Morgunblaðið - 06.06.2017, Side 14

14 FRÉTTIRInnlent
MORGUNBLAÐIÐ ÞRIÐJUDAGUR 6. JÚNÍ 2017
Handfræsi
tennur
-
Dósaborar
fyrir ti b
málma
flísar
Þjónusta við tréiðnaðinn í yfir 30 ár
MEIRI HRAÐI - LENGRI ENDING
Flísaborar
Demantsborar
m ur,
og
Smiðjuvegi 11 • 200 Kópavogur • Sími 564 1212 • asborg.is
Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla z Árstíðabundinn lager z Lager z Sumar-/vetrarvörur
Frystigeymsla z Kæligeymsla z Leiga til skemmri eða lengri tíma
STANGVEIÐI
Einar Falur Ingólfsson
efi@mbl.is
Ég hefði sleppt honum hvort sem
er,“ sagði knattspyrnumaðurinn
Gylfi Sigurðsson brosandi þegar
flugan hafði losnað úr laxinum sem
hann hafði togast á við í rúmar tutt-
ugu mínútur. Svo mikil var spennan
á línunni að flugan skaust langt upp
á bakka og lenti á milli okkar
tveggja fjölmiðlamanna sem höfðum
fylgst með viðureigninni og eltum
Gylfa og laxinn talsvert niður frá
veiðistaðnum Brotinu, þar sem hann
tók fluguna, og niður fyrir næsta
veiðistað fyrir neðan.
Þetta var silfurbjartur stórlax, sá
fyrsti sem tók flugu í Norðurá þetta
sumarið, og eftir að hafa séð hann
koma upp á yfirborðið höfðum við
giskað á að hann kynni að vera yfir
90 cm langur. En laxinn var ekki
mældur að þessu sinni. Og erfitt að
trúa að atvinnumanninum með sitt
keppnisskap hafi staðið á sama, að
sjá laxinn synda á braut þegar leið-
sögumaður hans, Einar Sigfússon,
sölustjóri árinnar, var að búa sig
undir að sporðtaka fiskinn.
En Gylfi og Einar gengu aftur
upp með bakkanum að Brotinu og
skömmu síðar sáum við hvar Gylfi
var aftur kominn út í ána að kasta
og fljótlega tók annar lax. Eftir tals-
verð tog og góð ráð af bakkanum
landaði aukaspyrnusérfræðingurinn
nýgenginni og lúsugri hrygnu sem
Einar mældi og kvað upp úr um að
væri 87 cm löng. Henni var síðan
sleppt og þá var bros Gylfa ólíkt
gleðiríkara en þegar sá fyrri slapp.
„Þetta var nú ekki í fyrsta skipti
sem ég veiði. Ég hef farið tvisvar
eða þrisvar í laxveiði áður, en ég var
svolítið ryðgaður í köstunum í
byrjun,“ sagði Gylfi þegar hann var
kominn upp á bakkann og tók við
hamingjuóskum. Einhverjir vildu
bera veiðina saman við knattspyrnu
og ein spurningin var hvort það
væri betra að vinna Englendinga en
að landa laxi. Gylfi svaraði brosandi
að á þessari stundu væri líklega rétt
að velja laxinn. „Við höfðum séð
einn eða tvo laxa og tveimur eða
þremur mínútum seinna kom fyrri
takan. Þá var ég farinn að láta flug-
una reka, eftir að hafa strippað hana
fyrst, og kom hann strax,“ sagði
hann.
Nýbygging vígð við Rjúpnaás
Um miðjan dag í gær kvað Einar
Sigfússon veiðina í Norðurá fyrstu
tvo dagana hafa verið betri en hann
átti von á. 33 löxum hafði verið land-
að og flestir voru rígvænir; Anna
Sigþórsdóttir eiginkona hans hafði
meðal annars landað einum 102 cm
löngum í Laugakvörn. „Það var
mikil glíma og hörð,“ sagði Einar.
