Fréttatíminn - 17.02.2017, Side 6

OP
IÐ
Á

SU
NN
UD
ÖG
UM
Í
DO
RM
A
SM
ÁR
AT
OR
GI
Florence
svefnsófi
Ítalskur gæðasvefnsófi. Ljósbrúnn
og dökkgrár. Vönduð heilsudýna. Stærð: 198 x 93 H: 88 cm. Dýnustærð: 140x200 cm.
ÁTTU VON
Á GESTUM
Svefnsófar
Afgreiðslutími Rvk
Mánudaga til föstudaga kl. 10–18
Laugardaga kl. 11–17
Sunnudaga kl. 13–17 (Smáratorgi)
www.dorma.is
Holtagörðum, Reykjavík
Smáratorgi, Kópavogi
Dalsbraut 1, Akureyri
Skeiði 1, Ísafirði
Dormaverð 139.990 kr.
Mona
tungusvefnsófi
Grár svefnsófi með hægri eða vinsti tungu.
Breidd: 233 cm. Dýpt: 96 cm. Tunga: 155 cm.
Dormaverð 99.900 kr.
Slitsterkt áklæði, ljós- eða
dökkgrátt. Svefnsvæði: 120 x 200 cm
Memphis
svefnsófi
Dormaverð 289.900 kr.
6 | FRÉTTATÍMINN | Föstudagur 17. febrúar 2017
Skagafjörður tapar 30
milljónum á bátasmiðju
Sveitarstjórnarmál Sveitarfélagið
Skagafjörður átti plastbátafyrir-
tæki með Kaupfélagi Skagfirðinga
sem tapaði miklum peningum.
Kaupfélag Skagfirðinga lánaði því
um 60 milljónir króna til að borga
laun starfsmanna. Oddviti Fram-
sóknarflokksins segir að auðvelt sé
að vera vitur eftir á en að ákvörðun
um fjárfestinguna hafi verið tekin í
góðri trú.
Ingi F. Vilhjálmsson
ingi@frettatiminn.is
Sveitarfélagið Skagafjörður þarf
að leggja 23 milljónir króna af fjár-
munum sveitarfélagsins inn í plast-
bátasmiðjuna Mótun ehf. vegna
skulda fyrirtækisins þar sem fyrir-
séð er að reksturinn stefnir í þrot.
Fjárframlagið er skilgreint sem víkj-
andi lán. Meðeigandi sveitarfélagsins
í bátasmiðjunni er Kaupfélag Skag-
firðinga (KS), stærsti atvinnurek-
andinn í Skagafirði og eitt stöndugsta
fyrirtæki landsins. Sveitarfélagið
og kaupfélagið eiga bæði 49 pró-
sent í fyrirtækinu. Fjármögnun-
in var ákveðin á fundi byggðaráðs
Skagafjarðar á fimmtudagsmorgun.
Stefán Vagn Stefánsson, oddviti
Framsóknarflokksins í sveitarstjórn,
segir að í heildina muni tap sveitar-
félagsins af fjárfestingunni verða um
33 milljónir króna þar sem fyrir hafi
Skagafjörður lagt tíu milljónir inn í
fyrirtækið. „Auðvitað er auðvelt að
vera vitur eftir á. Ef við hefðum vitað
hvernig þetta myndi enda þá hefð-
um við auðvitað ekki gert þetta. En
við hófum þetta verkefni með góðum
hug og ætluðum að styrkja atvinnulíf-
ið hér. En því miður þá gekk þetta og
við erum öll meðvituð um það sem
tókum þessa ákvörðun,“ segir Stef-
án Vagn.
Tekin var ákvörðun um fjár-
festinguna í plastbátasmiðjunni um
sumarið 2014, skömmu eftir sveitar-
stjórnarkosningar sem þá fóru fram
þar sem Framsóknarflokkurinn og
Sjálfstæðisf lokkurinn mynduðu
meirihluta. Til stóð að fyrirtækið
myndi tengjast uppbyggingu á plast-
bátadeild við fjölbrautaskólann á
Sauðárkróki sem til stóð að byggja
upp. Fjárfestingin var gagnrýnd af
fulltrúa minnihlutaflokks í bæjar-
stjórn, Grétu Sjöfn Guðmundsdóttur
úr K-listanum, sem sagði meðal
annars um málið: „Undirrituð telur
ekki rétt að sveitarfélagið setji meira
skattfé íbúa í félag sem gerir út á
margþætta starfsemi í samkeppnis-
rekstri með stærsta fyrirtæki sveitar-
félagsins.“
Fjárfesting sveitarfélagsins í
bátasmiðjunni hefur alls ekki gengið
upp síðastliðin ár en í bréfi frá endur-
skoðanda sveitarfélagsins Skagafjarð-
ar, KPMG, til Ástu Pálmadóttur í janú-
ar sagði meðal annars að Mótun ehf.
ætti 12 til 13 milljóna eignir á móti 60
milljóna króna skuldum. Kaupfélag
Skagfirðinga hefur um hríð greitt
laun og launatengd gjöld fyrir starfs-
menn Mótunar ehf. og er félagið því
búið að stofna til skuldar við kaupfé-
lagið upp á tugi milljóna. Þar af leið-
andi væri ljóst, eins og segir í bréf-
inu, að greiða þyrfti 46 til 47 milljónir
króna inn í félagið til að greiða niður
þessar skuldir við kaupfélagið.
Í bréfinu leggur KPMG til að Skaga-
fjörður leggi Mótun til nýtt hlutafé
eða þá víkjandi lán. Alveg sama hvor
leiði yrði farin þá væri ljóst að hlutafé
Mótunar ehf. væri einskis virði og að
fjármagnið sem sett yrði inn í félag-
