Feykir - 26.11.2015, Blaðsíða 25

2 52 01 5
Jólin mín
Jólin eru... yndislegur tími
sem lýsir upp svartasta
skammdegið með hátíðleika,
fallegum jólaljósum,
kertaljósum, jólasöngvum,
gleði og samveru með
fjölskyldu og vinum.
Hvað kemur þér í jólaskap?
-Ég syng í kirkjukór og það
fer alltaf smá jólafiðringur
um mig þegar við byrjum
að æfa jólasálmana fyrir
aðventuhátíðina.
Hvað er besta jólalagið? -Svo mörg
dásamleg jólalög en ég er búin að
halda upp á eitt jólalag í mörg ár,
finnst ómissandi að heyra það allavega
einu sinni fyrir jólin, en það er lagið
Jólakötturinn með Björk.
Hvað finnst þér ómissandi að gera yfir
hátíðirnar? -Að vera með fjölskyldunni,
það er svo dásamlegt. En mér finnst líka
ómissandi að syngja við hátíðarmessu
í Víðimýrarkirkju um miðnættið á
aðfangadagskvöld, það er svo sérstök
stemming að syngja í gamalli torfkirkju við
kertaljós og tónana frá gamla fótstigna
orgelinu.
Linda Gunnarsdóttir skólaliði í Varmahlíðarskóla
Hlustar á Jólaköttinn með Björk
allavega einu sinni hver jól
Jólin eru... tími friðar og
gleði og samveru með
fjölskyldunni.
Hvað kemur þér í
jólaskap? -Lykt af
greni, hangikjöti og
húsgagnabóni á sama
tíma og hlustað er
jólakveðjur og jólalög í
útvarpinu.
Hvað er besta jóla-
lagið? -Litla jólabarn.
Hvað finnst þér ómissandi að gera yfir hátíðirnar? -Hitta fjölskylduna.
Hvað langar þig í jólagjöf? -Góða bók til að lesa á jólunum og gott
ullarteppi til að liggja undir meðan bókin er lesin.
Bakar þú fyrir jólin? -Já, það hef ég gert en hef dregið úr því síðustu ár í
hlutfalli við fækkun þeirra sem eru á heimilinu.
Hver er uppáhalds smákökusortin þín? -Mömmukökur sem eru bakaðar
nógu snemma til að vera orðnar mjúkar af kreminu þegar maður fer að
stelast í staukinn á aðventunni.
Sigrún Hauksdóttir frá Brekku,
varaoddviti Húnavatnshrepps
Langar í gott ullarteppi
og góða bók til að lesa
Hvað langar þig í jólagjöf? -Mér finnst
skemmtilegast að láta koma mér á óvart,
þess vegna geri ég aldrei neinn gjafalista.
En mig langar reyndar í nýjan síma, þeir
eru bara svo dýrir að það er best að ég
kaupi hann sjálf.
Bakar þú fyrir jólin? –Já, ég baka svona
fjórar til fimm sortir.
Hver er uppáhalds smákökusortin þín?
-Þær kallast „kossar“ hérna á mínu
heimili. Þetta eru smákökur sem eigin-
maðurinn fékk alltaf á sínu bernsku-
heimili og fékk ég uppskriftina hjá tengda-
mömmu. Mjög góðar, með kremi á milli.
UMSJÓN Berglind Þorsteinsdóttir
Jólin eru... besti tími ársins.
Hvað kemur þér í jólaskap?
-Grýlukanilkaffið og
Sauðárkrókur. Mér tekst ekki að
komast í jólaskap fyrr en ég er
kominn heim.
Hvað er besta jólalagið?
–Ó helga nótt í útgáfu Egils
Ólafssonar.
Hvað finnst þér ómissandi
að gera yfir hátíðirnar?
-Körfubolti í barnaskólanum,
horfa á NBA, fara í Skaffó og
keyra út jólakortin.
Hvað langar þig í jólagjöf?
-Tímavél, svo ég geti hætt að
vera svona gamall.
Bakar þú fyrir jólin? -Ég baka
ekki en ég get verið ómetanlegur
félagsskapur og DJ á meðan
bakað er.
Hver er uppáhalds smákökusortin
Helgi Sæmundur Guðmundsson
tónlistarmaður og háskólanemi frá Sauðárkróki
Grýlukanilkaffi og Sauðár-
krókur kemur mér í jólaskapið
þín? -Það hljómar mjög undarlega en
piparkökur með smá gráðosti ofan á
er það besta sem ég hef fengið. Svo
er önnur tegund sem ég veit ekki hvað
heitir en mamma bakar það öll jól. Ég
þarf að spyrja hana.
Jólin eru... hátíð ljóss og friðar.
Hvað kemur þér í jólaskap? -Þegar jólalögin byrja að hljóma í útvarpinu.
Hvað er besta jólalagið? -Get ekki gert upp á milli, mörg frábær.
Hvað finnst þér ómissandi að gera yfir hátíðirnar? -Mæta í hangiketið á jóladag hjá
móður minni, sem og fara til jólamessu hjá henni séra Sigríði Gunnarsdóttur.
Hvað langar þig í jólagjöf? -Besta jólagjöfin er að vera með börnin okkar öll heima á
jólunum.
Bakar þú fyrir jólin? -Ekki náð svo langt enn.
Hver er uppáhalds smákökusortin þín? -Sprautukökur hafa alltaf freistað mín
óskaplega mikið.
Steinn Rögnvaldsson bóndi á Hrauni á Skaga
Ómissandi að mæta í hangi-
ketið hjá móður minni á jóladag
Hjónin Merete Rabölle og Steinn Rögnvaldsson í fjárhúsinu á Hrauni. MYND: BÞ