Fréttablaðið - 01.05.2018, Side 33

Félag íslenskra hjúkrunarfræðinga setur kjaramálin á oddinn. F.v. Gunn­
ar Helgason, sviðsstjóri kjarasviðs, Guðbjörg Pálsdóttir formaður og Eva
Hjörtína Ólafsdóttir kjararáðgjafi. MYND/EYÞÓRFélag íslenskra hjúkrunar-fræðinga setur í forgang að í kjarasamningum árið 2019
komi fram skýr stefna stjórnvalda
um hvernig taka eigi á mönnunar-
vanda hjúkrunarfræðinga innan
heilbrigðiskerfisins.
„Setja þarf aukna fjármuni í laun
hjúkrunarfræðinga þannig að hægt
sé að hækka launin, bæta starfsum-
hverfið og bæta vinnutímann. Starf
innan heilbrigðiskerfisins þarf að
vera eftirsóknarverðara þannig
að ungt fólk fáist áfram til að læra
hjúkrunarfræði, nýútskrifaðir
hjúkrunarfræðingar ráði sig til
starfa innan heilbrigðiskerfisins,
þeir hjúkrunarfræðingar sem eru
í öðrum störfum sjái hag sinn í að
snúa aftur til starfa í heilbrigðis-
kerfið og gera þarf betur við þá sem
eru þegar í starfi,“ segir Gunnar
Helgason, sviðsstjóri kjarasviðs
Félags íslenskra hjúkrunarfræðinga.
Bæta þarf laun, starfs­
umhverfi og vinnutíma
Verkefni félagsins þegar kemur
að kjarasamningum á næsta ári er
því margslungið en megináherslur
félagsins í þeirri baráttu munu snúa
að því að bæta laun, starfsumhverfi
og vinnutíma, að sögn Gunnars.
„Þegar kemur að launum þarf að
gera heilbrigðisstofnanir sam-
keppnishæfar um starfskrafta
hjúkrunarfræðinga. Hjúkrunar-
fræðingar eru eftirsóttir starfs-
kraftar og eru fjölmargir hjúkrunar-
fræðingar í öðrum störfum. Því
þurfa nýir kjarasamningar félagsins
að taka mið af því að hækka grunn-
laun hjúkrunarfræðinga. Byrjunar-
laun upp á 395 þúsund krónur á
mánuði virðast illa duga til þess að
fá nýútskrifaða hjúkrunarfræðinga
til starfa. Starfsumhverfi hjúkrunar-
fræðinga þarf að laga, huga þarf
að því að setja fram viðmið um
mönnun innan kerfisins þannig
að vinnuálag sé ekki úr hófi. Aukin
tíðni veikinda innan stéttarinnar
sýnir að gera þarf breytingar í
starfsumhverfinu,“ segir Gunnar.
Vinnutíminn er órjúfanlegur
hluti af starfsumhverfinu og þarf að
taka kjarasamninginn til endur-
skoðunar þannig að hann taki í
auknum mæli mið af því að stór
hluti hjúkrunarfræðinga vinnur
vaktavinnu. „Vaktavinna er á
margan hátt ólík hefðbundinni
dagvinnu. Rannsóknir sýna að
langvarandi vaktavinna getur leitt
til ýmiss konar sjúkdóma og stoð-
kerfisvandamála. Lágt starfshlutfall
er einnig hlutur sem verður að mati
Fíh að vera hluti af þeim málum
sem vinna þarf að við kjarasamn-
ingsgerðina. Gera þarf breytingar
á vinnutíma þannig að fólk geti
unnið í hærra starfshlutfalli, skoða
þarf í því sambandi vinnutímann,
greiðslur fyrir vaktavinnu, hlut yfir-
vinnu og þau laun sem verið er að
greiða fyrir hana,“ segir Gunnar.
3.000 starfandi hjúkrunar­
fræðingar
Í heild eru um 3.000 hjúkrunar-
fræðingar í starfi. Stærstur hluti
þeirra vinnur hjá hinu opinbera og
Landspítali er stærsti vinnustaður
hjúkrunarfræðinga með um 1.300
hjúkrunarfræðinga í starfi. Hjúkr-
unarfræðingar eru í að meðaltali
71% starfshlutfalli. „Helstu mögu-
legu skýringar á lágu starfshlutfalli
eru álag vegna vaktavinnu, síbreyti-
legur vinnutími og að starfsum-
hverfi er ábótavant,“ segir Gunnar.
