Dagblaðið Vísir - DV - 09.03.2018, Blaðsíða 60
60 9. mars 2018
Í
slenskar fjölskyldur geta verið
flóknar. Á heimsvísu erum við
með hæsta hlutfall barna sem
fæðast utan hjónabands en
hér er að sama skapi almennt já-
kvæðara viðhorf til einstæðra for-
eldra og hjónaskilnaða. Ein af-
leiðing þessa er fjöldi samsettra
fjölskyldna, en lengi hefur sú
hugmynd verið við lýði að af-
brýðisemi, samskiptaleysi og al-
menn vandræði fylgi óhjákvæmi-
lega þannig fjölskyldum. En það er
svo sannarlega ekki alltaf þannig.
Vinna Vel saman
Jórunn Steinsson er í sambandi
við Böðvar Rafn Reynisson en
hann átti fyrir dótturina Emilíu
með Önnu Dögg Emilsdóttur
og soninn Eyþór með Elísabetu
Einarsdóttur. Þau eru skemmtilegt
dæmi um það þegar samsett fjöl-
skylda vinnur vel saman með það
allra mikilvægasta að leiðarljósi,
velfarnað og hamingju barnanna.
Í dag eru þær allar þrjár góðar vin-
konur.
„Ég var bara 21 árs gömul og
vissi í raun ekkert hvað ég var að
fara út í. Það sem bjargaði mér
alveg til að byrja með var Anna
Dögg og að sjálfsögðu krakkarnir
og Böddi. Þau tóku mér strax eins
og einni af fjölskyldunni og það
sama má segja um foreldra Önnu
Daggar. Ég var fljót að aðlagast
miðað við aðstæður, nýskriðin yfir
tvítugt. Aðeins síðar kynntumst
við Lísa, mamma Eyþórs, og við
tölum saman nánast á hverjum
degi, um börnin eða um eitthvað
allt annað,“ segir Jórunn.
Vissi að henni Væri
treystandi
Jórunn kynntist Bödda fyrir átta
árum en þá var Eyþór að verða í
tveggja ára og Emilía var fjögurra
ára. Jórunn var ung en tók hug-
myndinni um móðurhlutverkið
opnum örmum og var staðráðin í
að gera sitt besta.
„Ég man nákvæmlega hvenær
ég vissi að Jórunni var alvara með
nýja móðurhlutverkið. Það var
þegar ég var að vafra á Facebook
og sá hana bjóða í falleg barnaföt
á sölusíðu. Þá vissi ég að þessari
ungu konu var treystandi fyrir
barninu mínu og hún ætlaði sér
greinilega að hugsa vel um börn-
in,“ rifjar Anna upp og Jórunni eru
augljóslega skemmt yfir þessari
minningu.
Í heildina eiga þær þrjár, eða
„sammæðurnar“ eins þær kalla
sig, alls átta börn. Sameiginlegt
forræði er í tilvikum Eyþórs og
Emilíu. Emilía býr núna hjá Jór-
unni og Bödda því Anna Dögg býr
í Noregi. Hún fer þó reglulega út
til mömmu sinnar og Anna kemur
líka oft til landsins. Eyþór er nokk-
uð jafnt hjá Jórunni og Bödda og
svo Lísu.
„Hún elur Eyþór upp jafn mikið
og ég og við ræðum reglulega
saman um uppeldið. Dóttir mín,
systir Eyþórs, er þriggja ára og er
komin í sína aðra lyfjameðferð.
Alltaf hefur Jórunn verið til stað-
ar og ég get leitað til hennar eftir
ráðum. Þetta gengur allt eins og í
sögu og við erum þrjár frábærar
saman,“ segir Lísa.
Áður en Jórunn kom inn í líf
Bödda kynntust Lísa og Anna
Dögg, Emilía var tveggja ára göm-
ul þegar Eyþór fæddist.
„Ég dýrkaði Önnu Dögg strax.
