Fréttatíminn - 17.03.2017, Blaðsíða 48
4 FÖSTUDAGUR 17. MARS 2017BÍLAR
sem miðborgarbíl.“
Villi nefnir sem dæmi að
hann hafi eitt sinn reynt að taka
u-beygju á Snorrabrautinni en það
hafi traktorinn ekki verið tilbú-
inn í. „Ég þurfti að keyra upp á
gangstétt og bakka inn í umferðina
aftur. En það er yndislegt að keyra
þennan bíl. Nema kannski í hálku
og hliðarvindi. Og í halla.“
Heilsar öðrum eigendum
En eftir átta ára samband þekkir
Villi rauða traktorinn orðið mjög
vel. „Já, það er svo fyndið að mað-
ur heyrir það og finnur ef eitt-
hvað er öðruvísi en það á að vera.
Kosturinn við svona bíla er að það
bilar engin tölva. Þetta er ekkert
flókið, ég er með viðgerðarteip,
skrúfjárn og WD40 í bílnum og þá
getur maður græjað 90 prósent af
því sem kemur upp á. Reglan er að
ef það er fast og á að hreyfast, þá
notar maður WD40. Ef það hreyf-
ist en á ekki að hreyfast þá notar
maður teipið.“
Villi viðurkennir að samband
sitt við Land Roverinn sé ástar- og
haturssamband. „Ég er búinn að
ætla að selja hann í átta ár. Það
er kannski jafn gott að nota þetta
tækifæri og tilkynna að ef einhver
er áhugasamur getur hann haft
samband við mig. Ég hugsa að það
sé mjög algengt að samband Land
Rover-eigenda við bílinn sé svona
ástar- og haturssamband.
Þetta er reyndar skemmtilegur
hópur sem keyrir um á Defend-
erum. Við heilsumst til dæmis í
umferðinni – það er vinkað á milli
Defendera – en ekki hinna tegund-
anna. Ef einhver er á Discovery
eða Range Rover þá heldur maður
báðum höndum í stýrið þannig
að það sjáist að maður sé ekki að
vinka þeim,“ segir hann.
Villi segir reyndar að það trúi
þessu fáir því alltaf þegar hann er
með farþega í bílnum og mæt-
ir öðrum Defender, þá gleymi
viðkomandi að vinka. „En þetta
eru samt óskrifuð lög að þeir sem
eru á Defender og gömlum Land
Roverum vinka hver öðrum. Og ef
maður mætir einhverjum á göml-
um Series þá vinkar maður með
báðum og tekur ofan, það er mesta
þrautagangan. Maður hneigir sig í
lotningu og leggur út í kant þegar
maður mætir svoleiðis jörlum.“
Yndislegur ævintýrabíll
Land Rover Defender eru vinsælir
bílaleigubílar og bíll Villa þjónaði
einmitt þeim tilgangi þegar hann
keypti hann.
„Hann er undarlega vinsæll á
bílaleigum því Bretarnir halda að
þetta sé eina leiðin til að fara yfir
Sprengisand. Þeir troða sér átta
saman í hann eða eitthvað álíka.
Það er fínt að sitja í framsætunum
úti á landi en ég myndi ekki sitja
aftast og skrölta yfir Kjöl á þessu –
ekki að ræða það!“
Sjálfur notar Villi þó Land
Roverinn út á landi þegar færi
gefst á. „Ég fer í göngur fyrir norð-
an og þar er hann hentugur á slóð-
anum. Þá set ég hann stundum í
lága drifið og fyrsta gír og hleyp
út úr honum og smala. Þá mjakast
hann áfram – hann mallar bara og
fer ekki einu sinni á gönguhraða.
Það eru há börð sitt hvoru megin
og hann fer ekkert upp úr hjólför-
unum. Ég flutti einhvern
tímann um tuttugu
manns í honum.
Við hrúguðum
bara inn í hann og
svo stóð hellingur
af fólki á brettun-
um og hélt í topp-
grindina. Það er
nú það besta við
Land Roverinn,
þetta er yndisleg-
ur ævintýrabíll. Alger
krakkabíll.“
En fyrst og fremst er hann
þó einstaklega fallegur, að mati
eigandans. „Já, ég er hrifnæmur
fagurkeri. Þess vegna á ég Fender
og Land Rover,“ segir Vilhelm Ant-
on Jónsson.
B6nkluturfylgir mea
ekki bara öruggt start líka gæði
Er snjósleðinn tilbúinn fyrir frost og fjöll?
Mikið úrval - Traust og fagleg þjónusta.
BÍLDSHÖFÐA 12 • 110 RVK • 577 1515 • WWW.SKORRI.IS
Ég er hrifnæmur fagurkeri, þess vegna
keyri ég um á Land Rover
Vilhelm Anton Jónsson hefur keyrt um á Land
Rover Defender síðustu átta ár. Traktorinn,
eins og hann kallar hann, hentar vel í veiði og
til að smala fé fyrir norðan en Villi mælir ekki
með honum sem miðborgarbíl. Þeir sem keyra
um á Defender heilsast í umferðinni en þeir
sem keyra um á Discovery eða Range Rover
eru ekki virtir viðlits.
Villi á í ástar- og haturssambandi við Land Roverinn sinn sem hann hefur átt í átta ár.
Mynd | Hari
Að mínu viti eru Fend-erinn og Land Rover-inn það fullkomnasta sem hefur verið hann-að,“ segir Vilhelm
Anton Jónsson, tónlistarmaður og
rithöfundur með meiru.
Vilhelm, eða Villi eins og hann
er iðulega kallaður, keyrir um á
rauðum Land Rover Defender og
vekur athygli hvert sem hann fer.
„Ég er búinn að eiga traktorinn
í átta ár, held ég. Þetta er 2002
týpan, TDV heitir hann og er
langur. Þetta er 110 bíllinn,“ segir
Villi þegar hann er beðinn að lýsa
gripnum.
Land Rover bilar aldrei
Og þetta hefur væntanlega verið
átta ára farsælt samband?
„Jájá, Land Roverinn minn
hefur aldrei bilað. En það hafa
reyndar bilað hlutir í honum.
Land Rover bilar aldrei. Þetta er
nauðsynleg afstaða ef maður ætlar
að eiga svona bíl. Þriggja ára heim-
spekinám skilaði sér í þessu, að
geta búið til einhvers konar rétt-
lætingu á því að eiga svona bíl,“
segir Villi og hlær.
Af hverju fékkstu þér Land
Rover Defender?
„Þegar ég keypti hann fannst
mér – og finnst enn – þetta vera
fallegasti bíll sem hefur verið
hannaður, þessi kassi sem hann
er. Eins og reyndar eiginlega allt
sem kemur frá Land Rover og
Range Rover verksmiðjunum. Þeir
vita alveg hvað þeir eru að gera.
Fyrir utan það kannski að enginn í
þessari verksmiðju hefur heyrt um
hugtakið loftaflsfræði, menn eru
ekkert að láta það trufla sig.
Ég hugsa líka að ég hafi réttlætt
þessi kaup fyrir mér með því að
ég fer dálítið í veiði, bæði skot- og
stangveiði. En svo bý ég í Þing-
holtunum og vinn í miðborginni
og er 99 prósent af tímanum
hér. Stór Land Rover á 35 tommu
dekkjum er ekki beint hentugur,
ég myndi ekki mæla með þessu Land Roverinn
minn hefur
aldrei bilað. En það
hafa reyndar bilað
hlutir í honum. Land
Rover bilar aldrei.