður.
Svo ég ákvað að gera eitthvað í
málunum og fannst liggja beint
við að setja upp sýningu um sögu
berklanna á Íslandi en Kristnes var
reist sem berklahæli árið 1927.“
Hún sat fyrst Brautargengi þar
sem hún lærði að gera viðskipta-
áætlun. „Svo sat ég viðskipta-
hraðalinn Startup Tourism og fékk
góða ráðgjafa og mikla aðstoð við
að ydda hugmyndina, æfa kynn-
ingar og byggja upp tengslanetið.“
María flutti svo norður í haust til
að fylgja draumnum sínum eftir.
„Sjúkrahúsið á Akureyri stendur
þétt við bakið á mér og verið er að
ganga frá samningsatriðum um
leigu á húsnæðinu. Þegar það er í
höfn er hægt að fara að bretta upp
ermarnar og koma húsunum í stand
en þau þarfnast mikilla endurbóta.“
María segir það víst að sýningin
verði áhrifamikil. „Berklarnir voru
sjúkdómur sem felldi alltof marga.
Þetta er stórmerkilegur hluti í sögu
þjóðar sem legið hefur í þagnar-
gildi og tímabært að gera honum
skil. Það er einnig mikilvægt að
auka afþreyingu fyrir ferðamenn
sem streyma til landsins sem aldrei
fyrr og ekki síst að létta álaginu á
suðvesturhorninu,“ segir María.
„Það er nóg pláss fyrir ferðamenn
hér fyrir norðan og kannanir sýna
að sögusöfn eru ofarlega á lista yfir
það sem ferðamenn eru tilbúnir að
greiða fyrir hvað varðar afþreyingu.
Startup Tourism var frábært upp á
að kynnast fleira fólki í svipuðum
sporum, hitta svo marga ráðgjafa
og leiðbeinendur sem voru örlátir
á þekkingu sína og þá skipti einnig
miklu máli að fá þessa gríðarlegu
þjálfun í að kynna verkefnið.“
www.haelid.is
Mikilvægt að vera með
Sigurlín Margrét tók þátt í Startup
Tourism í tengslum við stofnun
fyrirtækisins Döff Ísland ehf. í apríl
2017 sem sér um rekstur og allt
utanumhald ferðaþjónustu Deaf
Iceland tours.
„Deaf Iceland Tours býður upp
á ferðaþjónustu á táknmáli,“ segir
Sigurlín Margrét. „Döff ferðamenn
sem til Íslands koma hvaðanæva úr
heiminum eru markhópur okkar.
Við fundum fyrir þörfinni að stofna
svona eftir að hafa hitt döff ferða-
menn sem hingað hafa komið og
reynsla þeirra var oft á þá vegu að
lítið eða ekkert sást af táknmálinu
hér á landi. Við sem að Deaf Iceland
stöndum höfum öll mismunandi
menntun og bakgrunn en höfum þó
hvert með sínum hætti komið með
reynslu okkar af ferðaþjónustu í
verkefnið.“ Hún segir verkefnið ekki
hafa byrjað með neinum látum.
„Árið 2017 er meira svona tilraunaár
fyrir okkur. Við höfum unnið að því
að samhæfa og setja saman ferðir
sem koma til með að verða bókaðar
í gegnum heimasíðu okkar á árinu
2018. Þannig gefum við döff tæki-
færi til að heimsækja Ísland.“
Sigurlín segir Startup Tourism hafa
gagnast afar vel við stofnun Deaf
Iceland. „Við lærðum mikið og
eflaust hafa líka margir lært sitthvað
af okkur líka. Stundum fannst okkur
að við værum í leiðbeiningahlut-
verki þegar við vorum að segja
leiðbeinendunum frá samfélagi döff
og fyrir hvað við stöndum. Stærsta
málið var fyrir okkur að vera með. Í
upphafi höfðum við svolítið annað
sjónarhorn á hugmyndina okkar
og verkefnið en svo breyttist það,
sennilega af því að við lærðum
meira og meira. Svo eru leiðbein-
endur í Startup Tourism svo góðir
og koma öllu mjög faglega frá sér,
vita næstum öll svörin og hafa góðar
lausnir á takteinum. Þetta víkkar
líka tengslanet okkar. Við mælum
hiklaust með að fólk sem hefur
ferðaþjónustuhugmynd og trúir
á hana fari í Startup Tourism við-
skiptahraðalinn.“
www.deaficeland.is
Bakhjarlar Startup Tourism eru Isavia, Bláa lónið, Íslandsbanki og Voda-
fone. Um framkvæmd verkefnisins sér Icelandic Startups í samstarfi við
Íslenska ferðaklasann. Óskað er eftir ferskum hugmyndum að afþreyingu
og lausnum sem styrkt geta innviði ferðaþjónustunnar. Opið er fyrir um-
sóknir í Startup Tourism til og með 11. desember á startuptourism.is
Sigríður Pjetursdóttir, eigandi og framkvæmdastjóri Hestamiðstöðvarinnar Sólvangs kynnir verkefni sitt í Startup Tourism.
KYNNiNGARBLAÐ 7 F Ö S T U DAG U R 1 7 . n ÓV e m B e r 2 0 1 7 KONUR Í FERÐAþjóNUSTU
1
7
-1
1
-2
0
1
7

0
4
:4
9
F
B
0
7
2
s
_
P
0
5
2
K
.p
1
.p
d
f
F
B
0
7
2
s
_
P
0
3
7
K
.p
1
.p
d
f
F
B
0
7
2
s
_
P
0
2
1
K
.p
1
.p
d
f
F
B
0
7
2
s
_
P
0
3
6
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
E
3
E
-0
E
D
0
1
E
3
E
-0
D
9
4
1
E
3
E
-0
C
5
8
1
E
3
E
-0
B
1
C
2
7
5
X
4
0
0
.0
0
1
4
A

F
B
0
7
2
s
_
1
6
_
1
1
_
2
0
1
C
M
Y
K