Smálax hefur þegar gert vart við
sig. „Fjórir hafa veiðst, en þeir eru
66 til 69 cm, mjög vænir og vel
haldnir, rétt eins og tveggja ára lax-
inn. Við höfum orðið vör við fiska á
öllu svæðinu frá Stekknum og upp
að Laxfossi. Við höfum líka misst
um 30 laxa, fiska sem menn hafa
verið með á í tvær til tuttugu mín-
útur.“
Áður en veiðin hófst á laugardag
var ný álma við veiðihúsið á Rjúpna-
ási formlega tekin í notkun með
blessunarorðum séra Jóns Ásgeirs
Sigurvinssonar, sem einnig er veiði-
vörður við ána. Í álmunni eru fjór-
tán afar vel búin herbergi með baði
á tveimur hæðum, auk góðrar að-
stöðu fyrir starfsfólk. Þá var setu-
stofa stækkuð. Í eldra húsinu austan
við aðalbygginguna verður nú svefn-
aðstaða og setustofa starfsfólks.
Tíu á fyrstu vakt í Blöndu
Veiðin hófst í Blöndu í gærmorg-
un og fór einnig vel af stað. Tíu löx-
um var landað á morgunvaktinni,
öllum um 84 til 87 cm löngum.
Höskuldur Birkir Erlingsson, sem
fylgdist með af bakkanum, sagði
laxana hafa tekið bæði flugu og
maðk. Þá sluppu margir eftir snarp-
ar viðureignir og þar á meðal einn
sem Vala Árnadóttir setti í og þau
Árni Baldursson faðir hennar tog-
uðust á við í meira en klukkustund.
„Þessi var stór, mjög stór,“ sagði
Árni eftir að laxinn hafði losað sig.
Þá hafa laxar veiðst í Skjálfanda-
fljóti, fjölmargir við Urriðafoss í
Þjórsá, og á Brennu, ármótum
Þverár og Hvítár í Borgarfirði.
Magnús Magnússon bóndi á Hamra-
endum landaði þar sannkölluðum
stórlaxi, 104 cm löngum.
„Það var mikil
glíma og hörð“
 Laxveiðin byrjar vel  33 á tveimur dögum í Norðurá
Morgunblaðið/Einar Falur
Yfirvegaður Knattspyrnumaðurinn Gylfi Þór Sigurðsson leiðir fyrsta lax
sinn í sumar á land við Brotið í Norðurá. Einar Sigfússon fylgist með.
Nýbygging Ný álma með 14 vel búnum herbergjum fyrir veiðimenn og
góðri vinnuaðstöðu fyrir starfsfólk var tekin í notkun við Norðurá.
Katrín Lilja Kolbeinsdóttir
katrinlilja@mbl.is
Skákfélagið Hrókurinn stóð í síðustu
viku fyrir Air Iceland Connect-hátíð
í Nuuk, höfuðborg Grænlands. Ell-
efu Hróksmenn héldu til borgar-
innar eftir að Hrafn Jökulsson, for-
seti Hróksins, og Árni Gunnarsson,
framkvæmdastjóri AIC, undirrituðu
samstarfssamning milli fyrirtækis-
ins og félagsins. Í ferðinni voru tveir
grunnskólar heimsóttir þar sem 1.
bekkingar fengu reiðhjólahjálma að
gjöf, en alls fá um 240 1. bekkingar
víðs vegar um Grænland slíka
hjálma. Því næst lá leið Hróksmanna
í Kofoeds Skole, sem er athvarf fyrir
heimilislausa og einstæðinga í Nuuk.
Voru gestir þar gladdir með vegleg-
um gjöfum frá Intersport, Ellingsen,
Henson og Jóa Útherja.
Þá var Pitu-heimilið heimsótt, en
þar dvelja börn sem ekki geta verið
hjá fjölskyldum sínum. Voru þeim
færðar gjafir frá IKEA, Intersport,
Nóa Siríus og prjónahópi Gerðu-
bergs. Miðvikudaginn 31. maí var
svo komið að Air Iceland Connect-
mótinu þar sem kornungur græn-
lenskur drengur, Mikael Mikiiki,
sigraði með glæsibrag. Hann hlaut
6,5 af þeim sjö vinningum sem í boði
voru og var að móti loknu boðið að
koma og æfa skák á Íslandi.
Hátíðin heppnaðist vel, en Reykja-
víkurborg studdi hátíðina fjárhags-
lega, auk þess sem fjölmörg fyrir-
tæki lögðu hönd á plóg. Air Iceland
Connect-verkefnið er þriðja verk-
efni Hróksins á Grænlandi á þessu
ári og stendur til að félagið haldi
áfram að heimsækja fleiri staði í
landinu á næstu mánuðum.
Gleði Gænlensku krakkarnir voru ánægðir með nýju hjálmana sína.
Íslensk skák
á Grænlandi
 Vel heppnuð ferð íslensks skákfélags