Feykir - 27.11.2014, Síða 31
3 12 01 4
Villibráðarhlaðborð
að hætti félagsmanna
SAMANTEKT
Kristín S. Einarsdóttir
MYNDIR
Óli Arnar Brynjarsson
Skotfélagið Ósmann á Sauðárkróki
Skotfélagið Ósmann hefur starfað á Sauðárkróki síðan vorið
1991. Villibráðarkvöld hafa verið haldin með einhverju formi
frá stofnun félagsins og eru þau orðin helsta hátíðin í starfsemi
félagsins. Að þessu sinni var villibráðarhlaðborðið haldið á
Hótel Tindastóli í nóvemberbyrjun. Feykir fékk að líta inn á villibráðarkvöldið
og falaðist í framhaldinu eftir nokkrum uppskriftum.
Kári Björn þorsteinsson
Hreindýrabollur
að hætti veiðimannsins
600 gr hreindýrahakk
2 brauðsneiðar
1,5 dl mjólk
1 msk Worchester sósa
1 msk villijurtir frá
Pottagöldrum
10 einiber
2 tsk sjávarsalt
1 tsk nýmulinn pipar
Aðferð: Setjið brauðið í skál
ásamt mjólkinni og bleytið það
vel. Myljið einiberin vel í mortéli.
Setjið kryddin í skál og blandið
saman. Bætið kjötinu við og
Worchestersósunni og hrærið
vel saman. Takið brauðið upp
úr mjólkinni, maukið það í litla
bita og blandið saman við kjötið.
Mótið kjötbollur úr blöndunni.
Bollur steiktar á pönnu eða
settar inn í ofn.
RJÓMASÓSA
2 dl hvítvín
2,5 dl rjómi
1 msk sojasósa
2 msk kálfafond frá
Touch of Taste
1 msk Worchester-sósa
2 msk sulta, t.d. rifsberja
1 msk Dijon-sinnep
Aðferð: Hitið pönnuna og
hellið hvítvíninu út á ásamt
kálfakraftinum, sojasósu og
Worchester. Leysið skófarnar
á pönnunni upp með sleif og
látið vínið malla í smá stund
eða þar til að það hefur soðið
niður um tæpan helming. Bætið
rjómanum út á og látið malla
áfram á vægum hita þar til að
sósan fer að þykkna. Bætið
sultunni saman við. Alveg undir
lokin er sinnepið pískað
saman við.
Rakel Rögnvaldsdóttir
Hreindýra-jerky
HREINDÝRAVÖÐVI
Hreindýra vöðvi er skorinn mjög
þunnt niður í sneiðar. Best er að
skera hann hálffrosinn og þvert
á trefjarnar í vöðvanum. Reynið
að hafa þetta ekki þykkra en
2 mm þykkt. Lagt í kryddlög í
minnst 12 tíma, helst í 24 tíma.
Passið að kryddlögurinn þeki
allar sneiðarnar.
KRYDDLÖGUR:
Hálf krukka BBQ sósa með
anís frá Hrefnu Sætran,
1 dl góð sojasósa (t.d. Saitaku
sem fæst í Bónus)
Smá dass af fínmöluðum
svörtum pipar.
Þessi skammtur af kryddlegi
ætti að duga á um 300 - 400 gr.
af kjöti.
Aðferð: Þegar kjötið er búið að
liggja nógu lengi í kryddleginum
eru sneiðarnar lagðar á hreint
viskastykki og annað viskastykki
lagt ofan á til að þurrka mesta
kryddlöginn af. Sneiðarnar eru
svo lagðar á fínmöskvaða grind
(fæst í Skagfirðingabúð) ofan
á ofngrind og sett inn í ofn í
4 - 5 klst. við 60 - 70°C. Trésleif
er sett til að halda ofnhurðinni
pínulítið opinni svo rakinn af
kjötinu sleppi út.
Kælt og geymt í ísskáp þegar
tilbúið. Þetta er ekki flókið að
búa til en krefst töluverðs tíma
og þolinmæði.
Veislan var nokkurs konar Pálínuboð þar
sem ýmsir félagsmenn höfðu lagt til veigar
á hlaðborðið eða tekið að sér eldamennsku.
Veislustjóri var Björn J. Sighvatz og byrjaði
hann á því að blessa kvöldið, og síðar
um kvöldið var fluttur pistill, en hvort
tveggja eru hefðir sem setja sterkan svip á
stemninguna.
Auk réttanna hér á síðunni var meðal
annars boðið upp á grafna gæs, þurrkaðan
grindhval og saltað hvalspik, heitreykta
teistu, villikryddað lamb og krónhjört.
Árni Kristinsson
villibráðarsúpa
5 stk gæsafóarn
2-3 ltr vatn
2 tsk timian
10 stk einiber
2-3 lárviðarlauf
10 stk rauðar piparkúlur
100 gr smjör
½ ltr rjómi
1-2 msk rifsberjagel
1-2 msk maizena
Villibráðarkraftur e. smekk
Smakka til með salti og pipar.
Aðferð: Gæsafóörnin eru
verkuð vel og brúnuð í smjörinu
í potti. Vatni hellt yfir, kryddinu
bætt í og soðið í u.þ.b. 2 tíma.
Maízena hrært út í köldu vatni
og súpan þykkt eftir smekk.
Rjóma bætt í og smakkað til
með rifsgeli, krafti og salti
og pipar.
Rakel Rögnvaldsdóttir
Sushi
Hreindýra/laxa nigiri (koddar)
1/2 pakki sushi grjón (250 g)
1 msk sykur eða Agave sýróp
1 msk hrísgrjónaedik
Aðferð: Hrísgrjónin skoluð vel
upp úr köldu vatni og soðin í 4
dl af vatni og smá salti. (Gott
að nota hrísgrjónasuðupott, þá
síður ekki uppúr). Sushigrjón
eru frekar erfið viðureignar
og sjóða auðveldlega uppúr.
Þegar grjónin eru tilbúin er
blöndu af hrísgrjónaediki og
sætu (annaðhvort sykri eða
agave-sýrópi) blandað við. Það
þarf ca. 1 msk af hvoru.
Grjónin látin kólna og mótuð
í aflanga kodda. Gott er að
hafa vatn í skál við höndina til
að skola hendurnar á milli því
grjónin límast við allt.
Annaðhvort þunnt skorinn
lax eða þunnt skorinn
hreindýravöðvi, sem hefur verið
látinn liggja í teriyaki sósu í
smástund, sett ofaná.