Feykir - 26.11.2015, Blaðsíða 9
92 01 5
Í fyrra hélt ég í fyrsta skipti upp á jólin
heima hjá mér, það var erfitt skref en
þar sem við erum komin með tvö
börn þá var kominn tími til. Nú fyrst
skil ég mömmu vel, stressið sem fylgir
því að hafa allt fullkomið, en það
getur verið erfitt með tvö lítil börn,
maður verður að læra að slaka á og
njóta. Jólaskraut er eitthvað sem við
geymum frá ári til árs en ég hef alltaf
keypt eitthvað smá nýtt eða föndrað í
gegnum árin, þannig að það er mikið
til að moða úr. En það er til svo mikið
af fallegu og flottu jólaskrauti að það
er vel hægt að gleyma sér í gleðinni
þegar verið er að velja.
Gaman að blanda
saman gömlu og nýju
UMFJÖLLUN
Sigríður Garðarsdóttir
Sigga skoðar jólaskreytingar
Að koma sér í jólagírinn getur verið misauðvelt
fyrir fólk, sumir þurfa aðeins að hugsa um jólin
þá hlakkar í þeim. En heima hjá mér er skreytt 23.
desember, þó svo jólaseríurnar fái auðvitað að fara upp í gluggana fyrir
fyrsta í aðventu, þá fyrst kemst ég í jólaskap. Við skreytum líka mikið og
þeir sem eru ekki vanir að sjá svona mikið skraut hugsa örugglega:
„Guð minn góður“.
Safnarar,
ekki örvænta...
Georg Jensen jólavörurnar
finnst mér alveg ótrúlega fall-
egar, sérstaklega jólaóróarnir.
Margir hafa safnað óróunum
í mörg ár en þeir hafa verið
framleiddir og seldir síðan árið
1984, aðeins í 31 ár.
Suma eldri árgangana hefur
verið erfitt að fá, en ekki
örvænta, þeir ganga kaupum
og sölum á Facebook
síðu sem heitir
Notaðar hönn-
unarvörur, ef þig vantar inn í safnið þitt eða
til að fullkomna það.
„Perfect“ á jólatréð
Omaggio æðið
hefur staðið yfir
í um eitt ár og
ég ætlaði alls
ekki að detta í þá
gryfju að kaupa
mér vasann. En
Skagfirðingabúð
og Blóma- og
gjafabúðin á Sauð-
árkróki fengu smá
úrval um daginn og stóðst ég ekki freist-
inguna. Omaggio eru að gefa út jólalínu
og í henni eru ótrúlega fallegar jólakúlur
sem eru alveg perfect á jólatréð. Meiri sál í heimagerðum krans
Aðventukrans verður að vera til á hverju einasta heimili. Mér þykir alltaf
skemmtilegast að sjá fallegan heimagerðan aðventukrans, það er bara miklu
meiri sál í þeim en hinum. En ef þig langar að fara út fyrir kassann þá sá ég
einn á Ferm Living sem ætti að vera auðvelt að gera sjálfur. Ritfangaverslunin
A4 er að selja svipaðar trékúlur sem kosta ekki mikið og væri gaman að prófa
að búa til sinn eigin.
Borðhaldið
toppurinn
Borðhaldið á sjálfum aðfangadegi
er toppurinn á þessu öllu saman, að
mínu mati. Eftir að hafa lagt mikla
vinnu og tíma í að elda jólamatinn þá
er ótrúlega skemmtilegt að setja smá metnað í borðið sjálft og vera jafnvel
með eitthvað litaþema. Þetta þarf ekki að vera mikið, enda þarf að vera pláss
fyrir allan matinn. Fullt
af skemmtilegu borð- og
dýraskrauti sem setja
punktinn yfir I-ið er t.d. að
finna í verslunum Pier og
Ilva sem halda einnig úti á
netverslunum www.pier.
is og www.ilva.is.
Hægt að finna
ótrúlegustu hluti á Ebay
Amma Baldvina og Steini afi í Birkihlíðinni á Sauðárkróki skreyttu alltaf öll
loft með jólamúsastigum eða loftskrauti. Pabbi tók þessa hefð með sér og
nú er ég byrjuð að skapa mínar eigin hefðir og ætla að halda þessu áfram fyrir
mín börn. Mér þykir mjög gaman að blanda saman gömlu og nýju jólaskrauti
en það hefur ekki verið auðvelt að finna gamaldags jólaskraut hér á landi,
sérstaklega loftskraut. En á Ebay er hægt að finna ótrúlega hluti, þar á meðal
þetta skraut, ásamt mörgu öðru skemmtilegu.