Morgunblaðið - 27.05.2017, Blaðsíða 49

MENNING 49
MORGUNBLAÐIÐ LAUGARDAGUR 27. MAÍ 2017
TÓNLIST
Arnar Eggert Thoroddsen
arnareggert@arnareggert.is
Útgáfan Bedroom Comm-unity á sér nokkuð einstakastöðu í íslensku tónlistarlífi.
Fyrir það fyrsta er vart hægt að
kalla hana íslenska, alþjóðleg væri
meira við hæfi, en Valgeir Sigurðs-
son stofnaði til hennar fyrir rétt
rúmum tíu árum ásamt þeim Nico
Muhly og Ben Frost. Fleiri lista-
menn hafa síðan komið að útgáfunni
og að forminu til
er um nokkurs
konar samyrkju-
bú að ræða, með
tiltölulega flötu
innra starfi, þar
sem enginn einn
stígur fram sem
framkvæmdastjóri, eigandi o.s.frv.
Útgáfan hefur vegna þessa vakið
töluverða athygli, sérstaklega utan
landsteinanna, og hafa meira að
segja verið skrifaðar fræðilegar
greinar um fyrirbærið.
Ein af ástæðunum fyrir þessari
athygli er sterk fagurfræði alls þess
sem umlykur útgáfuna og gildir þá
einu hvort um tónlist eða umbúðir er
að ræða. Minnir þetta einna helst á
mektarmerki eins og 4AD. Útgefið
efni dansar á mörkum tveggja
heima, þess klassíska og hins popp-
væna; rafbundin nútímatónlist, gríp-
andi síðklassík, sveimbundin til-
raunatónlist o.s.frv. Fólk með rætur
í poppi/rokki, stikandi ákveðið um
heim skrifaðrar tónlistar og öfugt.
Valgeir hefur sjálfur látið til sín
taka í þessum efnum og hefur gefið
út eigið efni nokkuð stöðugt síðan
útgáfan var sett á laggirnar. Ekví-
libríum árið 2007, Draumalandið ár-
ið 2010 og svo Architecture of Loss
árið 2012 (hann og Nico Muhly gáfu
þá út verkið Scent Opera í fyrra).
Nýjasta verk hans, Dissonance, kom
út í síðasta mánuði og í titlinum má
finna nokkurs konar yfirlýsingu um
hvernig Valgeir hefur nálgast sína
tónlist. Sambræðsla hins ólíka, eitt-
hvað sem getur gefið af sér spennu,
rafmagn og hreinlega eitthvað sem
á ekki að ganga upp en gerir það
samt. Lífræn hljóð innan um staf-
ræn, samhygð samfara einhverju
sértæku, fætur niðri á jörðinni en
andinn einhvers staðar lengst þarna
uppi. Platan inniheldur þrjú verk;
stór nokk og mikilúðleg. Í titillaginu
Í ómstríðu algleymi
Ljósmynd/Lilja Birgisdóttir
t.a.m. leiða strengir framvinduna en
um leið eru þeir brotnir upp, það er
nuddast utan í þeim og þeir skældir
á ríkan og áhrifamikinn máta.
Platan var tekin upp á u.þ.b.
einu ári, frá september 2015 og fram
í nóvember 2016, í Gróðurhúsinu,
hljóðveri Valgeirs. Dissonance verð-
ur flutt á tónleikum á þessu ári og
mun Liam Byrne (strengir) og An-
tivj-hópurinn (sjónræn þáttur) veita
Valgeiri liðsinni.
» Sambræðsla hins ólíka, eitthvað sem geturgefið af sér spennu, rafmagn og hreinlega eitt-
hvað sem á ekki að ganga upp en gerir það samt.
Aldrei einn
Valgeir Sigurðsson
gaf nýlega út sína
fjórðu breiðskífu,
Dissonance.
Valgeir Sigurðsson sendi fyrir stuttu frá sér nýja plötu, Dissonance, í gegn-
um útgáfuna Bedroom Community. Eins og titillinn ber með sér byltast þar
um hlutir sem eiga lítið skylt innbyrðis. En þó, þegar nánar er að gáð …
Boðið verður upp á svonefnda
„krílaklassík“ í Salnum í dag, laug-
ardag, kl. 14, en um er að ræða síð-
ustu fjölskyldustund vorsins hjá
Menningarhúsunum í Kópavogi.
Víóluleikarinn Guðrún Hrund
Harðardóttir mun opna töfrakistur
hljóðfæraleikarans. „Tónleikarnir
eru ætlaðir yngstu börnunum í
fylgd með fjölskyldumeðlimum á
öllum aldri en krílaklassíkin fer
fram í fordyri Salarins. Ætlunin er
að skapa notalega stemningu og því
tilvalið ef gestir hafa dýnu eða
teppi meðferðis,“ segir í tilkynn-
ingu frá skipuleggjendum. Þar
kemur fram að líkt og á fyrri fjöl-
skyldustundum Menningarhúsanna
í vetur er aðgangurinn ókeypis.
Morgunblaðið/Ómar
Víóluleikari Guðrún Hrund Harðardóttir
opnar töfrakistur hljóðfæraleikarans.
Krílaklassík í Salnum í dag
Borgarbúar nefnist sýning sem
Guðrún Pálína Guðmundsdóttir
opnar í Mjólkurbúðinni í Lista-
gilinu á Akureyri í dag milli kl. 14
og 17. Verkin á sýningunni vann
Pálína í Berlín í upphafi árs, en
hún fékk til þess starfslaun mynd-
listarmanna í hálft ár.
„Frá árinu 1993 hef ég ein-
göngu málað andlitsmyndir með
áherslu á tjáningu tilfinninga
gegnum litaval og pensilskrift en
ekki á að gera eftirlíkingu af ein-
hverri vissri manneskju. Efniviður
sýningarinnar er fólk á förnum
vegi í Berlín,“ segir Pálína um
sýningu sína. „Í málverkum sínum
reynir Pálína að hafa alla teikn-
ingu sem einfaldasta og láta litina
og kraft þeirra njóta sín sem
best,“ segir í tilkynningu.
Pálína nam myndlist fyrst í
Gautaborg og svo 1982-89 í AKI í
Enschede og Jan van Eyck Aka-
demie í Maastricht í Hollandi. Hún
hefur einnig BA- og meistara-
gráðu í almennum málvísindum og
hljóðfræði frá Háskólanum í
Gautaborg. Hún er starfandi
fræðslufulltrúi í Listasafninu á Ak-
ureyri.
Sýningin er opin um helgar
milli kl. 14 og 17 en einnig eftir
samkomulagi við sýnandann. Sýn-
ingin stendur til 4. júní.
Borgarbúar í
Mjólkurbúðinni
Andlitsmyndir Guðrún Pálína hefur frá
árinu 1993 eingöngu málað andlitsmyndir.
Hvað er á fjölunum? mbl.is/leikhus
www.gilbert.is
SJÓN ER SÖGU RÍKARI !SIF NART 1948
SÝND KL. 8
SÝND KL. 8, 10.20
Miðasala og nánari upplýsingar
5%
SÝND KL. 2, 4, 6
SÝND KL. 2, 5, 8, 10.40
SÝND KL. 4.30
ÍSL. TAL
ÍSL. TAL
SÝND KL. 10.30SÝND KL. 2
ÍSL. TAL