Hún er ofboðslega hress og glað-
lynd svo erfitt er að líka ekki við
þessa hjartahlýju konu. Við erum
þrjár að ala upp þessi börn ásamt
okkur Bödda og okkar mökum.
Jórunn kom inn í líf Eyþórs þegar
hann var bara eins árs gamall. Fyrst
var ég efins og sá bara eitthvert of-
urmódel og hugsaði að hún myndi
gefast upp strax. En hún fór ekki fet,
hún er ekki bara stjúpmóðir, hún er
sammóðir,“ segir Lísa.
stjúp-orðið stingur
Sammæður er orð sem þær hafa
tileinkað sér og nota mikið. Orðið
virðist passa vel við samheldni og
afstöðu þeirra allra.
„Já, þær byrjuðu á því einhvern
tímann. Eða Lísa held ég, ég dýrk-
aði það strax. Stjúp-orðið hefur
alltaf stungið mig smá. Sennilega
„vonda stjúpan“-tengingin, finnst
það vera einhvers konar aftenging
við barnið,“ segir Jórunn.
Eins og áður kom fram áttu Jór-
unn og Anna Dögg í samskiptum
frá upphafi og hún tók henni strax
sem sammóður, lét henni líða
eins og hún gæti þetta og myndi
ekki sjá eftir þessu stóra skrefi. Í
raun umbylti þetta algjörlega lífs-
stefnu Jórunnar sem var ekki viss
á þeim tíma hvort hana langaði yf-
irleitt að eignast börn.
„Það er langt síðan farið var að
pressa á mig og Bödda að bæta
við í barnaskarann. Fólk gengur
svo langt að segja að ég sé bara
hreint ekkert móðir fyrr en ég
hef komið einu stykki út úr sjálfri
mér persónulega og það var sagt
við mig síðast bara í janúar,“ seg-
ir Jórunn. „Sumir virðast telja sig
þurfa að sannfæra mig um það að
ást manns á manns „eigin“ barni
sé alltaf meiri, en ég er hreinlega
ósammála. Upphaflega planið
mitt var aldrei að eignast börn, en
lífið valdi annað og ég hef ekki fyrir
mitt litla líf séð eftir því eða hugsað
þetta öðruvísi,“ bætir hún svo við.
Jórunn nefnir að Böddi eigi líka
mikinn þátt í hve tengslin eru góð.
„Já, maður reynir alveg að
treysta barnsföður sínum að velja
vel. Og það eina sem ég vissi um
Jórunni á þessum tímapunkti var
að mér fannst hún svakalega sæt!“
segir Anna Dögg og hlær. „En svo
kom traustið, síðan þá hef ég sagt
Bödda að ef hann heldur ekki vel í
hana þessa sé mér að mæta,“ bæt-
ir hún við, enn þá kímin.
Hvað með allar ömmurnar og
afana?
„Öll tuttugu?“ hlær Jórunn.
„Það taka allir hlutverk sitt alvar-
lega. Mamma mín blómstrar al-
veg hreint. Hún skammar mig
þegar hún fær ekki allar upplýs-
ingar um öll börnin og tækifæri til
að taka þátt í öllu, voða sætt,“ segir
Jórunn.
„Uppeldisaðferðir eru ólíkar
og virðing fyrir öllum fjölskyldu-
einingum er mikilvæg. Þannig
forðumst við árekstra best,“ bætir
Anna við að lokum.
„Hún er ekki bara stjúp-
móðir. Hún er sammóðir“
Flókin fjölskyldumynstur á Íslandi Vinna vel saman með hagsmuni barnanna að leiðarljósi
steingerður sonja Þórisdóttir
steingerdur@dv.is
„Ég man nákvæmlega hvenær ég
vissi að jórunni var alvara með nýja
móðurhlutverkið. Það var þegar ég var að vafra
á Facebook og sá hana bjóða í falleg barnaföt á
sölusíðu. Þá vissi ég að þessari ungu konu var
treystandi fyrir barninu mínu og hún ætlaði sér
greinilega að hugsa vel um börnin.