Myndmál - 01.07.1983, Síða 10
SKB.ABOÐ n SÖNDRU
Þessa dagana standa yfir
tökur á kvikmyndinni Skila-
boð til Söndru eftir skáldsögu
Jökuls Jakobssonar. Leikstjóri
er Kristín Pálsdóttir, sem leik-
stýrir nú i fyrsta skipti eftir
áralanga reynslu sem upptöku-
stjóri hjá Sjónvarpinu og
framleiðandi er kvikmynda-
félagið Umbi, sem saman-
stendur af Guðnýju Halldórs-
dóttur, Árna Þórarinssyni og
Ragnheiði Harwey auk Krist-
ínar.
Sagan greinir frá rithöfund-
inum Jónasi (Bessi Bjarnason)
sem fer út á land til að skrifa
kvikmyndahandrit um Snorra
Sturluson fyrir ítalskt kvik-
myndafélag. Hann ræður til
sin ráðskonuna Söndru (Ásdís
Thoroddsen) sem reynist
kunna lítið til þeirra starfa.
Hún lifir fyrir daginn í dag og
er sama hvar hún er á morg-
Mynd: Árni Stefán Árnason
un. Eitthvað viðfelldið í fari
Söndru verður þó til þess að
Jónas lætur hana halda áfram
en það er þó ekki fyrr en hún
hverfur úr lífi hans að hann
gerir sér grein fyrir hversu
mikil áhrif hún hefur haft á
hann.
Það er hægt að segja það
um starfslið og leikara í Skila-
boð til Söndru, að varla sé
þverfótað fyrir úrvalsmann-
skap. í öðrum hlutverkum
myndarinnar eru m.a. Rósa
Ingólfsdóttir sem leikur eigin-
konu Jónasar en er mestanpart
myndarinnar stödd erlendis í
leit að sjálfri sér, Bryndís
Schram sem leikur vinkonu
Jónasar, Jón Laxdal í hlut-
verki kvikmyndaleikstjórans
Peter Dunhill en Jón var feng-
inn sérstaklega frá Sviss, þar
sem hann býr, til að leika í
myndinni, Benedikt Árnason
sem leikur vin rithöfundarins,
Bubbi Morthens, Þorlákur
Kristinsson og Björn Björns-
son, kunningjar Söndru sem
heimsækja hana í sumarbú-
staðinn og Andrés Sigurvins-
son er danskur hommi, sömu-
leiðis kunningi Söndru.
Guðný Halldórsdóttir er
handritshöfundur og fram-
kvæmdastjóri, Árni Þórarins-
son er upptökustjóri, kvik-
myndatökumaður er Einar
Bjarnason og honum til að-
stoðar er Aiex De Waal,
hljóðmaður er Böðvar Guð-
mundsson með Martin Couche
sem aðstoðarmann, Ragnheið-
ur Harwey sér um förðun og
búninga, Hákon Oddsson sér
um leikmynd með góðri hjálp
Freys Þormóðssonar og Elín
Þóra Friðfinnsdóttir er skrifta.
Áætlað er að tökum ljúki í
lok þessa mánaðar en þær
fara fram í Reykjavík, Mos-
fellssveit og einnig í Grikk-
landi. Stefnt er að frumsýn-
ingu í lok ársins.
Hvað er að ske? Eins cg siá má yst til hægri virðist leikstjórinn ekki
átta sig alveg á ástandinu ...
10 MYNDMÁL Einar Biarnason kvikmyndatökumaður, Árni
Þórarinsson upptökustjóri og Kristin Páls■
dóttir leikstjóri bera saman bækur...
Kristin leikstjóri undirbýr Elías Mar undir\næstu\ töku.
Sandra Skoðar
sumarbústaðinn,
Jónasskoðar
Söndru.
Mynd; Árni Stefán Árnason