Víkurfréttir - 20.11.2003, Blaðsíða 27

VÍKURFRÉTTIR I 47. TÖLUBLAÐ I FIMMTUDAGURINN 20. NÓVEMBER 2003 I 27
■Karfan / 1. deild kvenna - næstu leikir
■Karfan / 1. deild kvenna - úrslit
ÍR-KEFLAVÍK
Keflavík vann öruggan sigur á ÍR
í 1. deild kvenna í Seljaskóla í
dag. Lokastaðan var 62-93 fyrir
Keflavík eftir að þær höfðu leitt
allan leikinn og haft yfir í hálf-
leik 35-52. Keflavík spiluðu
mjög góða vörn og héldu góðri
pressu á ÍR-inga ásamt því að
þeim gekk afar vel í sókninni
eins og tölurnar gefa til kynna.
„Við náðum að leysa 1-3-1
svæðisvörnina þeirra mjög vel
og komum okkur þess vegna í
góð skotfæri sem við nýttum
ágætlega“, sagði Hjörtur Harðar-
son, þjálfari Keflavíkur.
Stigahæst hjá Keflavík var Anna
María Sveinsdóttir, en hún skor-
aði 21 stig, tók 15 fráköst og stal
5 boltum. Þar á eftir komu Rann-
veig Randversdóttir, með 16 stig,
og Kristín Blöndal sem skoraði
14. Eplunus Brooks bar lið ÍR á
herðum sér og skoraði 30 stig og
tók 19 fráköst.
NJARÐVÍK-GRINDAVÍK
Njarðvík lagði Grindavík á
heimavelli sínum á föstudags-
kvöld, 61-58, eftir að hafa verið
undir nánast allan leikinn.
Grindavíkurstúlkur byrjuðu leik-
inn með látum og náðu góðri for-
ystu en þegar um fimm mínútur
voru eftir náðu Njarðvíkingar
forystunni og héldu henni til
loka.
„Það var bara eins og stelpurnar
trúðu ekki að þær gætu unnið
svona stórt og við fórum að
missa boltann alltof oft. Svo tók
Gaines af skarið fyrir Njarðvík
og þær kláruðu leikinn.“ sagði
Pétur Guðmundsson, þjálfari
Grindavíkur.
Andrea Gaines var stigahæst hjá
Njarðvík með 22 stig, tók 10 frá-
köst og gaf 7 stoðsendingar, en
næst henni var Guðrún Karls-
dóttir með 13 stig. Sólveig
Gunnlaugsdóttir fór fyrir Grind-
víkingum með 23 stig og tók auk
þess 11 fráköst.
KEFLAVÍK-KR
Á mánudaginn mætast Keflavík
og KR í 1. deild kvenna. Leikur-
inn fer fram í Íþróttahúsinu við
Sunnubraut, en Keflavíkurstúlkur
eiga harma að hefna úr síðasta
leik liðanna sem KR vann óvænt.
Þrátt fyrir að Keflavík hafi spilað
mjög vel síðustu leiki munu stig-
in tvö ekki verða auðsótt, þar
sem KR hefur fengið til liðs við
sig erlendan leikmann að nafni
Katie Wolfe sem stóð sig vel í
sigurleik KR-inga gegn toppliði
ÍS á dögunum. Hjörtur Harðar-
son, þjálfari Keflavíkur, játaði að
KR-liðið væru vissulega sterkari
en þegar þær unnu fyrr í vetur.
„Þær eru með mjög sterka bak-
verði en við erum mun sterkari
undir. Ég vona bara að mínir
bakverðir standi sig í vörninni og
geti tekið við í sókninni ef KR
fara að dekka betur undir körf-
unni.“
Ef þessir þættir ganga upp má
búast við því að Keflvíkingar nái
að velgja KR verulega undir ugg-
um.
GRINDAVÍK-ÍS
Grindavík mun leika við ÍS í 1.
deild kvenna á mánudaginn.
Leikurinn mun fara fram á
heimavelli Grindavíkur, en ÍS,
sem er í toppsæti deildarinnar,
vann fyrri leik liðanna í haust.
„Ég er ekki svartsýnn fyrir þenn-
an leik en þetta verður erfitt fyrir
okkur.“ segir Pétur Guðmunds-
son, þjálfari Grindavíkur, „ Í síð-
asta leik liðanna vorum við að
spila vel þó að við höfum ekki
unnið og við höfum verið að taka
framförum í hverjum leik okkar,
þannig að ég kvíði engu.“
Liðin eru hvort á sínum enda
deildarinnar, ÍS á toppnum og
Grindavík á botninum, en
Grindavík hefur verið að bæta
sig verulega í síðustu leikjum.
