Víkurfréttir - 20.11.2003, Blaðsíða 22

22 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
Kaffitár opnaði nýja kaffi-brennslu að Stapabraut7 í Njarðvík um síðustu
helgi. Fjölmenni lagði leið sína
í ný húsakynni, enda gestum og
gangandi boðið að kynna sér
starfsemi fyrirtækisins og
bragða á framleiðsluvörum
þess. Um 400 manns skrifuðu
sig í gestabókina en Aðalheiður
Héðinsdóttir, eigandi Kaffitárs,
sagði að gestirnir hefðu örugg-
lega verið tvöfalt fleiri.
Nýja húsnæðið er allt hið glæsi-
legasta. Vinnslurýmið hefur auk-
ist til muna, auk þess sem í nýja
húsinu er bæði rekin kaffiverslun
og opið kaffihús. Þá er góð að-
staða til að taka á móti ferðahóp-
um sem vilja kynna sér kaffi-
brennsluna og fylgjast með fram-
leiðsluferlinu.
Hjá kaffibrennslu Kaffitárs starfa
átján manns. Í brennslunni í
Njarðvík er brennt og malað allt
það kaffi sem kaffihús Kaffitárs
á höfuðborgarsvæðinu selja, auk
þess sem allt kaffibrauð kaffi-
húsanna er bakað hjá Kaffitári í
Njarðvík.
Markaðshlutdeild Kaffitárs á
kaffisölu í verslunum er um 10%
hér á landi. Umsvif í kaffihúa-
rekstri eru hins vegar mikil hjá
Kaffitári en um 40% af veltu fyr-
irtækisins kemur úr kaffihúsa-
rekstri og er vaxandi. Vöxtur fyr-
irtækisins hefur verið mikill síð-
ustu árin. Kaffitár er 13 ára gam-
alt fyritæki og það lætur nærri að
vöxtur fyrirtækisins hafi verið
um 30% á ári frá stofnun þess
1990.
Í nýju kaffibrennslunni í Njarð-
vík er rekin kaff iverslun og
einnig skemmtilegt kaffihús sem
opnar kl. 7:30 á morgnana og er
opið til kl. 18:00 síðdegis. Kaffi-
húsið er einnig opið á laugardög-
um.
Kaffið frá Kaffitári fer ekki bara
á innanlandsmarkað, því kaffið á
orðið aðdáendur víða um heim
og Aðalheiður sagðist senda kaff-
ið víða í áskrift. Aðallega eru það
varnarliðsmenn sem hafa tekið
ástfóstri við kaffið og fá það nú
sent í áskrift heim til Bandaríkj-
anna eða á herstöðvar víðsvegar
um heiminn. Kaffitár fékk á dög-
unum mikið hrós fyrir kaffið sitt
á vefsíðu Boeing-flugvélaverk-
smiðjanna. Boeing hefur verið á
heimsyfirreið síðustu vikur með
nýja Boeing 777 þotu. Flugvélin
hefur haft viðkomu í þrettán
þjóðlöndum. Fyrir hvern við-
komustað hefur verið skifaður
stuttur texti um land og þjóð og
allir eiga textarnir það sammerkt
að þeir eru almennir og nefna
ekki fyrirtæki eða vörur á nafn.
Hins vegar er undantekning þeg-
ar kemur að Íslandi því þar er
Kaffitár nefnt á nafn í þriðju línu
og sagt eitthvað á þá leið að
Keflavík sé heimabær eins besta
kaffi í heimi, Kaffitárs, og að
engin ferð til Íslands sé fullkom-
uð nema að fá sér þetta frábæra
kaffi. Textinn er á þessa leið:
„Keflavik, just 40 minutes away
from the capital of Reykjavik, is
home to one of the world’s best
coffees - Iceland’s prized Kaffit-
ar. It has a rich flavour, well suit-
ed to the climate and the people
of this island, and no trip to
Iceland is complete without tast-
ing this exquisite northern elix-
ir“.
Meðfylgandi ljósmyndir voru
teknar á opun húsi Kaffitárs í
Njarðvík um síðustu helgi.
➤ K A F F I TÁ R Á N Ý J U M S TA Ð
- Boeing segir Kaffitár það besta í heimi
Glæsileg brennsla,
kaffiverslun og
kaffihús opna
VF 47. tbl. 2003 #3 19.11.2003 15:16 Page 22