Morgunblaðið - 18.02.2017, Blaðsíða 56

 Sinfóníuhjómsveitin flytur ævin-
týrin um Skrímslið litlu systur mína og
Gullbrá og birnina þrjá í Eldborg
Hörpu í dag kl. 14. Eivør Pálsdóttir
samdi tónlistina við sögu Helgu Arn-
alds, Skrímslið litla systir mín, sem
Björk Bjarkadóttir myndskreytti og
Tróndur Bogason útsetti.
Eric Coates samdi tónlistina við
Gullbrá og birnina þrjá sem flutt verð-
ur sem brúðuleikhús án orða með
pappírsbrúðum og leikmynd úr smiðju
Helgu Arnalds sem
sjálf stjórnar.
Hljómsveitarstjóri er
Bernharður Wilkin-
son, trúðurinn Bar-
bara kynnir, Eivør
syngur einsöng og
Graduale Futuri
syngur með.
Skrímslið og Gullbrá
leikin í Hörpu í dag
LAUGARDAGUR 18. FEBRÚAR 49. DAGUR ÁRSINS 2017
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
5 6 9 0 9 0 0 0 0 0 9 0 0
Í LAUSASÖLU 941 KR. ÁSKRIFT 5.950 KR. HELGARÁSKRIFT 3.715 KR. PDF Á MBL.IS 5.277 KR. I-PAD ÁSKRIFT 5.77 KR.
VEÐUR » 8 www.mbl.is
»MEST LESIÐ Á mbl.is
1. Alvöru vetrarveður á leiðinni
2. „Drap þau öll, auðvitað“
3. Reyndi að hafa áhrif á framburð
4. „Pabbi, haltu á mér, pabbi!“
 Sönghópurinn Voces Thules kemur
fram á tónleikum í Hömrum í Hofi á
Akureyri í dag kl. 12. Hópurinn, sem
stofnaður var 1991, hefur náð að
skipa sér sess sem einn helsti tón-
listarhópur á Íslandi á sínu sviði.
Voces Thules kemur
fram í Hömrum í dag
 Enski grínistinn
og leikarinn Ricky
Gervais verður
með uppistand í
Hörpu 20. apríl
nk. Gervais birti á
Facebook-síðu
sinni í gær dag-
skrá uppistands-
ferðar sinnar sem
ber yfirskriftina Humanity, eða
Mannkyn, og kemur þar fram að Ís-
land sé eitt þeirra landa sem hann
muni skemmta í.
Gervais með uppi-
stand í Hörpu
FÓLK Í FRÉTTUM
VEÐURÍÞRÓTTIR
SPÁ KL. 12.00 Í DAG Hægviðri víðast hvar og úrkomulítið. Snýst til suðlægrar áttar
vestanlands annað kvöld og fer að rigna. Hiti 0 til 7 stig, mildast með suðurströndinni.
Á sunnudag Nokkuð hvöss vestlæg eða breytileg átt og rigning, en slydda norðanlands.
Rofar til seinni partinn. Hiti 0 til 8 stig, mildast suðaustanlands.
Á mánudag Suðvestanstrekkingur með éljum, en bjartviðri um landið austanvert. Hiti
víða í kringum frostmark.
Þór Akureyri fór illa með nýkrýnda
bikarmeistara og ríkjandi Íslands-
meistara KR norðan heiða í Dominos-
deild karla í körfubolta í gærkvöld.
Þór vann 18 stiga sigur, 83:65, og
komst upp að hlið nafna síns frá Þor-
lákshöfn í 5.-6. sæti deildarinnar. KR
mistókst að ná aftur efsta sætinu af
Stjörnunni. Í Njarðvík fögnuðu Grind-
víkingar sigri, 87:79. »3
Þór kippti meisturum
KR á jörðina með stæl
„Hann var sterkur og fljótur,
sprettharður, mjög kraft-
mikill, flinkur með boltann
og skotfastur. Þar að auki
var hann góður skallamaður.
Baráttuandinn var alltaf á
sínum stað enda var hann
mikill keppnismaður og
það fann maður bæði þegar
maður lék á móti honum og
með honum,“ segir Ellert B.
Schram um Ríkharð Jóns-
son. »1-3
Sterkur og flinkur
keppnismaður
Ólafía Þórunn Kristinsdóttir er búin
að komast í gegnum niðurskurðinn á
tveimur fyrstu mótum sínum á sterk-
ustu mótaröð heims, LPGA-
mótaröðinni. Þessu
markmiði náði hún
á dramatískan
hátt í fyrrinótt, að
íslenskum tíma, á
Opna ástralska
mótinu, ISPS
Handa, sem nú
stendur yfir í
Adelaide og
lék þar sama
leik og á
fyrsta
mótinu á
Bahamaeyj-
um í lok
janúar. »1
Ólafía fór áfram á
dramatískan hátt
Steinþór Guðbjartsson
steinthor@mbl.is
Séra Hjálmar Jónsson, dómkirkju-
prestur frá 2001, hefur beðist lausn-
ar frá embætti 31. maí næstkom-
andi. Hann er elsti starfandi
sóknarprestur í borginni og sá
reynslumesti. „Þegar ég áttaði mig á
því ákvað ég að snarhætta,“ segir
hann kíminn, en Signý Bjarnadóttir,
líffræðingur og eiginkona hans,
hættir einnig að vinna í vor.
