Morgunblaðið - 07.03.2017, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 7. MARS 2017
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Jón Gunnarsson samgönguráðherra
mun funda með umhverfis- og sam-
göngunefnd Alþingis á morgun. Það er
að ósk formanns nefndarinnar, Val-
gerðar Gunnarsdóttur. Hún skýrði svo
frá í umræðum um fundarstjórn forseta
í gær en þær snerust um niðurskurð
framkvæmda í samgöngumálum.
Þyrmir yfir íbúa
Jón Gunnarsson hefur tilkynnt að
fresta þurfi tilteknum framkvæmdum
í vegamálum sem gert er ráð fyrir í
samgönguáætlun vegna þess að fjár-
veitingar samkvæmt fjárlögum árs-
ins duga ekki fyrir þeim.
Guðjón S. Brjánsson, Samfylkingu,
hóf umræðuna en samgönguráðherra
var fjarstaddur. Hann sagði ákvörðun
ráðherra vekja furðu margra þing-
manna og þyrmt hefði yfir íbúa lands-
byggðar. Sagði hann alvarlegt ef þing-
ið fengi ekki að koma að breytingum á
samgönguáætlun sem það hefði sjálft
samþykkt. Margir þingmenn komu
með athugasemdir í svipuðum dúr og
notuðu stór orð um áhyggjur sínar og
íbúa á landsbyggðinni.
Þarf meiri peninga
Steingrímur J. Sigfússon, VG, sagði
að samgönguráðherra gæti ekki tekið
sér það geðþóttavald að kollvarpa
þeirri framkvæmdaröð sem Alþingi
hefði ákveðið. Það stæðist ekki stjórn-
skipulega eða lög. Ráðherra gæti í
nauðvörn sinni fært allar fjárhæðir
niður hlutfallslega jafnt og sagt að
hann væri hlutlaus gagnvart röðun
Alþingis en gæti ekki tekið einstaka
framkvæmdir og hent þeim al-
gjörlega út á meðan aðrar fá fullan
framgang. Hann verði að leggja nýja
tillögu fyrir Alþingi.
Steingrímur bætti því við að auð-
vitað þyrfti meiri peninga. Öðruvísi
yrði þetta ekki leyst.
helgi@mbl.is
Ráðherra á fund þingnefndar
 Þingmenn segja niðurskurð framkvæmda í vegamálum ekki standast lög
Svonefnd sakarregla er útgangspunktur þegar kemur
að því að meta bótarétt tjónþola, þegar grýlukerti og
snjóhengjur falla af húsum á bíla og fólk. Nokkuð hef-
ur verið um tilkynningar vegna slíkra mála að undan-
förnu til tryggingafélaga. Í grýlukertamálum þarf að
horfa til margra þátta svo sem hvort óhöppin verði við
almenningsrými, til dæmis verslanir, skóla, eða
íþróttamannvirki. Á slíkum stöðum gildir ríkari krafa
en annars staðar um að öryggismál séu í lagi. Þegar
um einkahús er að ræða eru sjónarmið önnur og kröf-
ur minni. „Þetta eru flókin mál í afgreiðslu og regl-
urnar til dæmis um eigin ábygð og sök þannig að
svona mál fá sjaldan þann framgang að komi til bóta-
greiðslna. Hins vegar gerist stundum að snjóhengjur
fara fram af húsum og rífa með sér þakskegg og
þannig tjón höfum við oft bætt viðskiptavinum okkar,“
segir Þorsteinn Þorsteinsson, forstöðumaður eigna-
tjóna hjá VÍS. sbs@mbl.is
Morgunblaðið/Golli
Hætta Íbúi á Hverfisgötu reynir eftir bestu getu að losa sig við hættuna af grýlukertum og snjóhengju.
Hlýindi gera grýlukertin hættuleg
Konan sem lést í umferðarslysi á
Grindavíkurvegi aðfaranótt sunnu-
dags hét Guðrún Pálsdóttir. Hún
var 45 ára gömul. Guðrún var til
heimilis að Traðarbergi 3 í Hafn-
arfirði.
Slysið varð um 1,7 kílómetra
norðan við mót Norðurljósavegar.
Ekki er vitað nánar um tildrög
slyssins önnur en þau að konan
virðist hafa misst stjórn á bílnum
með þeim afleiðingum að hann valt
út af veginum.
Lést í um-
ferðarslysi
„Fyrsta skrefið er að koma á fót
sérfræðihóp sem gæti undirbúið
tillögur um úrbætur á stjórnar-
skrá, lög um ráðherraábyrgð og lög
um landsdóm,“ segir Birgir Ár-
mannsson, formaður þingflokks
Sjálfstæðisflokksins, um hug-
myndir að breytingu á landsdómi.