Samkvæmt niðurstöðum Vinnu-
eftirlitsins er helsti ókosturinn við
vaktavinnu talinn vera sá að erfitt
sé að samræma fjölskyldulíf, frítíma
og vaktavinnu.
„Talið er að hærri greiðslur fyrir
vaktaálag og færri vinnustundir að
baki fullu starfi geti hvatt vakta-
vinnufólk til að halda áfram í vakta-
vinnu. Í Evrópu hefur víða verið
tekin upp styttri vinnuvika meðal
hjúkrunarfræðinga sem vinna
vaktavinnu, og er það þekkt t.a.m. í
Noregi, Svíþjóð, Írlandi og Bret-
landi. Hjúkrunarfræðingar vinna
flestir vaktavinnu. Þó er talsverður
hluti stéttarinnar sem vinnur ein-
göngu dagvinnu og þá aðallega á
dag- og göngudeildum,“ greinir
Gunnar frá.
400 hjúkrunarfræðinga
vantar til starfa
Talsvert marga hjúkrunarfræðinga
vantar til starfa á heilbrigðis-
stofnunum og segir Gunnar ýmsar
skýrslur hafa verið skrifaðar um
skort á hjúkrunarfræðingum. „Á
síðasta ári gaf Fíh t.d. út skýrslu um
vinnumarkað hjúkrunarfræðinga
sem sýndi fram á að yfir 400
hjúkrunarfræðinga vanti til starfa
á heilbrigðisstofnunum á Íslandi.
Skýrsla Ríkisendurskoðunar sem
gefin var út í nóvember á síðasta ári
er samhljóða skýrslu félagsins um
skort á hjúkrunarfræðingum. Þrátt
fyrir þessar skýrslur ber ekkert á til-
lögum stjórnvalda um hvernig eigi
að bregðast við vandanum og fjölga
hjúkrunarfræðingum í starfi en
félagið kallar eftir því,“ segir hann
að lokum.
Hjúkrunarfræðingar eru
eftirsóttir starfskraftar
Félag íslenskra
hjúkrunarfræð-
inga kallar eftir
skýrri stefnu
stjórnvalda til
að fá fleiri hjúkr-
unarfræðinga til
starfa innan heil-
brigðiskerfisins.
Það er stefna stjórnar Brúar að safna ekki digrum sjóðum heldur gera vel við félagsmenn
sína svo þeir njóti þess í lífi sínu og
starfi að hafa greitt í félagið,“ segir
Eygló Guðmundsdóttir, skrifstofu-
stjóri hjá Brú – félagi stjórnenda.
Félagið er gamalgróið og sterkt á
velli.
„Við gætum þess vitaskuld að
félagið eigi nóg fé til að standa undir
öllum rekstri, en fésöfnun er ekki
markmið félagsins heldur að félags-
menn njóti frábærra orlofs úrræða,
trausts sjúkrasjóðs og ríkulegs
menntunarsjóðs til fulls.“
Einstök réttindi
Brú – félag stjórnenda verður
hundrað ára á næsta ári.
„Félagið var stofnað 3. mars 1919
og hét upphaflega Verkstjórafélag
Reykjavíkur. Nafninu var síðar
breytt í Brú – félag stjórnenda vegna
þess að starfsheitið verkstjóri er
hverfandi í þjóðfélaginu,“ útskýrir
Eygló um Brú sem er langstærsta
aðildarfélag Sambands stjórnenda-
félaga (STF). Í félaginu eru stjórn-
endur af öllu tagi og eru félagsmenn
um 800 talsins.
„Sá sem gerist félagi í Brú verður
félagsmaður til æviloka. Hér greiðir
enginn félagsgjöld eftir sjötugt og
þegar stjórnandi lætur af störfum
vegna aldurs eða örorku verður
hann áfram félagsmaður og nýtur
allra þeirra réttinda sem félagið
býður upp á.“
Orlofsúrræði Brúar njóta sérstöðu
og er sífellt leitað nýrra leiða til að
gleðja félagsmenn.
„Brú á tvö glæsileg sumarhús í
Skorradal, sumarbústað í Gríms-
nesi og keypti nýbyggt heilsárshús
á Akureyri í fyrra. Þá keyptum við
hjólhýsi fyrir félagsmenn okkar og
til að koma til móts við sem flesta í
orlofsúrræðum bjóðum við einnig
orlofsstyrk að upphæð 28.500 sem
hentar til dæmis þeim sem eiga fyrir
eigið sumarhús,“ segir Eygló.
