Morgunblaðið - 23.05.2017, Blaðsíða 10

10 FRÉTTIRInnlent
MORGUNBLAÐIÐ ÞRIÐJUDAGUR 23. MAÍ 2017
Sindragata 12c | Ísafirði | Sími 456 1300 | smidjan@velsmidjan.is
Frábær smurefni sem einangra, verja
og koma í veg fyrir tæringu eins og
verkfæra o rafma nsvara.
100% eins árs RAKAVÖRN
Með því að velja hráefnið
af kostgæfni, nota engin aukaefni
og hafa verkhefðir fyrri tíma
í hávegum, framleiðum við
heilnæmar og bragðgóðar
sjávarafurðir.
Söluaðilar:
Hagkaup, Kostur, Melabúðin,
Iceland verslanir, Kvosin,
Nettó, Samkaup, Pure Food
Hall flugstöðinni Keflavík,
Sunnubúðin, 10-11.
Aron Þórður Albertsson
aronthordur@mbl.is
„Frá því að ég hóf störf við skólann
fyrir tveimur árum hef ég verið að
skipuleggja ferð hingað ásamt yf-
irmanni mínum,“ segir Heiða Steina
Reed, sem búið hefur í Texas
undanfarin 20 ár ásamt bandarísk-
um eiginmanni sínum, Micah Reed,
og þremur dætrum. Heiða er þessa
dagana stödd hér á landi ásamt 24
nemendum sínum frá Texas Wes-
leyan University School of Business
í skoðunarferð um Ísland. Hún er
með doktorspróf í tölvunarfræði frá
University of North Texas og kenn-
ir áfanga við viðskiptafræðideild
Texas Wesleyan University. Heiða
segir að það sem henni hafi fundist
hvað áhugaverðast að kynna fyrir
krökkunum hér á landi sé hversu
langt á veg Ísland væri komið í bar-
áttunni fyrir jafnrétti kynjanna.
Toppurinn að hitta Vigdísi
„Okkur hefur verið sýnt ým-
islegt hingað til en hápunkturinn
var klárlega þegar frú Vigdís Finn-
bogadóttir tók á móti okkur,“ sagði
Heiða. Vigdís fór með hópinn að
Höfða, þar sem hún sýndi þeim
fundarstað Ronalds Reagan og
Mikhaíls Gorbatsjov ásamt því að
segja þeim frá því hvað það var sem
fékk hana til þess að bjóða sig fram
til forseta. Auk þess að hitta Vigdísi
hefur hópurinn farið í heimsókn til
Local lögmanna, Lýsis, Háskóla Ís-
lands og í Bláa lónið svo eitthvað sé
nefnt. Hópurinn er á landinu í 10
daga en heldur aftur til síns heima
25. maí .
Býst við að koma aftur að ári
„Auðvitað saknar maður þess
að hafa sína allra nánustu ekki hjá
sér í Texas,“ segir Heiða spurð
hvort hún sakni þess að búa á Ís-
landi. Hún segir að henni finnist
æðislegt að koma í heimsókn til Ís-
lands en hún sé hins vegar gift
Bandaríkjamanni og Texas sé orðið
heimili hennar. Heiða gerir ráð fyrir
fleiri heimsóknum með skólanum á
næstu árum: „Ég hef nú þegar lagt
inn beiðni fyrir annarri ferð á næsta
ári og þeir krakkar sem komu með í
þessa ferð vilja endilega koma aftur
með þá.“
Tekur nemendur
sína með til Íslands
Morgunblaðið/Ófeigur
Við Bláa lónið Heiða Steina Reed ásamt nemendum sínum frá Bandaríkjunum í skoðunarferð á Íslandi.
 Hápunktur heimsóknarinnar að hitta Vigdísi
Björn Björnsson
Sauðárkróki
Síðastliðinn laugardag hittust
nokkrir afkomendur Ragnars Páls-
sonar, fyrrverandi útibússtjóra
Búnaðarbankans á Sauðárkróki, að
Úlfsstöðum í Blönduhlíð og var til-
efnið að afhjúpa minnisvarða um
hryssuna Ragnars-Brúnku, sem var
ættmóðir hrossaræktar Sveins Guð-
mundssonar á Sauðárkróki, en á
Úlfsstöðum var Brúnka síðustu árin
og þar var hún felld og heygð.
Páll Ragnarsson Pálssonar hafði
veg og vanda af gerð minnisvarð-
ans, sem er stuðlabergsdrangur,
slípaður af Aðalsteini J. Maríussyni
steinsmið með áletraðri koparplötu
með mynd af Brúnku og er platan
hönnuð af listamanninum Einari
Gíslasyni.
