Víkurfréttir - 20.11.2003, Blaðsíða 18

18 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
Íþróttabandalag Reykjanesbæjar sigr-aði örugglega í bikarkeppni Sundsam-bands Íslands, SSÍ, sem lauk á sunnu-
daginn í Sundhöll Reykjavíkur. Bæði karla
-og kvennalið ÍBR sigruðu í sínum flokk-
um og var sigurinn aldrei í hættu. ÍRB
hafði forystu eftir fyrsta dag og að loknum
öðrum degi var munurinn 1.400 stig á
næsta lið. Þegar upp var staðið hafði ÍRB
unnið til 11 gullverðlauna, 9 silfurverð-
launa og 5 bronsverðlauna.
Liðsmenn ÍRB unnu sér samtals inn 29.300
stig, Sundfélag Hafnarfjarðar hafnaði í öðru
sæti með 26.771 stig eftir æsispennandi bar-
áttu við Ægi sem varð í þriðja sæti með
26.596. KR hreppti fjórða sæti, Breiðablik
það fimmta og Vestri varð neðstur og fellur
því í aðra deild. Sundfélag Akraness, sem
sigraði í 2. deild, tekur sæti Vestra í 1. deild.
Óðinn frá Akureyri kom á eftir SA og Fjölnir
var í þriðja sæti.
Guðni Emilsson ÍRB bætti eigið drengjamet í
100 m bringusundi um rúma sekúndu. Hilmar
Pétur Sigurðsson úr ÍRB sigraði í 1500m
skriðsundi karla í 1. deild á tímanum
16:38,76 og bætti sig þar um 20 sekúndur.
Helena Ósk Ívarsdóttir úr ÍRB sló telpnamet
þegar hún synti í 100m bringusundi á tíman-
um 1:14,00 og bætti þar með met stöllu sinn-
ar úr ÍRB, Erlu Daggar Haraldsdóttur um
rúmlega hálfa sekúndu. Tími Helenu er ein-
nig undir lágmarki SSÍ fyrir Evrópumeistara-
mót unglinga sem er á næsta ári.
Steindór Gunnarsson, yfirþjálfari ÍRB, var að
vonum í skýjunum með árangurinn. Þrír
krakkar úr ÍRB náðu lágmörkum fyrir Norð-
urlandameistaramót unglinga sem fer fram í
Osló í byrjun desember nk., en það voru
Birkir Már Jónsson, Erla Dögg Haraldsdóttir
og Hilmar Pétur Sigurðsson. „Þetta var frá-
bært og margir voru að standa sig mjög vel
eins og Helena Ósk, Erla, Karitas Heimisdótt-
ir og Guðni Emilsson sem voru að bæta sig
mjög mikið. Reyndari sundmennirnir okkar
voru kannski ekki að ná mjög góðum tímum
miðað við sitt besta, en þau eru að fara út
með landsliðinu á Evrópumótið og munu ef-
laust toppa þar.“
Frá því að Keflavík og Njarðvík fóru að
keppa saman undir merki ÍRB hefur vel-
gengni þeirra verið mikil og hefur félagið
unnið nær alla titla sem hafa verið í boði hér á
landi. „ÍRB er ósigrandi um þessar mundir!“ ,
segir Steindór. „Ég held að þessi velgengni
okkar sé algert einsdæmi, en við höfum unnið
alla bikara sem eru í boði nema AMÍ mótið
og það er bara vegna þess hvað við erum fá-
liðuð, en við setjum stefnu á að vinna það
mót eftir tvö ár.“
Stigabikar Sundssambandsins, sem veittur er
fyrir mestu framfarir milli meistaramóta,
hlaut Sindri Snævar Friðriksson í SH. Sund-
hallarbikarinn svokallaða féll Erni Arnarsyni
ÍRB í skaut, fyrir besta afrek sem unnið er á
hverju ári í Sundhöllinni, en hann vann til
fjögurra gullverðlauna á mótinu.
