Dagblaðið Vísir - DV - 09.03.2018, Blaðsíða 14

14 9. mars 2018fréttir
Bjóst ekki við
skítkasti fyrir
að fella tár
n Eurovision-farinn á leið til Litháen
n Álit annarra skiptir ekki máli
A
ri Ólafsson kom eins og
þruma úr heiðskíru lofti
inn í meðvitund Íslendinga
eftir sigur í undankeppni
Eurovision með lagið Our Choice.
DV náði tali af Ara sem er á leið til
Kaunas í Litháen þar sem hann
mun stíga á svið á sunnudaginn.
Ari er 19 ára leikari úr Vesturbæn-
um, hefur leikið og sungið í tíu ár,
og veit alveg hvað hann ætlar að
gera í lífinu.
Ómetanlegt tækifæri
„Ég er ekki í neinum vafa, það er
alveg skothelt hvað ég ætla að gera
í framtíðinni. Ég ætlaði alltaf að
verða uppistandandi, svo var það
var draumur að fara til Hollywood,
en ég held að ég stefni frekar á
Broadway í New York eða West
End í London. Mig langar afar
mikið að leika í söngleikjum og að
halda áfram að búa til tónlist.“
Það náðist mynd af Ara þegar
hann stóð stjarfur á sviðinu og
trúði hreinlega ekki að hann væri
á leið til Lissabon til að keppa fyrir
Íslands hönd. „Það var margt fólk
sem sá þetta, ég trúði ekki að ég
myndi vinna. Nú er ég bara ótrú-
lega þakklátur og vakna brosandi
á hverjum degi, núna þegar ég er
á leið til Litháen er ég að ná því
almennilega að ég sé að fara að
syngja fyrir framan mörg hundruð
milljónir. Þetta er ómetanlegt
tækifæri.“
Alveg sama um álit annarra
Netverjar fóru hamförum vegna
þess að Ari grét í beinni útsendingu
og var honum meðal annars líkt
við Ingu Sæland, formann Flokks
fólksins, sem grét í sjónvarpssal
fyrir síðustu alþingiskosningar. Ari
segir að hann hafi ekki séð neinar
neikvæðar athugasemdir. „ Maður
má alveg búast við þessu, mér er
alveg sama hvað fólk segir. Ég veit
að flestir vita að það er í lagi að
sýna tilfinningarnar sínar og leyfa
sér að vera hamingjusamur.“
Ari segist vera orðinn vanur
því að fá háðsglósur og neikvæðar
athugasemdir. „Þegar ég var ungur
í söngleikjum þá voru litlir krakk-
ar afbrýðisamir og sögðu eitthvað
særandi. Ég bjóst alveg við þessu,
ekki reyndar með grátinn, frekar
að fólk myndi segja að ég ætti ekki
að komast áfram eða eitthvað á þá
leið. Hvað á ég að gera? Eina sem
ég get gert er bara að brosa,“ segir
Ari og hlær. n
Ari Brynjólfsson
ari@dv.is
Ari Brynjólfsson
ari@dv.is
Segir hugmyndir
Sjálfstæðisflokksins
í borginni óraunsæjar
n Pawel Bartoszek ræðir borgarmálin
á Snapchat n Fór með DV upp í Árbæ
P
awel Bartoszek ætlar sér
að verða borgarfulltrúi
fyrir Viðreisn. Pawel var
þingmaður Viðreisnar
en datt út af þingi í síðustu al-
þingiskosningum, síðan þá hef-
ur hann eytt tímanum í að kynna
sér Reykjavíkurborg og hefur síð-
ustu vikur farið á milli staða í
borginni og rætt málefni borg-
arinnar á Snapchat. DV fékk að
fylgja Pawel upp í Árbæ þar sem
hann var að snappa í Rofabæ og
fyrir utan leikskólann Árborg. „Ég
er ekki viss hvað ég er með marga
fylgjendur á Snapchat, það eru
rúmlega þúsund manns, stund-
um eru það tvö þúsund manns
sem horfa á myndböndin,“ segir
Pawel.
