Víkurfréttir - 20.11.2003, Blaðsíða 16

16 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
Hlutverk Sambands sveitarfélaga
á Suðurnesjum er tvíþætt að sögn
Guðjóns. „Annarsvegar samband
sveitarstjórna sem gætir hags-
muna og er samráðsvettvangur.
Innan samtakanna hafa sveitar-
stjórnirnar stillt saman strengi
sína og farið fram með hags-
munamál sín. Hinsvegar er sam-
bandið nokkurskonar rekstrar-
skrifstofa fyrir sameiginleg verk-
efni sveitarfélaganna. Það er hinn
veigamikli þátturinn í starfinu,“
segir Guðjón og nefnir umhverf-
ismál sem dæmi. „Það hefur ver-
ið mikill sviptingartími á sviði
umhverfismála sem loksins sér
fyrir endann á með nýrri sorp-
brennslustöð, en það hefur verið
eitt af stóru verkefnunum undan-
farin ár. Við rekum einnig skrif-
stofuhald fyrir heilbrigðiseftirlit-
ið og Brunavarnir Suðurnesja.
Hér koma einnig inn á borð ýmis
sérverkefni sem við komum að,
s.s. viðbyggingar Fjölbrautaskóla
Suðurnesja og bygging D-álmu
HSS.“
Guðjón segir að sambandið hafi í
gegnum tíðina beitt sér fyrir
bættum samgöngum á Suður-
nesjum og segir hann að breikk-
un Reykjanesbrautar hafi verið
efst í forgangsröð. „Maður verð-
ur náttúrulega aldrei ánægður
fyrr en búið er að breikka braut-
ina alla. Maður er þokkalega sátt-
ur, en það þarf að klára breikkun
Reykjanesbrautarinnar.“
Guðjón segist vera ánægður með
nýafstaðið afmælisþing Sam-
bands sveitarfélaga á Suðurnesj-
um sem fram fór í sal Fjölbrauta-
skóla Suðurnesja. „Þar var til
umfjöllunar stórt mál sem hefur
verið mikið inn á borðum sam-
bandsins, málefni Heilbrigðis-
stofnunar Suðurnesja en málefni
tengd stofnuninni hafa verið í
erfiðri stöðu. Við höfum reynt að
leggja starfsmönnum stofnunar-
innar lið í því að koma hlutunum
þar í lag. Sveitarstjórnarmenn
eru ánægðir með niðurstöðu
starfshóps um málefni stofnunar-
innar sem kynntar voru á þing-
inu, þó það eigi eftir að sjá þá
hluti komast í framkvæmd. Þarna
eru komin drög að stefnumótun
sem féll í góðan jarðveg. Við
munum vinna að því að koma
þessum stefnumótunartillögum
varðandi stofnunina í fram-
kvæmd, í samráði við stjórnend-
ur.“
Að sögn Guðjóns hefur atvinnu-
líf hér á Suðurnesjum oft verið
brothætt. „Fyrir 10 árum síðan
fórum við ofan í mikinn öldudal
og þá brugðust sveitarstjórnar-
menn við með því að stofna
Eignarhaldsfélag Suðurnesja sem
lengi var hér til húsa. Við fórum
fyrst ofan í þennan öldudal og
kannski fyrst upp úr honum aftur.
Það má líka segja það að það
hafi oft vofað yfir að það yrði
samdráttur í umsvifum Varnar-
liðsins eins og nú er að gerast.“
Guðjón segir að uppsagnir Varn-
arliðsins á dögunum komi sér á
óvart. „Það kemur mér sérstak-
lega á óvart hve mörgum er sagt
upp störfum. En við höfum heyrt
um niðurskurð og með breyting-
um á varnarmálum í Bandaríkj-
unum förum við undir þá stefnu
sem þar hefur verið mótuð. Það
mátti svo sem búast við niður-
skurði, en þetta er meira en búast
mátti við í einu. Við þurfum að
fylgjast vel með þessum málum í
framtíðinni og hvernig við getum
brugðist við.“
En hvaða augum lítur fram-
kvæmdastjóri SSS á Suðurnes-
in í atvinnulegu tilliti þegar
horft er til framtíðar?
Atvinnulífið hefur breyst mikið á
þessum 15 árum sem ég hef
starfað hér. Sjávarútvegur hefur
dregist saman hjá mörgum fyrir-
tækjum þó sum haldi sínu. Ég sé
það fyrir mér að við verðum í
vaxandi mæli í þjónustuhlut-
verki. Við þurfum að sækja á
hvað varðar ferðamál og þar spil-
ar nálægðin við flugstöðina stórt
hlutverk. Við þurfum að skjóta
fleiri rótum undir atvinnulífið hér
og þar sem við erum mjög stutt
frá höfuðborgarsvæðinu þá
aukast atvinnulegir möguleikar
með bættum samgöngum. Við
eigum að geta verið með fyrir-
tæki hér sem þjóna innanlands-
markaði, s.s. matvælafyrirtæki.
