Víkurfréttir - 20.11.2003, Blaðsíða 14

14 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
Spólan í tækinu
Bókaormurinn
Umsjón: Jóhannes Kr. Kristjánsson • johannes@vf.is
SPÓLAN Í TÆKINU
OG BÓKAORMUR VIKUNNAR
Upptekinn í þjálfun
og á vídeóleigunni
Óskalisti í smíðum
Laugardaginn 22. nóvem-ber efnir KarlakórKeflavíkur til stórtón-
leika í tilefni 50 ára afmælis
kórsins. Tónleikarnir verða
haldnir í Íþróttahúsi Keflavík-
ur við Sunnubraut og hefjast
kl 17:00.
Karlakórinn Fóstbræður og
Karlakórinn Þrestir munu heiðra
kórinn með þátttöku í tónleikun-
um með því að syngja nokkur
lög, auk þess sem allir kórarnir
munu enda tónleikana með sam-
söng 150 söngvara.
Í tilefni afmælisins kemur út nýr
geisladiskur með Karlakór Kefla-
víkur sem ber heitið Tónaberg.
Eitt laganna á geisladisknum ber
sama nafn, en lagið er eftir Sigur-
óla Geirsson við texta Þorsteins
Eggertssonar. Stjórnandi er Vil-
berg Viggósson og undirleikarar
Ágota Joó og Ester Ólafsdóttir
og einsöngvari er Steinn Erlings-
son.
Áður hefur kórinn gefið út
hljómdiskinn „Suðurnesjamenn“
árið 1996 og hljómplötu, sem bar
nafn kórsins, á árinu 1981.
Páll Hilmarsson kórfélagi hefur
haft veg og vanda að þessu verk-
efni.
Steinn Erlingsson formaður
karlakórsins sagði í samtali við
Víkurfréttir að von væri á stór-
góðum tónleikum, sem enginn
mætti láta fram hjá sér fara.
Karlakór Keflavíkur var stofnað-
ur 1. des. 1953 og fagnar því um
þessar mundir hálfrar aldar af-
mæli sínu. Jón Tómasson var
fyrsti formaður kórsins.
Karlakór Keflavíkur er með elstu
starfandi kórum landsins í dag og
hefur hann starfað óslitið frá
stofnári sínu. Fyrstu tónleikar
kórsins voru haldnir um vorið
1955. Stjórnandi var Guðmund-
ur Norðdahl og undirleikari Fritz
Weisshappel.
Einsöngvarar á þessum tónleik-
um voru Kristinn Hallsson og
kórfélagarnir, Böðvar Pálsson,
Guðjón Hjörleifsson og Sverrir
Olsen. Það var lagið „Ísland“
eftir Sigurð Þórðarson, við ljóð
Huldu sem var fyrst á söngskrá
kórsins.
Ótal raddir hafa lagt kórnum lið-
styrk sinn á löngum ferli. .Hauk-
ur Þórðarson hefur verið lengst
formaður kórsins í 20 ár. Núver-
andi formaður er Steinn Erlings-
son. Stjórnendur kórsins hafa
verið margir þeir sem lengst
stjórnuðu honum voru þeir Guð-
mundur Nordal. Herbert H.
Ágústsson og Sigurður Demenz.
Ragnheiður Skúladóttir var und-
irleikari í yfir 20 ár.
Stjórnandi kórsins nú er Vilberg
Viggósson og undirleikari Ester
Ólafsdóttir
Víða hefur verið komið við,
jafnt innanlands sem utan. Með-
al þeirra landa sem kórinn hefur
heimsótt á söngferðalögum sín-
um eru; Írland, Kanada, Svíþjóð,
Noregur, Danmörk og Færeyjar.
Síðasta utanferð kórsins var vor-
ið 2000, en þá voru frændur okk-
ar Færeyingar heimsóttir og mun
sú ferð lengi lifa í hugum kórfé-
laga, fyrir metnaðarfullan vel-
heppnaðan söng kórsins, en þó
ekki síst fyrir frábærar móttökur.
Frá upphafi hafa árlegir vortón-
leikar kórsins verið fastur liður í
starfsemi kórsins og þannig hefur
kórinn skilað afrakstri hvers vetr-
ar til bæjarbúa, þó reyndar hafi
kórinn á síðustu árum farið með
þá dagskrá bæði til nágranna-
sveitarfélaga, sem og höfuðborg-
arinnar og öðru hverju lengra út á
landsbyggðina. Þá hefur kórinn
verið virkur í þátttöku á hinum
ýmsu kóramótum.
Stórtónleikar
í tilefni af 50 ára afmæli
Dagur íslenskrar tungu var haldinn hátíðlegur
í Reykjanesbæ með ýmsum hætti í síðustu
viku. Þar sem dagurinn bar upp á sunnudegi
hafa skólarnir fært til hátíðardagskrá í tilefni
af deginum en í þessari viku hefjast próf hjá
þremur grunnskólum Reykjanesbæjar sem
starfa eftir þriggja anna kerfi.
Nemendur í Heiðarskóla lásu fyrir aðra bekki
skólans og átta nemendur sem tilnefndir voru í
ljóðasamkeppni Þallar heimsóttu bekki og lásu
upp ljóð sín.
