Freyr - 01.10.2006, Blaðsíða 29

HROSSARÆKT
fslenska hestatorgið
Samastarf um verkefnið Islenska hestatorgið innsiglað með handabandi að lokinni
undirskrift þess á Landsmóti hestamanna á Vindheimamelum 2006.
Til vinstri: Jón Baldur Lorange, Kristinn Guðnason, Arna Björg Bjarndóttir,
Skúli Skúlason og Bergur Jónsson. /Ljósm. Áskell Þórisson
Eftir Örnu Björgu Bjarnadóttur,
forstöðumann Söguseturs íslenska hestsins,
Hólum í Hjaltadal
íslenska hestatorgið er samstarfs-
verkefni Félags hrossabænda,
Félags tamningamanna, Hólaskóla,
Söguseturs íslenska hestsins og
WorldFengs. Verkefnið var sett
á laggirnar vorið 2006 til að ná
saman ofangreindum stofnunum
og félögum sem hver á sinn hátt
vinna að markaðsmálum, fræðslu,
menntun, tamningum, ræktun og
rannsóknum á íslenska hestinum.
Markmiðið með verkefninu var að
vinna sameiginlega aö heildstæðri
kynningu á íslenska hestinum á
Landsmóti hestamanna 2006 og
Heimsmeistaramóti íslenska hests-
ins í Hollandi 2007.
Kveikjan að verkefninu er sú staðreynd
að íslenski hesturinn er alþjóðleg vara og
íslendingar eru í alþjóðlegri samkeppni við
aðrar þjóðir um ræktun og þjálfun. Islenski
hesturinn er ræktaður og alinn í um
tuttugu löndum og tugþúsundir manna
um allan heim nota hann í keppnum, til
útreiða og sér til yndisauka. Ætli íslending-
ar að halda forystuhlutverki sínu á hinum
fjölmörgu sviðum hestamennskunnar og
minna þannig á að Island sé upprunaland-
ið verða þeir að láta til sín taka svo um
munar. Það er því Ijóst að þau félög og
stofnanir sem láta sig varða íslenska hest-
inn verða að sameina krafta sína þegar
kemur að kynningu á stærstu viðburðum
íslenskrar hestamennsku, s.s. landsmótum
og heimsmeistaramótum. Islenska hesta-
torgið er því hugsað sem sameiginlegt
kynningar- og markaðsátak til að styrkja
stöðu íslenska hestsins bæði heima og
erlendis.
KYNNINGARBÁS Á
LANDSMÓTI HESTAMANNA
Sögusetur íslenska hestsins tók að sér
verkefnastjórnun á (slenska hestatorginu
á Landsmótinu á Vindheimamelum síðasta
sumar en hver og einn samstarfsaðili útbjó
sitt eigið kynningar- og fræðsluefni. Hesta-
torgið kom upp stórum kynningarbás í
svonefndu markaðstjaldi. Alla dagana var
boðið upp á auk sýninga og fræðslu, lif-
andi dagskrá með stuttum erindum og
uppákomum. Auk þess var bein útsending
frá keppnisvellinum. Á miðju torgsins var
komið upp litlu kaffihúsi þar sem skapaðist
skemmtilegt og þægilegt andrúmsloft. Þar
kom fólk saman til að fylgjast með beinni
útsendingu frá vellinum eða einfaldlega
til þess að setjast niður og eiga notalega
stund með vinum og kunningjum.
HEIMSMEISTARAMÓTIÐ
Á NÆSTA LEITI
Um þessar mundir er að hefjast undirbún-
ingur (slenska hestatorgsins fyrir Heims-
meistaramót (slenska hestsins í Hollandi
næsta sumar. Búist er við ríflega tutt-
ugu þúsund gestum á mótið. Mikilvægi
þess að íslensk atvinnugreinafélög hesta-
mennskunnar og stoðstofnanir þeirra séu
sýnileg á slíkum stórmótum er þess vegna
augljóst. (slenska hestatorgið er ávinning-
ur allra sem að þvi standa og íslenskrar
hestamennsku i heild svo og þeirra fjöl-
mörgu sem vinna að kynningu á landi og
þjóð og þeirra sem njóta góðs af.
Margt var um manninn á opnun íslenska hestatorgsins á Landsmóti hestamanna
á Vindheimamelum 2006. /Ljósm. Áskell Þórisson
FREYR 10 2006
29