Fréttablaðið - 03.02.2018, Page 10

stjórnsýsla Ekkert hefur gengið
að fá gögn frá kirkjuráði varðandi
margvísleg mál þrátt fyrir marg­
ítrekaðar óskir Fréttablaðsins síð­
ustu þrjá og hálfan mánuð. Engar
skýringar hafa fengist frá þjóð­
kirkjunni vegna þessa.
Upphaflegt erindi var sent 19.
október síðastliðinn á póstfang
þjóðkirkjunnar og til Odds Einars­
sonar, framkvæmdastjóra kirkju­
ráðs. Þar var óskað eftir afriti
ýmissa gagna sem lögð höfðu verið
fram á fundi kirkjuráðs rúmum
mánuði fyrr, þann 12. september.
Meðal skjalanna sem óskað var
eftir aðgangi að var erindi frá félagi
sem heitir AS Hótel og er í fundar­
gerð kirkjuráðs sagt varða kaup á
lóðum úr landi kirkjujarðarinnar
Heydala á Austurlandi. Kemur fram
að kirkjuráð fól framkvæmdastjór­
anum að svara erindinu. Einnig var
um að ræða erindi frá ónefndum
aðila um ósk um viðræður um kaup
á landspildu á Valþjófstað. Sömu­
leiðis var bréf frá Lögmönnum
Höfðabakka sem óskuðu liðveislu
í dómsmáli varðandi Kálfafellsstað.
Þá óskaði Fréttablaðið eftir
ýmsum erindum sem varða veiði­
réttarmál í Affallinu annars vegar
og Miðfjarðará hins vegar. Eitt
málið snýst um kunnuglegt atriði
úr nútíma fasteignasögu þjóðkirkj­
unnar og er um niðurstöðu myglu­
rannsóknar Náttúrufræðistofnunar
Íslands í prestbústaðnum á Reyk­
hólum.
Þegar þessari beiðni hafði ekki
verið svarað 1. nóvember var hún
ítrekuð og í leiðinni óskað eftir
gögnum af næsta fundi kirkjuráðs
þar á eftir sem fram hafði farið 10.
október. Þar var til dæmis um að
ræða greinargerð framkvæmda­
stjóra vegna stöðu Skálholts og
erindi sóknarnefndar í Breiðholts­
sókn og Fella­ og Hólasókn um sam­
einingu sóknanna.
Skjalastjóri biskupsstofu, Ragn­
hildur Bragadóttir, afsakaði tafir á
afgreiðslu málsins með tölvupósti
9. nóvember. Skýringin væri meðal
annars miklar annir vegna kirkju­
þings sem þá var fram undan. „Skal
pressa á viðkomandi og fylgja mál­
inu fast eftir,“ sagði í skeyti skjala­
stjórans. Annað skeyti barst 14.
nóvember. „Hef sent biskupsritara
orðsendingu um að hann svari þér
hið snarasta.“
Síðast heyrðist frá þjóðkirkjunni
varðandi þessi mál 8. desember síð­
astliðinn. „Það er á mínu borði að
svara þér en vandamál mitt er að
fljótlega hættir að sjást í borðið
mitt fyrir málum. Síðasti kirkju­
ráðsfundur ársins verður á þriðju­
daginn og ég lofa að eftir hann skuli
ég sinna þér,“ segir í tölvuskeyti
sem barst þann dag frá Oddi Einars­
syni, framkvæmdastjóra kirkjuráðs.
Ítrekuðum óskum um afgreiðslu
málsins, síðast fyrir átta dögum,
hefur síðan í engu verið svarað.
Beiðnum um afrit af gögnum
sem lögð hafa verið fyrir kirkjuráð
hefur fram að þessu jafnan verið
svarað. Oft hafa umbeðin gögn
verið afhent en stundum ekki á
þeim grundvelli að um trúnaðar­
gögn sé að ræða. Agnes M. Sigurðar­
dóttir biskup er forseti kirkjuráðs.
gar@frettabladid.is
Hvorki fást svör né gögn frá kirkjuráði
Fréttablaðið hefur nú beðið í fimmtán vikur eftir gögnum af fundum kirkjuráðs í haust sem leið. Í fyrstu var sagt að erindin yrðu af-
greidd en í tæpa tvo mánuði hafa engin svör fengist frá biskupi og framkvæmdastjóra kirkjuráðs þrátt fyrir margítrekaðar beiðnir.
Oddur Einarsson, framkvæmdastjóri kirkjuráðs, í miðið og Agnes M. Sigurðardóttir, biskup og forseti kirkjuráðs, á göngum biskupsstofu ásamt Magnúsi E.
Kristjánssyni, forseta kirkjuþings sem velur í kirkjuráð. Undir kirkjuráð heyra kirkjustaðir og ýmsar stofnanir. FréttAblAðið/VilhElM