Stóra upplestrarkeppnin meðal nemenda í 7.
bekk hófst víðsvegar um landið sunnudaginn
16. nóvember en markmið hennar er að vekja
athygli og áhuga í skólum á vönduðum upp-
lestri og framburði og að allir nemendur lesi
upp sjálfum sér og öðrum til ánægju.
Nemendur í grunnskólum Reykjanesbæjar
munu taka þátt í keppninni og koma fram á
lokahátíð sem haldin verður í Njarðvíkur-
kirkju í byrjun mars, segir á vef Reykjanes-
bæjar.
Stóra upplestrarkeppnin að hefjast
➤ K A R L A K Ó R K E F L A V Í K U R
Magnús Haraldssonskrifstofustjóri Spari-sjóðsins í Keflavík seg-
ist ekki vera
mikill bóka-
ormur í
orðsins fyll-
stu merk-
ingu. Síð-
asta bók
sem hann
las er bókin
Hafnir á
Reykjanesi
eftir Jón Þ. Þór og hann segist
ætla að lesa Ofvitann eftir Þór-
berg Þórðarson fljótlega, en
það var hans uppáhaldsbók á
hans yngri árum.
Ertu mikill bókaormur?
Nei, nei, ekki í orðsins fyllstu
merkingu, en ég les þó nokkuð.
Ég er ekki skipulagður í mínum
bókalestri, er yfirleitt með nokkr-
ar bækur í takinu í einu. Mér
gengur illa að taka bók og lesa
hana til enda í einni lotu, vil
heldur grípa til hennar af og til.
Hvaða bækur ertu með á nátt-
borðinu núna?
Landneminn mikli, ævisaga
Stephans G. Stephanssonar ligg-
ur efst í bunkanum. Ég fékk
Andvökur, kvæðabækur skálds-
ins í fermingargjöf frá afa og
ömmu fyrir nær fimmtíu árum,
og þótti kannski ekki mikið
koma til þá. Ég hef kunnað betur
að meta þær með árunum og les
þær með nýju hugarfari eftir lest-
ur ævisögu skáldsins. Aðrar bæk-
ur eru Vísnabók Káins, Að sigra
heiminn, kvæðakver Steins
Steinars, og Kvæði og ljóð eftir
Kristinn Reyr Pétursson, en það
er skemmtilestur fyrir gamla
Keflvíkinga að fletta þeirri bók.
Einnig eru á borðinu nokkrar
„heilsubækur” með ráðlegging-
um um hreyfingu og hollt matar-
æði. Ég er alltaf á leiðinni í átak,
orð eru til alls fyrst !!
Hvaða bók lastu síðast?
Hafnir á Reykjanesi, eftir Jón Þ.
Þór. Hún kom út í sumar og er
fróðleg og skemmtileg lesning.
Hver er þín uppáhaldsbók?
Ég á held ég enga sérstaka uppá-
haldsbók. Ég hélt lengi uppá Of-
vitann eftir Þórberg á mínum
yngri árum. Það væri sennilega
góð hugmynd nú að rifja upp
gömul kynni.
Eru einhverjar bækur sem þú
ætlar þér að lesa á næstunni?
Ég er svona að koma mér upp
óskalista fyrir jólin. Á honum er
bækur eins og Lífsþorsti og
leyndar ástir, svipmyndir úr lífi
Gríms Thomsens, Síðasti Fjöln-
ismaðurinn, ævi Konráðs Gísla-
sonar og auðvitað Andvökuskáld,
seinna bindið af Stephani G
Hvaða bókaorm skorarðu á
næst?
Þorstein Marteinsson í Bókabúð-
inni, mér dettur svona í hug að
hann kíki í bækur.
Friðrik Ingi Rúnarssonþjálfari úrvalsdeildarliðsGrindavíkur í körfu-
bolta og eig-
andi mynd-
bandaleig-
unnar Víd-
eóvík í
Njarðvík er
mikill
áhugamað-
ur um kvik-
myndir. Síð-
asta mynd
sem Friðrik Ingi leigði sér er
Magdalene Sisters.
Hvaða kvikmynd sástu síðast í
bíó?
X - Men 2
Hver er uppáhaldskvikmyndin
sem þú hefur séð?
Þær eru nokkrar góðar og erfitt
að gera upp á milli. The Shaws-
hank Redemption er stórkostleg
mynd og svo verð ég að segja
The Prince of Tides með Nick
Nolte og Barbara Streisand, sú
mynd hreif mann mikið og síðast
en ekki síst One Flew Over The
Cuckoo’s Nest þar sem Jack
Nicholson fór á kostum.
Hver finnst þér vera besti leik-
ari/leikkona sem nú er á lífi?
Jack Nicholson og Susan Sar-
andon
Hvað ferðu oft í bíó á mánuði?
Ég fer of sjaldan, er gjarnan upp-
tekinn að þjálfa á kvöldin og
vinna á Vídéóleigunni
Hvaða spólu leigðirðu þér síð-
ast?
Magdalene Sisters, frábær mynd.
Er einhver kvikmynd sem þú
átt eftir að sjá, en langar mikið
til?
Mystic River, væntanleg í kvik-
myndahús.
Hvern skorarðu á í næsta blaði
að svara þessum spurningum?
Ég ætla að skora á Nökkva Má
Jónsson héraðsdómslögmann, ég
veit að hann leysir þetta með
stakri prýði.
VF 47. tbl. 2003 #3 19.11.2003 15:26 Page 14