Það er margt sem maður gæti
sagt að ætti að geta þrifist hér.
Hitaveita Suðurnesja er mjög
stórt og mikilvægt fyrirtæki fyrir
þetta svæði og uppbyggingin í
Helguvík bíður einnig upp á
mikla möguleika. Á Suðurnesj-
um er mikið til af lausu húsnæði
sem hefur losnað eftir að fisk-
vinnsla dróst saman og það er
gríðarlega mikilvægt að koma
því í not. Ég held að við verðum
að horfa á það að við eigum að
geta byggt þetta upp og við þurf-
um að gera það til að mæta sam-
drætti á Varnarsvæðinu sem virð-
ist vera óumflýjanlegur.
Nú hafa um þrjátíu einstaklingar tekið þátt ínámskeiðinu „Frá hugmynd til framkvæmd-ar“. Námskeiðið er haldið af Sambandi sveit-
arfélag á Suðurnesjum (SSS), í samstarfi við Spari-
sjóðinn í Keflavík,Turn key solutions og Price Water-
house Coopers. Markmið með námskeiðinu er að
styðja og efla athafnafólk á Suðurnesjum. Námskeið-
ið er jafnt miðað að atvinnurekendum sem og aðila er
huga að stofnun fyrirtækis.
Á námskeiðinu er farið yfir gerð viðskiptaáætlana, fjár-
mögnun og stoðkerfi frumkvöðla. Þá kynna Sparisjóð-
urinn í Keflavík og Turn key solution þjónustu sína. Í
framhaldi af námskeiðinu geta þátttakendur leitað frekari
stuðnings hjá aðilum er koma að námskeiðinu. Leið-
beinendur á námskeiðinu eru viðskiptafræðingarnir Jón
Þorsteins Jóhannsson ráðgjafi hjá PWC og Guðbjörg Jó-
hannsdóttir atvinnuráðgjafi SSS.
Þátttakendur eru mjög ánægðir með framkvæmdina og
námskeiðið í heild sinni. Þetta höfðu þátttakendur m.a.
um námskeiðið að segja:
* Góðar upplýsingar fyrir frumkvöðla og lengra komna.
* Ég fæ fræðslu um næsta skref.
* Víðari þekking á hvernig hlutir ganga f.sig hvert er
hægt að leita eftir þekkingu og fjármagni í frumkvöðla-
starfi.
* Vekur bjartsýni.
* Upplýsingar mjög margþættar, góð og skilmerkileg
svör við spurningum.
SSS býður alla þá er reka nú þegar fyrirtæki eða huga að
atvinnurekstri velkomna á næsta námskeið sem verður
haldið á Víkinni þann 26. nóvember frá 16-19.
➤ G U Ð J Ó N G U Ð M U N D S S O N Á 1 5 Á R A Ð B A K I H J Á S S S
„Ég hef kynnst gríðarlega mörgu fólki í starfi mínu hér og þetta
hefur á margan hátt verið mjög skemmtilegur tími,“ segir
Guðjón Guðmundsson hjá Sambandi sveitarfélaga á Suðurnesj-
um en hann hefur starfað sem framkvæmdastjóri samtakanna
sl. 15 ár. Nýlega var haldið afmælisþing sambandsins en þau eru
25 ára. Guðjón segir að komið hafi upp átök innan sambandsins,
en að samstarfið hafi yfirleitt verið mjög gott. „Menn hafa get-
að rætt saman og leyst málin þannig. Það hefur mikil áhersla
verið lögð á að ná sameiginlegri niðurstöðu þannig að allir fari
sáttir frá borði.“
„FRÁ HUGMYND TIL FRAMKVÆMDAR“
Þurfum að skjóta fleiri rótum undir atvinnulífið
- segir Guðjón Guðmundsson framkvæmdastjóri Sambands sveitarfélaga á Suðurnesjum í samtali við Víkurfréttir
Samband sveitarfélaga
á Suðurnesjum 25 ára
Guðjón Guðmundsson framkvæmdastjóri SSS ásamt skrifstofufólki sínu,
þeim Sigrúnu Sighvatsdóttur og Pálínu Gísladóttur. VF-mynd: Jóhannes Kr. Kristjánsson
Guðjón Guðmundsson framkvæmdastjóri SSS.
VF 47. tbl. 2003 #3 19.11.2003 15:29 Page 16