Morgunblaðið - 05.12.2017, Blaðsíða 2

Morgunblaðið/RAX
Samgöngur Nýrri ferju seinkar.
Guðrún Erlingsdóttir
ge@mbl.is
Afhendingu nýrrar Vestmanna-
eyjaferju sumarið 2018 gæti seinkað
um sex vikur vegna breytinga sem
gera þarf á ferjunni
„Okkur var farið að gruna að það
yrði einhver seinkun og hefðum mátt
vera undir það búin,“ segir Elliði
Vignisson, bæjarstjóri í Vestmanna-
eyjum, og bætir við að lykilatriðið sé
að ekki megi tjalda til einnar nætur
við smíði ferjunnar.
„Það er gríðarlega mikilvægt að ný
ferja veiti góða þjónustu og ef þær
breytingar að lengja skipið um 1,8
metra og breyta stefninu gera það að
betra sjóskipi þá verðum við að sætta
okkur við þá seinkun þó erfið sé.“ El-
liði segir að breytingarnar verði á
kostnað skipasmíðastöðvarinnar sem
sé skuldbundin til að skila ferjunni
þannig að djúprista hennar henti sigl-
ingum í Landeyjahöfn.
„Þar sem þessar breytingar eru að
beiðni skipasmíðastöðvarinnar skap-
ast svigrúm til þess að skoða hvort
ekki verði hægt að fjölga kojum í
skipinu allverulega. Í ljósi þess að ný
ferja kemur seinna en áætlað var
verður að skoða fjölgun ferða núver-
andi Herjólfs fyrir sumarið.“
Tafir á afhendingu nýrrar Eyjaferju
 1,8 metra lenging  Auka þarf ferðir Herjólfs næsta sumar  Kojum fjölgað
2 FRÉTTIRInnlent
MORGUNBLAÐIÐ ÞRIÐJUDAGUR 5. DESEMBER 2017
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Vilhjálmur A. Kjartansson
vilhjalmur@mbl.is
Á árinu 2016 var tilkynnt um alls
2.017 vinnuslys á Íslandi, þar af 4
dauðaslys, samkvæmt ársskýrslu
Vinnueftirlitsins. Alls voru skráð
1.307 slys meðal karlmanna og 710
hjá konum. Um er að ræða svipaðan
fjölda og síðustu tvö ár en heldur
meiri en árin þar á undan.
„Þegar horft er á þróun síðustu
tveggja ára erum við því miður að
láta undan. Atvikum er að fjölga og
fleiri alvarlegir hlutir að gerast hjá
okkur,“ segir Kristinn Tómasson,
læknir Vinnueftirlitsins og stað-
gengill forstjóra. „Við höfum áhyggj-
ur af völdum atvinnugeirum og
þeirri þróun sem þar er að eiga sér
stað. Helst er þar að nefna mann-
virkjageirann og hina opinberu
stjórnsýslu, t.d. lögreglumenn, heil-
brigðisstarfsfólk og starfsmenn
menntastofnana.“
Fjöldi slysa í mannvirkjagerð hef-
ur farið vaxandi sl. þrjú ár, sem
endurspeglar væntanlega aukin um-
svif í samfélaginu, að sögn Kristins,
en hlutfallsleg fjölgun slysa í bygg-
ingastarfsemi á milli áranna 2015 og
2016 var 18%, en á sama tíma fjölg-
aði starfandi í byggingariðnaði að-
eins um 3,5%. Mikill hraði við bygg-
ingaframkvæmdir, spenna á
vinnumarkaði og mikill fjöldi er-
lendra starfsmanna eru allt atriði
sem geta haft þar áhrif, segir í árs-
skýrslunni. Vinnueftirlitið vill því
brýna fyrir öllum við verklegar
framkvæmdir að huga vel að vinnu-
vernd, ekki síst öryggismálum og
skipulagi vinnunnar.
Við árslok 2016 voru rúmlega 11%
á vinnumarkaði erlendir starfsmenn
og hafði fjölgað um tvö prósent frá
árinu á undan. Hlutfall erlendra
starfsmanna af þeim sem slösuðust á
árinu, skv. tilkynningum til Vinnu-
eftirlitsins, var um 18%. Virðist þessi
hópur því vera í aukinni hættu á að
slasast í vinnu.
