Dagblaðið Vísir - DV - 09.03.2018, Blaðsíða 19

9. mars 2018 fréttir 19
fyrir hversu mikið inngrip þetta
væri. Ég elska mat, meira en allt.
Að fara úr því að borða eins og ég
borðaði, yfir í að borða svona eins
til tveggja desilítra máltíðir í senn
er rosalegt áfall fyrir matarfíkill-
inn minn,“ segir Valgeir.
„Eftir aðgerðina var ég mjög
fúll. Sérstaklega á annarri viku
eftir aðgerðina. Þá var ég byrj-
aður að borða maukaðan mat og
hugsaði: hvað var ég eiginlega að
hugsa með að fara í aðgerðina. En
ástæðan fyrir því að ég gerði þetta
var sú að ekkert annað virkaði
fyrir mig. Ég var búinn að prófa
alls konar matarkúra og ólöglegar
leiðir til að grennast.“
Varstu búinn að kynna þér
hvaða áhætta fylgdi aðgerðinni
áður en þú fórst í hana?
„Nei, ef ég á að segja alveg eins
og er. Ég gerði það eftir á. Ég fór
að skoða YouTube-myndbönd
og slíkt. Eitt sem ég tek eftir er að
mér er eiginlega alltaf kalt núna.
Það er aukaverkun af þessu. Mér
var aldrei kalt áður fyrr. En mér er
kalt því eins og er, þjáist ég af hálf-
gerðum næringarskorti og svo í
þokkabót er ég að missa alla fóðr-
unina mína.“
Þyngdarsaga Valgeirs
Valgeir var ætíð þéttur sem barn
að hans sögn. Þegar hann var
sautján ára greindist hann með
sjálfsofnæmissjúkdóm. Eftir það
missti hann alla stjórn á þyngd
sinni. „Ég fékk sjálfsofnæmi í
miltað og þurfti að fara á mikið af
steralyfjum. Ég blés út. Á hálfu ári
fór ég úr því að vera 90 kíló í 140
kíló. Eftir það hef ég alltaf verið
feitur,“ segir Valgeir og bætir við
að hann hafi alltaf átt mjög sér-
stakt og óheilbrigt samband við
mat.
„Alltaf þegar mér leið illa borð-
aði ég, ef mér leið vel borðaði
ég, ef mér leiddist borðaði ég. Ég
gat alltaf borðað. Ég er fíkill í allt
sem er gott og matur veitir mér
vellíðan.“
Hve þungur varstu þegar þú
fórst í aðgerðina og hvað ertu
þungur í dag?
„Ég var 117,8 kíló og er í dag
100,8 kíló. Á sex vikum hef ég
misst sautján kíló. Ég mun halda
áfram að missa kíló og svo hægist
á því. Það er talað um að maður
megi byrja hreyfa sig almennilega
þremur mánuðum eftir aðgerð.
En ég er mjög spenntur að fara í
Brazilian Butt Lift.“
Nýtur hvers bita
Valgeir segir að hann hafi þurft
að læra að borða upp á nýtt. „Það
er ýmislegt sem ég þarf að hafa í
huga núna þegar ég borða. Eins
og að setja hnífapörin niður á milli
bita og tyggja hvern bita almenni-
lega þar til hann verður nánast
að engu. Ég verð að einbeita mér
þegar ég borða. Vegna hversu lít-
inn matarskammt ég get borðað í
senn nýt ég hvers bita mikið betur.
Ég veit að ég fæ aðeins fjóra, fimm
bita í viðbót. Ekki eins og áður, tvo
stútfulla diska,“ segir Valgeir.
„Ég er enn að læra hvað ég get
og get ekki borðað og hversu mik-
ið ég get borðað. Ég þarf að stilla
klukku á símanum mínum því ég
þarf að vera í um 25 mínútur að
borða máltíðina, annars verður
mér flökurt og líður illa. Ég þarf
einnig að passa vel upp á að fá öll
nauðsynleg vítamín, steinefni og
næringarefni,“ segir Valgeir.
Valgeir hefur þurft að gefa
ýmis matvæli upp á bátinn eftir
aðgerðina. „Ég get ekki borðað
brauðmeti, en mér líður eins og
það sé steinn sem er að gera sér
ferð um meltingarveginn þegar
ég borða það. Ég get ekki borð-
að mjólkurvörur því ég fæ ég illt í
magann. Ég byrja morgnana alltaf
á því að fá mér vítamín, ég verð eig-
inlega saddur af öllum vítamínun-
um sem ég tek.“
Hvernig er hefðbundin máltíð
hjá þér í dag?
„Í morgunmat fæ ég mér
laktósafría AB mjólk frá Örnu, sem
er um 150 grömm. Ég er um hálf-
tíma að borða hana. Svo í hádegis-
mat fæ ég mér til dæmis kjúkling,
kúskús, smá grænmeti og sósu.