Staða kirkjuráðs
Kirkjuráð starfar á grundvelli laga
um stöðu, stjórn og starfshætti
þjóðkirkjunnar nr. 78/1997, auk
fyrirmæla í öðrum lögum. Þá
starfar ráðið einnig samkvæmt
starfsreglum settum af kirkju-
þingi.
Kirkjuráð er kosið af kirkjuþingi
og heyrir undir þingið.
Kirkjuráð hefur tiltölulega
sjálfstæða stöðu í stjórnkerfi
kirkjunnar og telst til æðstu
framkvæmdarvaldshafa þar, með
kirkjuþingi, biskupi Íslands og
dóms- og kirkjumálaráðherra.
Undir kirkjuráð heyra kirkju-
staðir og ýmsar stofnanir
kirkjunnar, auk þess sem ráðið
tekur þátt í samstarfi við embætti
biskups Íslands og fleiri aðila og
veitir fé til margvíslegra verkefna
á sviði kirkjumála.
heimild: kirkjan.is
Síðasti kirkjuráðs-
fundur ársins
verður á þriðjudaginn og ég
lofa að eftir hann skuli ég
sinna þér.
Oddur Einarsson, framkvæmdastjóri
kirkjuráðs, í tölvupósti 8. desember
Leitað er eftir dagforeldrum til starfa í Reykjavík.
Nánari upplýsingar fást hjá daggæsluráðgjöfum í
þjónustumiðstöðvum borgarinnar í síma 411 1111.
Réttindanámskeið fyrir verðandi dagforeldra verður haldið
hjá Námsflokkum Hafnarfjarðar 10. mars — 11. apríl n.k.
Nánari upplýsingar í síma 664-5510/ 585-5860.
Reykjavíkurborg niðurgreiðir hluta af námsgjaldi.
Til að stuðla að nýliðun meðal dagforeldra áformar Reykjavíkurborg að auka framboð á
leiguhúsnæði fyrir starfsemi þar sem tveir dagforeldrar vinna saman.
Viltu vinna með börnum?
stjórnmál „Ekki er búið að skipa
nefndina en annars vegar verða
þetta fulltrúar ráðuneyta og hins
vegar aðilar sem þekkja vel til
málefna tjáningarfrelsis og upp­
lýsingarfrelsis,“ segir Katrín Jakobs­
dóttir forsætisráðherra í samtali við
Fréttablaðið en hún greindi frá því
á ríkisstjórnarfundi í gær að skipuð
yrði sjö manna nefnd vegna endur­
bóta löggjafar á sviði tjáningar­, fjöl­
miðla­ og upplýsingafrelsis.
Hún segir verkefnið tvískipt.
Leitast verði við að halda áfram með
vinnu sem hófst árið 2010 um að
fara yfir löggjöf á sviði upplýsinga­
mála og tjáningarfrelsis. Þá verði
farið yfir gildandi upplýsingalög
í ljósi þróunar á alþjóðavettvangi
og það metið hvort þörf sé á breyt­
ingum. – dfb
Ný nefnd fer yfir
upplýsingalögin
nýsköpun Hafnarstjórn Hafnar­
fjarðar mun ekki ráðstafa lóð sem
sprotafyrirtækið Spretta hefur óskað
eftir við Strandgötu 86, undir gáma­
þorp fyrir ræktun spretta (e. micro­
greens) og salats, fyrr en frekari
ákvörðun liggur fyrir um framtíðar­
skipan á svæðinu. Telur stjórnin að
um áhugavert verkefni sé að ræða
en bendir á að samkeppni standi nú
yfir um skipulag Flensborgarhafnar/
Óseyrarsvæðisins.
Fréttablaðið greindi um miðjan
nóvember frá bréfi forsvarsmanna
Sprettu, þeirra Stefáns Karls Stefáns­
sonar leikara og Soffíu Steingríms­
dóttur, til bæjaryfirvalda þar sem
þau óskuðu eftir samstarfi vegna
tímabundins tilraunaverkefnis. – hg
Bíða með lóðina
sem Spretta vill
Sjö manna nefnd mun
endurskoða upplýsingalög-
gjöfina.
Stefán Karl
Stefánsson
3 . f e b r ú a r 2 0 1 8 l a u G a r D a G u r10 f r é t t i r ∙ f r é t t a b l a ð i ð
0
3
-0
2
-2
0
1
8

0
4
:3
2
F
B
1
1
2
s
_
P
1
0
6
K
.p
1
.p
d
f
F
B
1
1
2
s
_
P
1
0
3
K
.p
1
.p
d
f
F
B
1
1
2
s
_
P
0
0
7
K
.p
1
.p
d
f
F
B
1
1
2
s
_
P
0
1
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
E
E
4
-B
F
2
8
1
E
E
4
-B
D
E
C
1
E
E
4
-B
C
B
0
1
E
E
4
-B
B
7
4
2
7
5
X
4
0
0
.0
0
1
7
A

F
B
1
1
2
s
_
2
_
2
_
2
0
1
8
C
M
Y
K