Dóttirin Síða enginn
eftirbátur
Ragnar Pálsson fékk Brúnku í
fermingargjöf frá föður sínum Páli
Erlendssyni, bónda á Þrastastöð-
um, er síðar fluttist til Siglufjarðar
og gerðist þar organisti og tónlist-
arkennari. Í ávarpsorðum Páls
Ragnarssonar kom fram að Brúnka
var tekin í tamningu af Jóni Jóns-
syni, bónda á Hofi á Höfðaströnd,
sem var víðkunnur hesta- og tamn-
ingamaður, en síðar fól Ragnar
Brúnku, Sveini Guðmundssyni mági
sínum, sem hóf sitt ræktunarstarf
út frá þessari glæsihryssu.
Skemmst er frá að segja að Brúnka
og dóttir hennar Síða eru ætt-
mæður flestra dæmdra stóðhesta á
landinu, og samkvæmt skýrslum
Hrossaræktarsambandsins á síð-
asta ári munu um 95% allra hesta
sem komið hafa til dóms átt rætur
að rekja til ræktunarstarfs Sveins
Guðmundssonar.
Það eru því ekki lítil áhrif sem
ættmóðirin Ragnars-Brúnka og
dóttir hennar Síða hafa skilið eftir
sig í ræktunarstarfi góðhesta á Ís-
landi.
Varði elliárunum á Úlfsstöðum
Um Ragnars-Brúnku var sagt að
hún væri feikigott reiðhross, einkar
vel tamin, hörkuviljug og sérlega
létt í taumi, gangrúm gæðings-
hryssa og í henni kynntist Sveinn
Guðmundsson þeim gæðingi sem
varð honum viðmið í ræktuninni alla
tíð. Hún var upphaf ræktunaráhuga
hans og til hennar má rekja ættir
allra þeirra hrossa sem Sauð-
árkrókslínan byggist á.
Síðasta ferð Ragnars-Brúnku var
á Landsmót hestamanna á Þver-
áreyrum í Eyjafirði árið 1954. Á
heimleið um Öxnadalsheiði heltist
hún svo að skilja varð hana eftir og
hjá Sigurði bónda á Úlfsstöðum í
Blönduhlíð. Á Úlfsstöðum náði
Brúnka allgóðum bata, gat athafnað
sig með stóðinu á bænum og eign-
aðist folöld.
En á Úlfsstöðum var Brúnka að
lokum felld og heygð með hvítan
kodda undir höfði og yfirbreidd með
hvítri sæng, að sögn Amalíu, dóttur
Sigurðar bónda.
Fermingargjöf Ragnars
varð að mikilli ættmóður
 Hryssunni Ragnars-Brúnku var reistur minnisvarði
Ljósmynd/Páll Ragnarsson
Minnisvarði Á þessum stuðlabergs-
drangi er mynd af Ragnars-Brúnku.
„Ekki er hægt að ætlast til þess að
fólk komi alltaf til Reykjavíkur til að
hitta ráðherra. Mikilvægt er fyrir það
að hafa góðan aðgang að ráðherra og
fyrir ráðamenn að fá skilaboðin beint í
æð,“ segir Þorgerður Katrín Gunn-
arsdóttir, sjávarútvegs- og landbún-
aðarráðherra, sem er með skrifstofu á
Suðurlandi þessa dagana.
Þorgerður Katrín og embætt-
ismenn ráðuneytisins sem eru með
henni í för heimsækja fyrirtæki og
stofnanir á Suðurlandi fram á mið-
vikudag. Fundað er með bæj-
arstjórnum og bæjarstjórum og farið
í sjávarútvegsfyrirtæki, afurðastöðv-
ar í landbúnaði og bændur sóttir
heim.
Ráðherrann var að koma frá Agli
Sigurðssyni og Guðfríði Erlu Trausta-
dóttur, kúabændum á Berustöðum í
Rangárvallasýslu, þegar rætt var við
hana í gær og næsti áfangastaður var
Þorvaldseyri undir Eyjafjöllum.
Oftar út úr ráðuneytinu
Formleg bækistöð ráðherraskrif-
stofunnar er á Hvolsvelli. Þar verður
ráðherra með viðtalstíma fyrir há-
degið í dag. Hún mun heimsækja
fleiri bændur og fyrirtæki og fer síð-
an til Vestmannaeyja.
Áætlað er að flytja skrifstofuna
tímabundið út á land nokkrum sinn-
um á ári. Þannig var hún flutt til Ísa-
fjarðar í febrúar sl. Þorgerður Katrín
telur að það hafi gefið góða raun.
Tengsl hafi myndast og eftir heim-
sóknina þangað hafi fólk verið að hafa
samband við ráðuneytið með ábend-
ingar í meira mæli en áður.
helgi@mbl.is
Morgunblaðið/Jónas Erlendsson
Suðurland Jón Benónýsson, Ólafur Eggertsson og Þorgerður Katrín Gunn-
arsdóttir stilltu sér upp fyrir ljósmyndara með innlendan lífdísil í flöskum.
Skrifstofan flutt
 Sjávarútvegs- og landbúnaðarráð-
herra heimsækir Sunnlendinga