Myndmál - 01.07.1983, Blaðsíða 27

GETCRAZY
Ýmislegt bitastætt er fram-
undan hjá Bíóhöllinni. Má þar
nefna kvikmyndina Get Crazy
með Malcolm McDowelI og
Allen Goorwitz í höfuðrullun-
um og einnig kemur Anna
Björnsdóttir fram í aukahlut-
verki, sem vinkona rokkstjörn-
unnar Reggie Wanker (McDo-
well).
Get Crazy (Flip Out öðru
nafni) gerist á nýárskvöldi í
Los Angeles árið 1983. Myndin
greinir frá Max Wolfe (Goor-
witz) eiganda Saturn-leikhúss-
ins og þeim fyrirætlunum hans
að halda stærsta rokkkonsert
sögunnar. Nokkur ljón eru þó í
veginum, hann er þjakaður af
magasári sem mun reynast
honum afdrifaríkt, sé eitthvað
að marka lækni hans, frændi
hans reynir að svíkja hann
í hendur helsta keppinautarins,
bandóður brunaliðsstjóri
sprautar eldvarnarfroðu yfir
áhorfendur, hans hægri hönd
er ástfanginn upp fyrir haus og
hættulegasti óvinur hans sækist
eftir lífi hans og ætlar að
sprengja leikhúsið í loft upp.
Þetta eru þó allt smámunir
miðað við vandræðin með
flytjendurna sjálfa sem er ærið
mislitur hópur. Þar má nefna
King Blues, faðir blúsins, Nödu
og kvenna-pönkhljómsveit
hennar, Reggie Wanker, breska
súperpoppstjörnu, sem er svo
upptekinn af sjálfum sér að
hann myndi kyssa sínar eigin
varir ef hann gæti, Captain
Cloud sem er leiðtogi hippa-
hljómsveitar sem staðhæfir að
árið sé 1969 og Auden, hið dul-
ræna skáld, sem haft hefur
ómæld áhrif á kynslóðir rokk-
aðdáenda en hefur ekki
minnstu hugmynd um það sem
hann er að tala um.
tVÖlF/A
\pOSTPRODUCnON
FBANCIS F.OKP COPPOLA
S-EMntott's
classte nopelabottlyoutb.
THE OUTSIDERS
Það skeði í Bandaríkjunum á
miðjum sjöunda áratugnum að
skólapiltur var barinn niður á
leiðinni heim til sín. Barsmíð-
arnar voru framdar að ástæðu-
lausu og slík telst raunar varla
til tíðinda í Bandaríkjunum, þar
sem slíkir atburðir eru nær dag-
legt brauð. En þessi skólapiltur
átti vinkonu sem hét Susie
Hinton. Og umrætt atvik varð
til þess að hún skrifaði bókina
The Outsiders sem fjallaði um
unglinga á glapstigum, eins og
það er kallað. Þessi bók varð
geysivinsæl á sínum tíma og nú
hefur hinn þekkti leikstjóri
Francis Ford Coppola filmað
þessa sögu, sem væntanleg er i
Bíóhöllina innan tíðar. í aðal-
hlutverkunum eru Matt Dillon
(Little Darlings) C. Thomas
Howell, Ralph Macchio o. fl.
CLASS OF 1984
Class of 1984 nefnist harð-
svíruð klíkumynd sem birtast
mun bráðlega á tjöldum Bíó-
hallarinnar. Leikstjóri er Mark
Lester og aðalhlutverkin leika
Perry King, Merrie Lynn Ross
og Timothy Van Patten.
Það er árið 1984. Andy
Norris (King) er að hefja störf
sem tónlistarkennari við Abra-
ham Lincoln-menntaskólann.
Hann undrast þegar hann sér
einn kennarann bera byssu til
sjálfsvarnar. Og hann skilur
ekki af hverju nemendur þurfa
að ganga gegnum málmleitar-
tæki áður en þeir komast inní
skólann.
Peter Stegman (Van Patten)
er fyrir klíku sem samanstendur
af þremur piltum og einni
stúlku. Norris aðvarar vörðinn
þegar hann sér Stegman beina
rakhníf að einum félaga sinum.
Honum er sagt að taka þessu
með jafnaðargeði en Stegman
hugsar þessum nýja kennara
þegjandi þörfina og horfir á
hann hatursfullum augum . . .
Þessi framtíðarsýn Mark
Lester er nokkuð ógnvekjandi.
En hversu mikil framtíðarsýn
er hún í raun og veru. Lester
segir frá: „Ég fékk hugmyndina
að gera þessa mynd þegar ég
heimsótti gamla skólann minn
sem ég útskrifaðist frá árið
1964. Þegar ég var þar þá höfð-
um við málfundafélag en slíkt er
ekki fyrir hendi nú. Við áttum
einnig að klæðast sérstökum
fötum. Ég sá krakka á göngun-
um sem voru ekki einu sinni í
bolum. Þegar ég kannaði málin
kom í ljós að á síðasta ári var
ráðist á fólk í 287.000 skipti í
menntaskólum. í Boston þurfa
krakkarnir að ganga í gegnum
málmleitartæki og í Florida
hafa þeir innanhússsjónvarps-
kerfi. Blackboard Jungle var
sæla samanborið við þetta“.
TIME IS ON
OUR SIDE
Regnboginn mun sýna innan
tíðar mynd sem unnendur góðr-
ar rokktónlistar láta vart fram-
hjá sér fara. Þetta er heimildar-
kvikmynd Hal Ashby um
hljómleikaför Rolling Stones
um Ameríku árið 1981, Time is
on our side, sannarlega orð að
sönnu um þessa síungu öld-
unga.
' BEASTMASTER
The Beastmaster kaTlast
mynd sem gerist á tímum seið-
skratta og dulúðar. Aðalper-
sónan Dar er stríðshetja, sem
hefur sér til aðstoðar hvasseyg-
an örn sem sér hvað sem er og
jafnvel fleira og ennfremur
voldugt pardursdýr sem réttir
honum hjálpandi hönd í bar-
dögum við nornaseiði og ill öfl.
Það má segja að honum veiti
ekki af öllu fáanlegu liðsinni því
elskunni hans er haldið fanginni
af voldugum ,,svarthöfðum“
sem sigrast verður á.
Gera má ráð fyrir að allt fari
vel að lokum en þessi bráð-
hressa ævintýramynd verður
sýnd í Regnboganum bráðlega.
THE JUNKMAN
Einnig eru að hefjast sýning-
ar á bílahasarmyndinni The
Junkman frá H.B.Halicki,
þeim sama og gerði á sínum
tíma Gone in 60 seconds. Hér
ku bíladellukarlar og kerlingar
fá eitthvað við sitt hæfi, því
„stuntatriðin“ eru að sögn hin
stórkostlegustu. Þar á meðal er
bíll sem svífur yfir flugvél (á
flugi) og þarna má finna hvorki
meira né minna en 20 sprenging-
ar á bílum, trukkum, flugvélum
og húsi.
MYNDMÁL 27