Myndmál - 01.07.1983, Blaðsíða 26

SAMNORRÆN KVIKMYNDA
HÁTÍÐ ÁHUGAMANNA í
REYKJAVÍK DAGANA 21.-24.
JÚLÍ
Á 5 ára afmæli S.A.K.
Frá 30. september 1978 hafa
verið uppi Samtök Áhuga-
manna um Kvikmyndagerð
(SÁK) sem hafa það að mark-
miði sínu að efla kvikmynda-
gerð áhugamanna á íslandi.
Innan vébanda þessara sam-
taka hafa starfað u.þ.b. 100
meðlimir sem aðallega vinna á
8 mm filmu. SÁK heldur í
febrúar ár hvert kvikmynda-
hátíð þar sem félagsmenn og
aðrir sýna afrakstur blóðsins,
svitans og táranna undangeng-
ið misserið. Einnig hafa sam-
tökin gengist fyrir námskeið-
um í hinum ýmsustu þáttum
kvikmyndagerðar með at-
vinnumenn sem leiðbeinendur
og farið hefur verið í heim-
sóknir í upptökusali kvik-
myndagerðarmanna til fróð-
leiks og ánægju. Fréttabréf
Samtakanna hefur einnig
komið reglulega út og miðlað
leiðbeiningum, tækjakynning-
um o.fl. til félagsmanna.
SÁK á aðild að Nordens
Film og Videoamatörer, sam-
eiginlegum samtökum allra
Norðurlandanna og hefur sent
myndir á hátíðir þessara sam-
taka. Ekki þurfum við islend-
ingar að skammast okkar
mjög fyrir frammistöðuna
gagnvart frændum okkar eins
og sjá má á meðfylgjandi lista
yfir verðlaunamyndir.
Og nú, þegar líða fer að
fimm ára afmæli SÁK er kom-
ið að íslandi að halda þessa
samnorrænu hátíð. Hún fer
fram í Álftamýrarskóla dag-
ana 21.—24. júli n.k. Dag-
skráin er byggð upp þannig að
á laugardeginum 22. og sunnu-
deginum 23. verða sýndar
þátttökukvikmyndir og þær
dæmdar af norrænni dóm-
nefnd. Valin verður besta
kvikmyndin í hverjum flokki
(16 ára og yngri, 17—24 ára
og 25 ára og eldri), einnig fá
löndin stig eftir gæðum kvik-
myndanna og það land sem
fær flest stig er valið besta
kvikmyndalandið. Á laugar-
dagskvöldið verður haldin
samkoma þar sem verðlaunin
verða afhent. Á sunnudegin-
um fer svo þing NFV fr&m.
Það skal tekið fram að þátt-
tökurétt í mótinu eiga allir
áhugamenn um kvikmynda-
gerð, óháð því hvort þeir séu
félagar í SAK eða ekki. Menn
þurfa aðeins að tilkynna þátt-
töku til Sveins Andra Sveins-
sonar í síma 3 11 64. Komið
það til að þátttaka verði svo
mikil að samanlagður sýning-
artimi myndanna fari yfir 75
mínútur verður SÁK að velja
úr bestu myndirnar. Senda má
inn myndir á 16 mm og 8 mm
filmu auk þess sem leyfilegt er
að nota video.
Aðgangur að hátíðinni er
frjáls öllum sem áhuga hafa
og hvetja SÁK menn alla kvik-
myndaáhugamenn til að koma
og kíkja á það besta sem gert
hefur verið á Norðurlöndun-
um síðastliðið ár.
SÁK hyggjast ennfremur
standa fyrir Þórsmerkurferð
dagana 25.—28. júlí þar sem
dagurinn færi í kvikmynda-
leiðangra og á kvöldin væru
fyrirlestrar, rabbfundir og
myndasýningar. Norræni
Menningarsjóðurinn niður-
greiðir ferðakostnað þannig að
ferðin verður mjög ódýr, ca.
900 kr. alls fyrir ferðir og gist-
ingu. Sem fyrr er öllum heimil
þátttaka í þessari ferð.
En hér á eftir fer listi yfir
verðlaunamyndir á kvik-
myndahátíðum SÁK frá upp-
hafi og einnig yfir íslenskar
verðlaunamyndir á norrænu
hátíðinni.
1979:
Yngri flokkur:
„Austurstræti“ eftir Bjarna
Einarsson.
Eldri flokkur:
,,Listaverk“ eftir Kristberg
Óskarsson.
NFV-hátíðin:
„Listaverk“ hlaut brons í
flokki 17—24 ára.
1980:
Yngri flokkur:
„Fyrsta ástin“ eftir Helga Má
Jónsson, Ásgrim Sverrisson og
Hall Helgason.
Eldri flokkur:
„Torfubruninn" eftir Krist-
berg Öskarsson.
NFV-hátíðin:
„Dimmur hlátur“ eftir
Benedikt Stefánsson hlaut
brons í flokki 16 ára og yngri.
1981:
Ýngri flokkur:
„Voðaskot“ eftir Helga Má
Jónsson, Gunnar Richardsson
og Lárus Vilhjálmsson.
Eldri flokkur:
Engin verðlaun.
NFV-hátíðin:
„Sætbeiska sextánda árið“
eftir Davíð Þór Jónsson o.fl.
hlaut gull í flokki 16 ára og
yngri.
„Haustdagar" eftir Gunnar
Sigurðsson og Guðmund
????????son hlaut viðurkenn-
ingu í flokki 17—24 ára.
1982:
Yngri flokkur:
„Óskabarn,, eftir Ásgrím
Sverrisson, Hall Helgason og
Helga Má Jónsson.
Eldri flokkur:
„Smiðurinn“ eftir Karl
Jeppesen o.fl.
NFV-hátíðin:
„Barðinn" (höf. óþekktur)
hlaut silfur og var valin besta
myndin i flokki 16 ára og
yngri.
„Oskabarn“ hlaut brons í
flokki 17—24 ára og „Smiður-
inn“ hlaut viðurkenningu í
flokki 25 ára og eldri.
1983:
Yngri flokkur:
„Morgundagurinn“ eftir
Hjört Sverrisson og Svavar
Þorsteinsson.
Eldri flokkur:
„Félagsstarf aldraðra i Kópa-
vogi“ eftir Martein Sigurgeirs-
son.
26 MYNDMÁL