Skothittni liðsins hefur batnað
auk þess sem liðið hefur verið að
taka mun fleiri fráköst, þannig að
leikurinn er alls ekki unninn fyr-
irfram hjá ÍS.
ÍR-NJARÐVÍK
Leikur ÍR og Njarðvíkur í 1.
deild kvenna fer fram í Selja-
skóla á miðvikudaginn. Jón Júlí-
us Árnason, aðstoðarþjálfari
Njarðvíkur, segir að leikurinn
leggist vel í sitt lið, en Njarðvík
vann fyrri leikinn nokkuð örugg-
lega á heimavelli sínum. „Von-
andi blekkjast stelpurnar ekki af
stöðunni í deildinni, því þótt við
séum með fleiri stig verðum við
að berjast fyrir sigrinum. Við get-
um unnið leikinn og eigum að
gera það og ég er sannfærður um
að það gengur eftir ef við mætum
með réttu hugarfari.“
Fyrir leikinn er Njarðvík í þriðja
sæti deildarinnar með 8 stig en
ÍR er í næst-neðsta sæti með 4
stig.
Um helgina verður leikiðtil úrslita um Hópbíla-bikar karla í körfu-
knattleik. Á föstudaginn verða
undanúrslitaleikirnir og úr-
slitaleikurinn sjálfur er á laug-
ardaginn.Allir leikirnir fara
fram í Laugardalshöllinni.
GRINDAVÍK-NJARÐVÍK
Í fyrri leik undanúrslitanna mæt-
ast Grindavík og Njarðvík og er
óhætt að lofa stórleik. Þegar liðin
mættust í fyrstu umferð Inter-
sport-deildarinnar réðust úrslit
ekki fyrr en eftir tvær framleng-
ingar þegar Grindavík náði að
kreista fram sigur. Í samtali við
Víkurfréttir átti Friðrik Ingi hjá
Grindavík von á hörkuviðureign.
„Þessi lið eru klárlega í hópi
bestu liða landsins og það er góð
stemmning í okkar liði fyrir leik-
inn. Síðasti leikur liðanna var
auðvitað frábær en nú er Brenton
farinn að spila með þeim eftir
meiðsli og það styrkir Njarðvík
mikið en við kvíðum ekki fyrir
að mæta
þeim.“
Friðrik
Ragnars-
son hjá
Njarðvík
tekur í
sama
streng og
er viss um
að helgin
verði frá-
bær fyrir
körfu-
knattleiks-
áhuga-
menn. „Þetta eru fjögur frábær
lið og ég er viss um að við mun-
um sjá hágæðabolta í úrslitunum
sama hvaða lið fara áfram. Ég er
bara að vona að við verðum þar.
Annars leggst þetta bara vel i
mig. Við erum með ungt lið en
við erum hungraðir í titla eftir að
hafa ekkert unnið í fyrra, en
Grindavík er auðvitað með gott
lið og við þurfum að eiga topp-
leik til að vinna þá.“
KEFLAVÍK-TINDASTÓLL
Í seinni undanúrslitaleiknum
eigast Keflavík og Tindastóll við.
Liðin öttu kappi á þriðjudaginn
var þar sem Keflavík hafði betur,
þannig að Stólana þyrstir eflaust
í að jafna metin. Keflavíkurliðið
hefur verið undir ákaflega miklu
álagi vegna þátttöku í
Evrópukeppni bikarhafa, en hafa
notið þess að hafa mjög breiðan
hóp sem gerir þeim mögulegt að
dreifa álaginu og hvíla lykil-
menn. Falur Harðarson, annar
þjálfara Keflavíkur, segir sína
menn vera vel stemmda fyrir
helgina. „Við mætum til leiks til
að vinna. Það er ekki spurning.
Þrátt fyrir að við leggjum
höfuðáherslu á Evrópukeppnina
eins og stendur ætlum við að
sigra þessa keppni. Breiddin hjá
okkur gefur okkur gott svigrúm
til að rótera mannskapnum og
við eigum alveg að geta teflt
fram okkar sterkasta liði.“
Gaines tók af skarið fyrir Njarðvík
Keflavíkurstúlkur eiga harma að hefna
Leikið til úrslita í Hópbílabikarnum
VF 47. tbl. 2003 #3 19.11.2003 15:03 Page 27