Hjálmar er í fullu fjöri og hefur
áhuga á að gera eitthvað allt annað
áður en yfir lýkur. Í því sambandi
nefnir hann til dæmis ritstörf og far-
arstjórn, en hann er samt ekki hætt-
ur prestsstörfum. Hefur tekið að sér
margar hjónavígslur í sumar og seg-
ir að vel komi til greina að skjótast
til þjónustu ef einhvers staðar þurfi
að brúa bil. „Kannski fæ ég eitthvert
spennandi atvinnutilboð með vor-
inu,“ segir Hjálmar.
Gott fólk
„Margir góðir prestar hafa þjón-
að á undan mér í Dómkirkjunni og
margir góðklerkar eiga eftir að
þjóna á eftir mér,“ heldur Hjálmar
áfram. „Ég tók við af góðum manni,
séra Hjalta Guðmundssyni, sem
gifti okkur hjónin forðum daga, og
nú er ágætt að opna fyrir nýjum
presti. Síðustu misseri hefur Karl
Sigurbjörnsson biskup þjónað með
mér og séra Sveinn Valgeirsson
gegnt hlutverki sóknarprests.
Sveinn er framtíðarmaður í kirkj-
unni.“
Hjálmar segir að starf dóm-
kirkjuprests hafi verið ánægjulegt
og gefandi þótt að sjálfsögðu hafi
stundum verið sárar sorgarstundir.
Við kirkjuna starfi frábært fólk, þar
ríki glaðværð og þéttur hópur safn-
aðarfólks sinni vel um kirkjuna og
starfið ásamt prestunum. „Ég er
ekkert að yfirgefa það vinafólk
mitt, öðru nær, en ég mun heldur
ekki flækjast fyrir arftakanum í
embætti.“
Hjálmar vígðist 1976 og byrjaði að
þjóna í Bólstaðarhlíðarprestakalli í
Húnavatnsprófastsdæmi og varð
síðan sóknarprestur í Sauðárkróks-
prestakalli, þar sem hann varð fljót-
lega prófastur. „Það var fram-
haldsháskóli að vera hjá Húnvetn-
ingum og síðar Skagfirðingum,“
segir hann.
Sóknarpresturinn var varaþing-
maður Sjálfstæðisflokksins í Norð-
urlandskjördæmi vestra frá 1991 og
1995 var hann síðan kjörinn á þing,
þar sem hann sat til 2001. Ólafur G.
Einarsson var forseti Alþingis 1995-
1999.
Hjálmar saknaði stundum þjón-
ustunnar í kirkjunni en brást við
nýjum aðstæðum með þessari vísu:
Út úr kirkju með eftirsjá,
inn á þing ég er dottinn.
Það er ólíkt að ávarpa þá,
Ólaf G. eða Drottin.
Hann segir það hafa verið mjög
áhugavert að kynnast Alþingi og
þingstörfunum. „Umræðan úti í
þjóðfélaginu er samt oft svolítið
skrýtin,“ segir Hjálmar og leggur
áherslu á að þjóðfélagsumræðan
verði oft yfirborðsleg og allt of lítið
skeytt um staðreyndir.
„Við ættum að temja okkur yfir-
vegaðar rökræður, upplýst fólk í lýð-
ræðisþjóðfélagi á að hafa alla burði
til þess. Alþingi getur unnið sem ein
heild fyrir heila þjóð, viðurkennt
vissulega fjölbreytileikann og skipt-
ar skoðanir, en ætti að hætta þessu
einkennilega karpi sem aðeins dreg-
ur úr trúverðugleikanum. Kirkjan
þurfi líka að huga að þessu. Víða í ís-
lensku samfélagi þurfum við að
skýra og skerpa hver höfuðmark-
miðin séu. Lífshamingjan fæst ekki
með neikvæðni. Temjum okkur að-
ferð Dúdda á Skörðugili í Skagafirði
og höfum vit á að vera í góðu skapi.“
Sóknarprestar hafa almennt lítinn
tíma til að sinna áhugamálum utan
vinnunnar, því starfið er tímafrekt.
„Maður er upptekinn af þessu hlut-
verki og hugsar um það meira og
minna,“ segir Hjálmar. Hann segist
samt hafa gefið sér tíma til þess að
skreppa í golf. Það sé góð leið til þess
að dreifa huganum og hvíla sig frá
daglegu amstri. „Það verður mikið
spilað í sumar,“ segir hann og bætir
við að kveðjumessan verði 28. maí
næstkomandi.
Ólíku saman að jafna
 Hjálmar dóm-
kirkjuprestur
hættir í vor
Morgunblaðið/Árni Sæberg
Tenging Séra Hjálmar Jónsson dómkirkjuprestur hefur einnig reynslu af því að vera alþingismaður.