Ríkulegir styrkir
Eygló hvetur félagsmenn Brúar til að
nýta sér enn betur réttindi í sjúkra-
og menntunarsjóði.
„Við Háskólann á Akureyri er til
dæmis spennandi stjórnendanám
sem hægt er að stunda í fjarnámi
og hefur verið einkar vinsælt
hjá félagsmönnum Brúar. Það er
alltaf gott að stíga út fyrir þæginda-
rammann og styrkja sig í starfi, og
fólk er mjög ánægt með námið
sem fer fram í lotum og er að fullu
greitt af félaginu,“ upplýsir Eygló,
en menntastyrkur Brúar er 150
þúsund krónur á ári vegna starfs-
tengds náms og 45 þúsund krónur
vegna tómstundanáms. Þess má
geta að hægt er að taka sem svarar
þriggja ára greiðslu, eða 3x150.000,
ef vill.
Þann 1. júní hækkar íþrótta-
styrkur Brúar upp í 25 þúsund
krónur á hverju 12 mánaða tímabili
en auk þess er hægt að sækja um
styrki í sjúkrasjóð vegna sálfræði-
kostnaðar, ættleiðingar, glasafrjóvg-
ana, sjúkraþjálfunar, gleraugna og
heyrnartækja, og félagsmenn Brúar,
bæði konur og karlar, fá 100 þúsund
krónur í fæðingarstyrk.
„Við leitumst við að gera vel við
félagsmenn í gleði og sorg. Þannig
njóta félagsmenn Brúar styrkja og
bóta vegna veikinda í tólf mánuði.
Að auki greiðir félagið 150 þúsund
króna auka útfararstyrk umfram
það sem greitt er úr sjúkrasjóði,“
upplýsir Eygló.
Falli stjórnandi í starfi frá eru
bætur fyrir maka 520 þúsund
krónur og fær barn hins látna, undir
18 ára, sömu upphæð. Séu börnin
fleiri eru greiddar 260 þúsund
krónur með hverju barni eftir það.
„Vegna fráfalls barns starfandi
stjórnanda veitum við 260 þúsund
króna styrk og vegna fráfalls maka
300 þúsund krónur. Vegna langveiks
barns 315 þúsund krónur á hverju
tólf mánaða tímabili,“ útskýrir Eygló
sem starfað hefur hjá Brú í 20 ár.
„Brú er persónulegt stéttarfélag
sem við rekum eins og heimili. Við
fáum oft að heyra að hér sé vel í
lagt og ánægjuraddir félagsmanna.
Við leggjum okkur fram um að gera
þjónustuna persónulega og eftir
tuttugu ár er maður farinn að þekkja
félagsmennina með nafni,“ segir
Eygló og er strax farin að hlakka til
aldarafmælisins að ári.
„Við erum þegar farin að undir-
búa afmælið en verðum ekki með
hefðbundin veisluhöld. Afmælisins
verður minnst með öðrum hætti og
á eftir að koma ánægjulega á óvart.“
Brú – félag stjórnenda er í Skipholti
50d. Sími 562 7070. Allar nánari
upplýsingar á bfs.is og á Facebook
undir Brú félag stjórnenda.
Persónuleg og sterk Brú
Brú – félag stjórnenda er stéttarfélag fólks í stjórnunarstöðum. Félagið er sniðið fyrir alla
stjórnendur, þá sem stjórna viðamiklum verkefnum eða eru sjálfstæðir atvinnurekendur.
Eygló Guðmundsdóttir, skrifstofustjóri í Brú – félagi stjórnenda. MYND/ERNIR
KYNNINGARBLAÐ 3 Þ R I ÐJ U DAG U R 1 . m A í 2 0 1 8 1. MAí
0
1
-0
5
-2
0
1
8

0
4
:3
2
F
B
0
6
4
s
_
P
0
4
8
K
.p
1
.p
d
f
F
B
0
6
4
s
_
P
0
3
3
K
.p
1
.p
d
f
F
B
0
6
4
s
_
P
0
1
7
K
.p
1
.p
d
f
F
B
0
6
4
s
_
P
0
3
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
F
A
3
-5
2
9
8
1
F
A
3
-5
1
5
C
1
F
A
3
-5
0
2
0
1
F
A
3
-4
E
E
4
2
7
5
X
4
0
0
.0
0
1
2
A

F
B
0
6
4
s
_
3
0
_
4
_
2
0
1
8
C
M
Y
K