ið væri tapað. „Sveitarfélagið Skaga-
fjörður getur greitt sinn hluta með
aukningu hlutafjár að hluta eða öllu
leyti eða með því að veita Mótun ehf.
lán. Hvor leiðin sem valin yrði er ljóst
að raunvirði kröfunnar (hlutafjárins)
er nánast 0 kr. þar sem engar líkur
eru á að félagið gæti endurgreitt lánið
eða endurgreitt hluthöfum það hluta-
fé sem þeir hafa lagt inn í félagið.“
Stefán Vagn segir að reynt verði að
selja eignir félagsins, meðal annars
tæki og mót til að smíða báta, og sölu-
andvirðið muni draga úr tapi sveitar-
félagsins á Mótun ehf.
Sveitarfélagið Skagafjörður þarf að leggja nær gjaldþrota bátasmiðju til 23
milljónir vegna taprekstrar. Skagafjörður fjárfesti í fyrirtækinu ásamt Kaupfélagi
Skagfirðinga sem Þórólfur Gíslason og Sigurjón Rúnar Rafnsson stýra.
Öryggismál Sterkar vísbendingar
eru um að hlutfallslega séu fleiri
ökumenn af asísku bergi brotnir
að lenda í umferðarslysum en
önnur þjóðerni hér á landi. Af
þeim sökum hefur Slysavarnafé-
lagið Landsbjörg meðal annars
stóraukið fræðslu gagnvart
Asíubúum, meðal annars með
svokölluðum stýrisspjöldum
sem eru myndræn. Þá hefur
Samgöngustofa gefið út bækling
á kínversku þar sem umferðarör-
yggi er áréttað.
Valur Grettisson
valur@frettatiminn.is
„Það eru vísbendingar um það að sé
hærra hlutfall ökumanna af asísku
bergi brotnir sem eru að lenda í um-
ferðarslysum en önnur þjóðerni,“
segir Jónas Guðmundsson sem sinn-
ir slysavarnamálum hjá Landsbjörg.
Hann segir banaslysum almennt
fara fækkandi hlutfallslega, en
áréttar að undantekning hafi verið
á því árið 2015, þegar margir létu-
st í umferðinni. Enn á eftir að taka
saman fjölda banaslysa á síðasta ári.
Flest banaslys tengd ferðamönn-
um eiga sér stað á þjóðveginum
á milli Jökulsárslóns og Reykja-
víkur, en næstalgengasti staður-
inn er Silfra. Þar lést ferðamað-
ur á dögunum eftir að hafa lent í
vanda í gjánni. Alls hafa verið fjög-
ur banaslys í gjánni síðustu ár,
auk annarra alvarlegra slysa, sem
tryggir gjánni þann vafasama heið-
ur að vera næsthættulegasti staður-
inn á Íslandi í ferðamannaþjónustu.
Jónas segir hinsvegar vöntun
á uppbyggingu innviða áhyggju-
efni og að það hafi líklega orsak-
að slys. „Þannig má nefna útskot
á Suðurlandinu. Það er alveg vitað
hvaða staðir þetta eru sem fólk er
að stoppa helst á,“ útskýrir Jónas
sem segir það eðlilegt að ferðamenn
stoppi á ákveðnum stöðum til þess
að mynda stórbrotna náttúru.
„Við þurfum að gera betur, það
er alveg ljóst, við viljum ekki sætta
okkur við banaslys en við erum að
ná árangri með fræðslu og þeim
verkefnum sem við erum að beita,“
segir Jónas.
Áhyggjur af asískum ökumönnum
Mikill fjöldi ferðamanna kafar í Silfru sem er annar hættulegasti staðurinn á
landinu þegar kemur að slysum á ferðamönnum.
Dómsmál „Næstu skref eru líklega
þau að Landsnet framkvæmir nýtt
umhverfismat og í kjölfarið verður
þá líklega sótt um nýtt fram-
kvæmdaleyfi hjá bænum,“ segir
Ásgeir Eiríksson, bæjarstjóri Voga
á Vatnsleysuströnd, en Hæstiréttur
staðfesti í gær úrskurð Héraðsdóms
Reykjaness um að fella úr gildi
umhverfismat vegna lagningar
Suðurnesjalínu 2.

Það voru eigendur jarða í ná-
grenninu sem sóttu málið gegn
Landsneti og Vogum. Í úrskurði
Hæstaréttar segir meðal annars að
mat á umhverfisáhrifum á lagningu
strengs í jörðu hafi ekki verið full-
nægjandi.
Til stendur að leggja línuna frá
frá Hamranesi í Hafnarfirði um
sveitarfélagið Voga, Reykjanesbæ
og Grindarvíkurbæ að tengivirki við
Rauðamel norðan við Svartsengi.
Ásgeir segir þörf á raforkuflutn-
ingum til þessa hluta landsins, en
fyrir sé aðeins ein lína. „Og að því
leytinu til, hvernig sem málið verð-
ur leyst, tel ég æskilegt að það mál
fái sinn framgang,“ segir Ásgeir sem
tekur enga afstöðu til þess hvort
línan eigi að vera ofanjarðar eða
neðan. | vg
Þurfa að framkvæma
nýtt umhverfismat
Ásgeir Eiriksson er bæjarstjóri Voga.