„Ég fékk bók um Reykjavík í
jólagjöf, þar var grein eftir Reyni
Vilhjálmsson sem hannaði þetta
hverfi, Árbæ. Það er skemmtilegt
að sjá pælingarnar að baki. Hérna
fyrir neðan var byggð fyrir þegar
hverfið byggðist upp á sjötta ára-
tugnum, lágreist byggð. Hérna
norðanmegin við Rofabæinn er
háreistari byggð, lengra í burtu er
verslun og svo iðnaður. Þeir sem
hafa spilað Sim City-tölvuleikina
kannast vel við þetta.“
Það er kalt úti þennan fimmtu-
dag og Pawel gengur rösklega
áfram. „Það er gaman fyrir okkur
miðbæjarrotturnar að sjá hjart-
að og sálina sem lögð var í hverfi
eins og þetta. Þegar verið var að
byggja upp hérna þá var vinstri
umferð, það sem margir vita ekki
er að þá var Rofabærinn gamli
Suðurlandsvegurinn, hérna
keyrði fólk á leið til Selfoss. Eins
og allir vita er búið að koma fyrir
sjö hundruð þúsund hraðahindr-
unum hérna en fólk vill keyra
þessa leið því þetta er vingjarnleg
akstursleið.“
Það heyrist á Pawel að hann
vill 1. eða 2. sætið á lista Við-
reisnar, búast má við
niðurstöðum uppstill-
ingarnefndar flokksins
á næstu vikum og enn
óvíst hvort Pawel verði
yfirleitt á listanum.
„Uppstillingarnefndin
er á fullu að setja
saman sigurlista,“
segir Pawel og hlær.
„Að öðru leyti verð
ég að segja: „No
comment.“
Leiðin liggur í
átt að leikskólan-
um Árborg alveg
við Elliðaá. Pawel
byrjaði að fjalla
um þéttingarreiti í
borginni á Snapchat
en hefur að undan-
förnu verið að taka
myndbönd fyrir
utan leikskóla.
Það er búið að
tala um það í Face-
book-hópum að það sé dularfull-
ur maður að taka myndir fyrir
utan leikskóla, hvað segir þú við
því?
Pawel hlær. „Þú kynnist ekkert
borgarlandinu með því að fletta
heimasíðu Reykjavíkurborgar
og sumt af því sem maður er að
skoða verður maður að fá til-
finningu fyrir með því að mæta á
staðinn. Það er líka gott að kíkja
inn í skólana til að kynnast starf-
inu, ég hef gert töluvert af því,
sérstaklega á Stakkaborg þar sem
sonur minn er á leikskóla. En ég
geri mér grein fyrir því að þetta
er ekki áhugamál meirihlutans,“
segir Pawel. Hann tekur fram að
hann taki aldrei myndir af krökk-
unum, enda eigi þau ekki heima í
stjórnmálabaráttu.
Varðandi hugmyndir Sjálf-
stæðisflokksins um þrjú ný hverfi
segir Pawel þær óraunsæjar. „Til
lengdar þá finnst mér allar hug-
myndir um að breyta iðnaðar-
svæðum í íbúðabyggð góðra
gjalda verðar en ég held að því
miður, miðað við áherslur Sjálf-
stæðisflokksins, þá séu allar þess-
ar óraunhæfu hugmyndir ekki
það sem verði að veruleika held-
ur að menn drífi sig í að byggja
mjög mikið af úthverfum, mjög
hratt því það er einfaldast. Þá
þenst borgin út og það hugnast
mér ekki.“
Má segja það að þú og Viðreisn
vilji höfða til þeirra sem styðja
skipulagshugmyndir vinstri-
flokkanna en vilja minnka yfir-
byggingu og fjárútlát?
„Ég myndi ekki stilla þessu
þannig upp. Hugmyndir mínar í
skipulagsmálum hafa verið inni
á þeirri línu sem er nú í borginni,
hluti Sjálfstæðisflokksins var þar
líka en hann er búinn að losa sig
við þann hluta flokksins. Borgin
þarf að byggjast upp með því að
þétta byggð og bjóða upp á öfl-
ugar almenningssamgöngur. Á
sama tíma þarf að halda vel utan
um fjármál borgarinnar, sú hít er
ekkert botnlaus, að mörgu leyti
hefur núverandi meirihluti farið
full bratt í að seilast í vasa skatt-
greiðenda.“ n
Mynd SkjáSkot Af fAceBook.
Pawel Bartoszek
Varaþingmaður
Viðreisnar. Mynd Ari
Myndir MuMMi Lú