Freyr - 01.10.2006, Qupperneq 7

HROSSARÆKT
gæðingur í besta lagi, hæstu einkunnir eru
9,0 fyrir tölt, skeið og vilja/geðslag og 8,5
fyrir brokk, stökk og fegurð í reið, lægst
er 7,5 fyrir fet. Fursti var hæstur stóðhesta
5 vetra gamalla á árinu 2005 og hefur því
haldið stöðu sinni sem einn af bestu hestum
sem fram hafa komið í sfnum árgangi.
Þriðji varð Sólon IS2000135815 frá Skán-
ey í Borgarfirði (B: 8,24, H: 8,64 A: 8,48).
Eigendur Sólons eru M. Birna Hauksdóttir,
Heiða Dís Fjeldsted og Haukur Bjarnason
en knapi var Jakob Sigurðsson. Faðir Sólons
er Spegill frá Sauðárkróki og móðir Nútíð
frá Skáney. Sólon er með afbragðsbygging-
ardóm þar sem hæst ber 9,5 fyrir bak/lend
og prúðleika og 8,5 fyrir fótagerð og hófa,
lægst og gallinn í byggingunni er 7,0 fyrir
réttleika. Sólon er mikill alhliðagarpur á
gangi með úrvalsklárgang og drjúggott
skeið en hæstu einkunnir eru 9,0 fyrir tölt,
brokk, vilja/geðslag og hægt tölt og 8,5
fyrir fegurð í reið, lægst er fet 7,0. Sólon
varð árið 2005 næsthæstur f flokki 5 vetra
stóðhesta en bætti sig nú töluvert bæði
hvað varðar byggingarþætti og hæfileika
og stendur því enn sem fyrr í fremstu röð í
árganginum.
Sólon frá Skáney og Jakob Sigurðsson.
(Ljósm. Eiríkur Jónsson).
STÓÐHESTAR 5 VETRA
Efstur 5 vetra stóðhesta á árinu varð Vil-
mundur IS2001186915 frá Feti í Rangár-
þingi (B: 7,96 H: 8,95 A: 8,56). Eigandi Vil-
mundar er Brynjar Vilmundarson en knapi
var Þórður Þorgeirsson. Faðir Vilmundar er
Orri frá Þúfu, ff. Otur frá Sauðárkróki, fm.
Dama frá Þúfu. Móðir Vilmundar er Vigdís
frá Feti, mf. Kraflar frá Miðsitju, mm. Ásdís
frá Neðra-Ási. Vilmundur er með drjúggóð-
an byggingardóm þar sem hæst er 8,5 fyrir
bak/lend og hófa. Engin byggingareinkunn
er lág en lægst er 7,5 fyrir höfuð, fótagerð
og réttleika. Vilmundur er snillingsfoli á
gangi, hæst er 9,5 fyrir vilja/geðslag og 9,0
fyrir tölt, brokk, fegurð í reið og hægt tölt.
Lægst er 7,5 fyrir fet. Vilmundur er glæsi-
legur, öskuviljugur gæðingur og gott sýn-
ishorn af því þegar ræktunin gengur upp.
Ekki þarf að kynna föður hans Orra frá Þúfu
sem sannað hefur sig sem einhver mesti
núlifandi kynbótagripur hrossaræktarinnar
en hitt er ekki síður ánægjulegt að Vigdís
móðir Vilmundar var hæst dæmda hryssan
í sínum flokki á landsmóti 1998 á Melgerð-
ismelum og í fyrsta sæti heiðursverðlauna-
hryssna á landsmóti 2006.
Vilmundurfrá Feti og Þórður Þorgeirsson.
(Ljósm. Eiríkur Jónsson).
Næstefstur af 5 vetra stóðhestum varð
Þeyr IS2001135008 frá Akranesi (B: 8,30
H: 8,72 A: 8,55). Eigendur Þeys eru Finnur
Ingólfsson, Einar Öder Magnússon, Ólaf-
ur Ólafsson og Svanhvít Kristjánsdóttir en
knapi var Jakob Sigurðsson. Faðir Þeys er
Otur frá Sauðárkróki og móðir Ölrún frá
Akranesi. Þeyr er með mjög góðan bygging-
ardóm, hæst er 9,0 fyrir bak/lend og hófa
og 8,5 fyrir samræmi, lægst er 7,5 fyrir
prúðleika. Þeyr er flugagæðingur með enga
einkunn undir 8,0 en hæst er 9,0 fyrir tölt
og vilja/geðslag og 8,5 fyrir brokk, skeið,
stökk og fegurð í reið.
Þeyr frá Akranesi og Jakob Sigurðsson.
(Ljósm. Eiríkur Jónsson).
Þriðji í þessum flokki varð Gaumur
IS2001187053 f rá Auðsholtshjáleigu í Ölf-
usi (B: 8,06 H: 8,84 A: 8,53). Eigandi Gaums
er Gunnar Arnarson en knapi var Þórður
Þorgeirsson. Faðir Gaums er Orri frá Þúfu
en móðir Hildur frá Garðabæ. Gaumur er
með góðan byggingardóm þar sem hæst er
8,5 fyrir bak/lend og samræmi, lægst er 7,5
fyrir fótagerð. Gaumur er eins og hinir hest-
arnir I þessum flokki frábær hæfileikahestur
með hæst 9,5 fyrir vilja og geðslag og 9,0
fyrir tölt, brokk, fegurð í reið og hægt tölt,
lægst er fet 7,5. Þess má geta að Gaumur
er albróðir Garps frá Auðsholtshjáleigu sem
er hátt dæmdur bæði sem stóðhestur og
keppnishestur og hlaut m.a. fyrstu verðlaun
fyrir afkvæmi á síðasta landsmóti.
Gaumur frá Auðsholtshjáleigu og Þórður
Þorgeirsson. (Ljósm. Eiríkur Jónsson)
STÓÐHESTAR 4 VETRA
Efstur í yngsta flokki stóðhesta á árinu varð
Kraftur IS2002155250 frá Efri-Þverá í
V-Húnavatnssýslu (B: 8,20 H: 8,48 A:
8,37). Eigandi Krafts er Sigurður Halldórs-
son en knapi var Agnar Þór Magnússon.
Faðir Krafts er Kolfinnur frá Kjarnholtum
I, ff. Hrafn frá Holtsmúla, fm. Glókolla frá
Kjarnholtum I. Móðir Krafts er Drótt frá
Kópavogi, mf. Máni frá Ketilsstöðum, mm.
Gnótt frá Steinmóðarbæ. Kraftur er með
háan byggingardóm þar sem hæst ber 8,5
fyrir háls/herðar/bóga, samræmi og hófa en
gallinn 7,0 fyrir réttleika. Kraftur er nú þeg-
ar rúmur alhliðagæðingur, hæstu einkunnir
í hæfileikum eru 9,0 fyrir vilja/geðslag og
8,5 fyrir brokk, skeið, stökk, fegurð í reið og
fet. Engin einkunn er undir 8,0. Kraftur er
eitt af mörgum úrvalsafkvæmum hins aldna
höfðingja Kolfinns frá Kjarnholtum I sem
fram komu á árinu. Nú eru að skila sér til
dóms afkvæmi hans sem til eru orðin eftir
frækilega afkvæmasýningu á landsmóti í
Reykjavík árið 2000.
Kraftur frá Efri-Þverá og Agnar Þór
Magnússon. (Ljósm. Eiríkur Jónsson).
FREYR 10 2006