Kennarafélag Fjölbrauta-skóla Suðurnesja ályk-taði á fundi sínum þann
13. nóvember sl. um styttingu
náms til stúdentsprófs. Félagið
lýsir yfir stuðningi við ályktan-
ir Kennarasambands Íslands
og Félags framhaldsskólakenn-
ara um hugmyndir mennta-
málaráðuneytisins um stytt-
ingu náms til stúdentsprófs. Þá
telur kennarafélagið að nauð-
synlegt sé að nákvæm úttekt sé
gerð á innihaldi og skipulagn-
ingu náms á unglingastigi
grunnskóla og á framhalds-
skólastigi, bæði hvað varðar
bóknám og iðnnám, og það
skoðað með hliðsjón af sam-
bærilegu námi í nágrannalönd-
unum
Ályktunin er svohljóðandi í heild
sinni: Kennarafélag Fjölbrauta-
skóla Suðurnesja lýsir yfir stuðn-
ingi við ályktanir Kennarasam-
bands Íslands og Félags fram-
haldsskólakennara um hugmynd-
ir menntamálaráðuneytisins um
styttingu náms til stúdentsprófs.
Kennarafélag Fjölbrautaskóla
Suðurnesja telur að nauðsynlegt
sé að nákvæm úttekt sé gerð á
innihaldi og skipulagningu náms
á unglingastigi grunnskóla og á
framhaldsskólastigi, bæði hvað
varðar bóknám og iðnnám, og
það skoðað með hliðsjón af sam-
bærilegu námi í nágrannalöndun-
um. Félagið mótmælir þeirri ein-
földu aðferð að telja klukku-
stundir þegar borið er saman nám
unglinga á Íslandi og í nágranna-
löndunum, án þess að skoða á
sama tíma atriði eins og kjör og
kennsluskyldu kennara, aðstæður
nemenda í skólum og annað sem
hefur áhrif á námsframvindu, svo
sem aukna þörf fyrir tungumála-
kennslu.
Slakur árangur nemenda við lok
grunnskóla og mikið brottfall
nemenda úr framhaldsskóla er al-
varlegt vandamál í skólakerfinu.
Ekki er ljóst hvaða gagn styttra
nám í framhaldsskóla hefði hvað
varðar þetta vandamál. Þegar
námskrá framhaldsskólanna var
breytt fyrir fáum árum, var nem-
endum veitt aukið sjálfstæði í
námsvali sínu og það talið skref í
því að draga úr brottfalli. Nú á
að stíga skref í gagnstæða átt og
ekki er ljóst af hverju sú breyting
hefur orðið. Stytting framhalds-
náms um eitt ár mun draga úr
sveigjanleika í námsvali og auk
þess draga úr möguleikum skóla
til þess að marka sér sérstakan
bás.
Kennarafélagið telur að hug-
myndirnar eins og þær eru settar
fram séu á skjön við þær grunn-
hugmyndir sem mótuðu nýja
námskrá fyrir nokkrum árum.
Svo viðamikil breyting sem þessi
aðgerð er hlýtur að kalla á gagn-
gera skoðun á öllu kerfinu og
nýtt mat á því hvers skal krafist
af nemendum á framhaldsskóla-
stigi. Samþykkt samhljóða.
➤ B I K A R K E P P N I S U N D S A M B A N D S Í S L A N D S
Kennarar í FS álykta um styttingu náms til stúdentsprófs
Yfirburðir Reykjanesbæjar í sundi
Ó löf Gunnarsdóttir ogVilmar Guðmunds-son duttu í lukku-
pott Samkaupa í síðustu
viku, en þau unnu sitthvorn
farmiðann til einhverra af
áfangastöðum Flugleiða í
Evrópu. Fjölmargir tóku
þátt í lukkuleiknum í vik-
unni, en vinningar eru
dregnir út á þriðjudögum.
Fjöldi aukavinninga eru
einnig dregnir út í hverri
viku og eru nöfn vinnings-
hafa birt í Víkurfréttum.
Frá og með deginum í dag
gildir græni miðinn sem
kemur með Víkurfréttum.
Komið með miðann, heftið
strimilinn á þegar búið er
að versla og setjið í kassa
sem staðsettir eru á af-
greiðslukössum.
Aukavinninga fengu:
Þórey Brynja Jónsdóttir
Kristín Guðnadóttir
Einar Haraldsdóttir
Dagbjört Þórey Ævarsdóttir
Sigríður Hauksdóttir
Kolbrún Aradóttir
Anna Lilja Lárusdóttir
Guðbjörg Samúelsdóttir
Eiríkur Hansen
Halldór Þórðarson
Lukkuleikur
Samkaupa:
Ólöf og
Vilmar til
Evrópu
VF 47. tbl. 2003 #3 19.11.2003 15:39 Page 18