„Þetta er áhyggjuefni, að með
þessum mikla hraða og flæði sem
orðið hefur með erlendum starfs-
mönnum, bæði þeim sem hingað leita
sjálfir og á vegum starfsmannaleiga,
hafa almenn vinnuverndarmál innan
fyrirtækja látið undan,“ segir Krist-
inn, en í skýrslu Vinnueftirlitsins
segir að við gerð áhættumats á
vinnustað sé mjög brýnt að horfa til
þess hvernig vinnuhópurinn er sam-
settur, m.a. hvort hann sé fjölþjóð-
legur og hvort töluð eru fleiri en eitt
tungumál. Mikilvægt sé að allir
starfsmenn fái viðeigandi fræðslu,
þjálfun og upplýsingar á tungumáli
sem þeir skilja til að koma í veg fyrir
vinnuslys.
Jákvæð þróun hefur átt sér stað í
þungaiðnaði, s.s. í álverum landsins,
að sögn Kristins, en stofnunin hefur
áhyggjur af opinbera geiranum.
„Innan stjórnsýslu og opinberrar
þjónustu er slysum að fjölga. Þetta
er alþjóðleg þróun og vinnuverndar-
mál standa þarna höllum fæti vegna
m.a. sparnaðaraðgerða.“
Vinnuslysum fjölgar milli ára
 Tilkynnt var um 2.017 vinnuslys á árinu 2016, þar af voru fjögur dauðsföll  Hlutfall erlendra starfs-
manna sem slösuðust er 18% en þeir eru aðeins 11% vinnuafls  Jákvæð þróun er í þungaiðnaði
Morgunblaðið/RAX
Byggingarvinna Vinnuslysum við mannvirkjagerð hefur fjölgað töluvert
milli ára, en þau eru ekki enn jafntíð og árin fyrir efnahagshrun.
Vinnuslys á Íslandi
» Tilkynntum slysum er al-
mennt að fjölga milli ára.
» Hlutfallsleg fjölgun slysa í
byggingastarfsemi á milli ár-
anna 2015 og 2016 var 18%.
» Á sama tíma er fjölgun í
byggingariðnaði aðeins 3,5%.
» Innan stjórnsýslu og op-
inberrar þjónustu hefur vinnu-
tengdum slysum fjölgað.
» Erlent starfsfólk er um 11%
vinnumarkaðarins en er 18%
þeirra sem skráðir eru í slysum
á vinnumarkaði.
Jóhann Ágúst Hansen, uppboðshaldari Gallerís
Foldar, sveiflar hamrinum er verk Ragnars Páls
Einarssonar, Botnssúlur, var boðið upp í gær.
Almennt gekk uppboðssalan vel að sögn Jó-
hanns en í dag verða fleiri og enn verðmætari
verk boðin upp í galleríinu. „Við erum t.a.m. að
sjá Louisu Matthíasdóttur fara á ásettu verði en
mörg klassísk landslagsverk eftir aðra á minna,“
segir Jóhann. vilhjalmur@mbl.is
Hátt í 200 verk á málverkauppboði
Morgunblaðið/Eggert
Botnssúlur voru boðnar upp hjá Galleríi Fold
„Eftir þennan fund
er alveg ljóst að
það er komin upp
pattstaða,“ segir
Óskar Einarsson,
formaður Flug-
virkjafélags Ís-
lands, í samtali við
Morgunblaðið, en
níundi sáttafundur
flugvirkja og Samtaka atvinnulífsins,
fyrir hönd Icelandair, fór fram í gær.
„Við munum funda aftur á föstu-
daginn, en ég á ekki von á því að sá
fundur breyti neinu,“ bætir hann við.
Óskar segir næstu skref vera þau
að funda með sínum félagsmönnum
og fara yfir þá stöðu sem nú er uppi.
„Við þurfum að skoða hver næstu
skref verða hjá okkur og ákveða með
okkar félagsmönnum.“
Spurður hvort til verkfalls gæti
komið vildi hann ekki útiloka neitt að
svo stöddu.
Mögulega
kemur til
verkfalls
 Flugvirkjar
segjast vera ósáttir
Annar mannanna
sem stungnir
voru með hnífi á
Austurvelli í
miðbæ Reykja-
víkur aðfaranótt
sunnudags liggur
enn þungt hald-
inn á sjúkrahúsi.
Þetta staðfestir
Grímur Gríms-
son yfirlög-
regluþjónn.
„Hann er enn í krítísku ástandi
og lífshættu,“ segir Grímur.
Hinn maðurinn sem lenti í hníf-
stunguárásinni hlaut töluverða
áverka en var ekki í lífshættu.
Hann hefur nú verið útskrifaður af
sjúkrahúsi.
Hinn grunaði, karlmaður á þrí-
tugsaldri, hefur verið úrskurðaður
í gæsluvarðhald til 15. desember.
Liggur enn á sjúkra-
húsi í lífshættu
Spítali Maðurinn
er í lífshættu.