Hann telur mikilvægt að fara að
huga að þessum málum. Forseti Ís-
lands, Guðni Th. Jóhannesson,
sagði í viðtali við tímarit Lögréttu
að landsdómur ætti að fara og að
dómurinn ætti ekkert erindi í
stjórnarskrá. Birgir telur að nægi-
lega langt sé liðið frá landsdóms-
málinu til að hægt sé að skoða þessi
mál með skýrum huga. Þingsálykt-
unartillaga var samþykkt um end-
urskoðun á landsdómi samhliða því
að landsdómsmál hófst gegn fjór-
um ráðherrum. Þótti erfitt að fara í
endurskoðun meðan á þeim málum
stóð.
Full ástæða til endurskoðunar
„Ég held að menn séu almennt
sammála um það að þetta hafi nú
ekki tekist vel síðast og full ástæða
til að fara yfir þessi mál með ítar-
legum hætti,“ sagði Brynjar Níels-
son, formaður stjórnskipunar- og
eftirlitsnefndar Alþingis, í samtali
við RÚV í gær. Jón Steindór Valdi-
marsson, þingmaður Viðreisnar og
1. varaformaður nefndarinnar, seg-
ir vera fulla ástæðu til að taka fyr-
irkomulagið til endurskoðunar og
segir landsdóm barn síns tíma. » 18
Dómur-
inn barn
síns tíma
 Vilja endur-
skoða landsdóm
Morgunblaðið/Kristinn
Landsdómur Hluti af 15 dómendum.
Guðlaugur Þór Þórðarson utanrík-
isráðherra segist ekki sammála full-
yrðingu sem höfð var eftir Jónu Sól-
veigu Elínardóttur, formanni
utanríkismálanefndar Alþingis, í
frétt Washington Times á dögunum.
Hafði hann þann fyrirvara á að þetta
ætti við ef rétt væri eftir haft í frétt-
inni. Kom þetta fram á Alþingi í gær
þegar ráðherra svaraði fyrirspurn
Lilju Alfreðsdóttur, Framsóknar-
flokki.
Í frétt blaðsins er haft eftir Jónu
Sólveigu að samningurinn um Evr-
ópska efnahagssvæðið (EES) og að-
ild Íslands að Fríverslunarsam-
tökum Evrópu (EFTA) dugi ekki
lengur til að tryggja hagsmuni Ís-
lands gagnvart Evrópusambandinu.
Lilja spurði utanríkisráðherra beint
um það hvort hann væri sammála
þessu. Guðlaugur Þór tók fram í
svari sínu að greinin væri greinilega
ekki nákvæm eða vel unnin þegar
fjallað væri um efnahagsmál á Ís-
landi. Gat hann þess að send hefði
verið athugasemd vegna þess sem
þar væri farið rangt með.
Gjörólík sjónarmið
Lilja sagðist ekki hafa séð að for-
maður utanríkismálanefndar hefði
komið á framfæri leiðréttingu við sín
orð. Hún spurði hvort ekki væri rétt
að leiðrétta þau gjörólíku sjónarmið
sem fram hefðu komið, ekki síst
gagnvart samstarfsaðilum Íslend-
inga í EFTA.
Ekki sam-
mála því
sem eftir
var haft
 Ráðuneytið
gerði athugasemdir
Afurðastöðvum í mjólkuriðnaði
verður óheimilt að vinna saman. Þá
mun Samkeppniseftirlitið hafa eft-
irlit með markaðsráðandi afurða-
stöð. Talsverðar breytingar eru
lagðar til á starfsumhverfi mjólkur-
iðnaðarins í frumvarpi sem land-
búnaðarráðherra hefur kynnt, með-
al annars um þrengingu undanþágu
frá samkeppnislögum.
Helstu breytingarnar frá núgild-
andi ákvæðum búvörulaga eru þær,
að mati atvinnuvegaráðuneytisins,
að afurðastöðvum í mjólkuriðnaði
verður óheimilt að gera samninga
um verðtilfærslu milli tiltekinna af-
urða, þeim er óheimilt að samein-
ast, gera með sér samkomulag um
verkaskiptingu og hafa með sér
annars konar samstarf við fram-
leiðslu og dreifingu afurða.
Verði frumvarpið að lögum verða
lagðar ýmsar skyldur á markaðs-
ráðandi afurðastöð. Henni verður
skylt að safna og taka við allri hrá-
mjólk sem henni býðst frá bændum
og verður skylt að selja óháðum af-
urðastöðvum og vinnsluaðilum allt
að 20% allrar hrámjólkur. Verð til
bænda verður áfram ákveðið af
verðlagsnefnd.
Framleiðsluhluti markaðsráðandi
afurðastöðvar skal vera fjárhags-
lega og stjórnunarlega aðskilinn frá
annarri starfsemi afurðastöðv-
arinnar.
Frumvarpsdrögin eru til um-
sagnar til og með 17. mars næst-
komandi.
Mjólkurbú
mega ekki
vinna saman
 Mjólk fer undir
samkeppnislög