Svona um eins til tveggja desilítra
máltíð. Ég fæ mér oftast prótein-
stykki í millimál, eða hrökkkex
með lárperu. Kvöldmatur er svip-
aður og hádegismatur, kjúklingur
og sætar kartöflur til dæmis,“ segir
Valgeir og bætir við að þótt hann
borði sjaldan og litla skammta þá
kaupir hann enn í matinn eins og
áður. „Pabbi er mjög sáttur við þá
þróun,“ segir Valgeir og hlær.
Eftirsjáin nánast horfin
Ertu enn þá með eftirsjá?
„Nei, hún er eiginlega horfin. Ég
er mikill matarkarl. En númer eitt,
tvö og þrjú er að ég þarf að vinna í
hausnum á mér. Matur var þannig
lagað ekki vandamálið heldur af
hverju ég borðaði svona mikið,
af hverju ég leitaði svona mikið í
mat, af hverju borðaði ég miklu
meira en manneskjan við hliðina á
mér og af hverju borðaði ég þar til
mér var orðið illt. Ég held að flestir
sem fara í aðgerðina haldi að það
sé nóg að leggjast undir hnífinn og
gera ekkert meira. En það er ekki
þannig. Það er nauðsynlegt að
finna út af hverju matur hafi ver-
ið vandamál og laga vandamálið.
Það er ekki nóg að hætta að borða,
það þarf að vinna í sjálfum sér,“
segir Valgeir.
„Ég er matarfíkill og með smá
lotugræðgi. Ég var að borða óhóf-
lega mikið. Ég hafði tekið tímabil
þar sem ég stóð mig afar vel og
grenntist, en blés alltaf út aftur því
ég hafði enga stjórn á þessu.“
Alvarleg tilvik
Nýlega hefur verið fjallað um konu
sem lést vegna fylgikvilla eftir
magaermiaðgerð og aðra konu
sem er haldið sofandi á Landspít-
alanum. Hvernig líður þér að
heyra um það?
„Sko, þetta ætti að hræða mig
mjög mikið. En það eru meiri lík-
ur á að ekkert gerist, en eitthvað
massíft,“ segir Valgeir.
Heldurðu að þú værir hræddari
ef þú hefðir farið í aðgerðina á Ís-
landi?
„Já. Því úti eru gerðar mikið
ítarlegri rannsóknir á sjúklingum
áður en þeir fara í aðgerðina. Það
var til dæmis ein sem fékk ekki
að fara í aðgerðina. Ég er ekkert á
móti þessum sem gerir aðgerðirn-
ar hér á Íslandi, en ég myndi ekki
treysta honum nálægt mínum lík-
ama. Ég vil frekar fara þar sem
vinnubrögð eru vandaðri, ekkert
illa meint.“
Engin kraftaverkalausn
Aðspurður hvort hann sé í sam-
bandi við Íslendingana sem fóru
í aðgerðina á sama tíma og hann
svarar Valgeir játandi. „Já, við
erum saman í Facebook-hóp. Það
gengur almennt vel hjá öllum.“
Valgeir segist mæla með að-
gerðinni. „Þetta virkar en þetta er
engin kraftaverkalausn. Þetta er
miklu meira en bara aðgerðin. Ég
mæli með að fólk íhugi aðgerðina
vandlega fyrirfram, ekki stökkva á
þetta eins og ég.“ n
Valgeir fór í
magaermiaðgerð í Lettlandi
n Mikil eftirsjá fyrst n Mikilvægt að skilja matarfíknina n Fór ásamt átta öðrum Íslendingum
2 alvarleg tilvik
á stuttum tíma
n Þann 4. janúar síðastliðinn lést
37 ára gömul kona á Landspítalan-
um vegna fylgikvilla eftir að hún
undirgekkst magaminnkunaraðgerð.
Hún fór í aðgerðina hjá einkafyrir-
tækinu Gravitas, sem er í eigu Auðuns
Sigurðssonar læknis, sem framkvæmir
magabands- og magaermiaðgerðir.
n Í lok janúar var kona á sjötugsaldri
lögð inn á Landspítalann vegna fylgi-
kvilla eftir magaermiaðgerð. Henni er
haldið sofandi. Hún fór einnig í aðgerð
hjá Gravitas.
„Það er ekki
nóg að
hætta að borða,
það þarf að vinna
í sjálfum sér.
Eftirsjá „Ég gerði mér
ekki grein fyrir hversu mikið
inngrip þetta væri. Ég elska
mat, meira en allt.“
MyNd Sigtryggur Ari
Skurðir Valgeir eftir aðgerðina. Á myndinni má sjá hvar hann var skorinn upp, en hann var
ekki saumaður saman heldur límdur.
Ekki nóg að fara í aðgerðina
„Það er nauðsynlegt að finna út af
hverju matur hafi verið vandamál og
laga vandamálið.“ MyNd Sigtryggur Ari