Morgunblaðið - 05.12.2017, Blaðsíða 9

FRÉTTIR 9Innlent
MORGUNBLAÐIÐ ÞRIÐJUDAGUR 5. DESEMBER 2017
100% rafmagn
378 km drægi*
*Samkvæmt NEDC-stöðlum.
Nýr Nissan LEAF
VERÐ FRÁ 3.490.000
FORSALA ER HAFIN
Mest seldi rafbíll heims, Nissan Leaf, er nú væntanlegur í nýrri og
tæknivæddri útfærslu og stefnir BL að því að frumsýna hann snemma
á nýju ári. Vegnamikillar eftirspurnar um allan heim, höfum við
opnað fyrir forsölu á nýjum LEAF. Nýttu tækifærið og tryggðu
þér nýjan LEAF úr fyrstu framleiðslulotunum, en fyrstu bílarnir eru
væntanlegir í lok mars 2018. Hafðu samband við sölufulltrúa okkar og
fáðumeiri upplýsingar um nýjan Nissan LEAF.
Nissan.is
BL ehf
Sævarhöfða 2 / 110 Reykjavík
525 8000 / www.bl.is
Vilhjálmur A. Kjartansson
vilhjalmur@mbl.is
Bandaríska varnarmálaráðuneytið
hefur óskað eftir 14,4 milljóna dollara
framlagi til uppbyggingar á Keflavík-
urflugvelli, fyrir hönd bandaríska
flotans. Jörundur Valtýsson, skrif-
stofustjóri alþjóða- og öryggis-
skrifstofu utanríkisráðuneytisins,
segir að framkvæmdirnar séu vegna
aukinnar viðveru og viðbúnaðar
Bandaríkjanna á Íslandi. Ekki sé þó
um að ræða varanlega viðveru
bandaríska hersins líkt og þegar
bandaríski flotinn rak herstöðina í
Keflavík á sínum tíma.
„Tímabundin viðvera Bandaríkja-
hers á Keflavíkurflugvelli hefur verið
að aukast frá árinu 2014 og sér í lagi
vegna viðveru kafbátaleitarvéla
þeirra hér á landi,“ segir Jörundur,
en tilgangurinn er að auka getu
Bandaríkjamanna og Atlantshafs-
bandalagsins (NATO) til þess að
fylgjast með ferðum nýrrar kyn-
slóðar rússneskra kafbáta í Norður-
Atlantshafinu.
Nýjar vélar þurfa betri skýli
Til stendur að verja 14,4 milljónum
dollara til þess að gera nauðsynlegar
breytingar á flugskýli á Keflavíkur-
flugvelli til þess að hægt verði að
koma P-8 Poseidon eftirlitsflugvélum
fyrir í því, en flugskýlið var á sínum
tíma hannað og notað fyrir P-3 Orion
eftirlitsflugvélar.
„Nýju vélarnar eru stærri og því
þarf meðal annars að stækka dyrnar
á flugskýlinu til þess að P-8A Posei-
don flugvélarnar komist inn og
hækka það, en stélin á þessum vélum
eru hærri en á P-3 Orion,“ segir Jör-
undur og bendir jafnframt á að kom-
ið verði upp hreinsibúnaði. Er gert
ráð fyrir að hann muni kosta um 5
milljónir dollara og 1,8 milljónir fari í
bæði skipulags- og hönnunarvinnu.
„Að því gefnu að fjárveitingin
verði samþykkt af bandarískum
stjórnvöldum getum við gert ráð fyr-
ir að framkvæmdir muni geta hafist
einhvern tímann á árinu 2018 eða
2019.“
Viðvera bandarísku vélanna hér á
landi hefur aukist töluvert. Árið 2014
voru þær í tæplega 30 daga á landinu,
árið 2015 voru þær hér á landi í 50
daga, og á síðasta ári voru vélarnar
hér í 77 daga. Það sem af er þessu ári
hafa þær verið hér í 122 daga.
Hluti af nýju alþjóðaumhverfi
Í viðtali við mbl.is í upphafi síðasta
árs sagði Pamela Rawe, sjóliðsforingi
og upplýsingafulltrúi hjá bandaríska
varnarmálaráðuneytinu (Pentagon),
að P-8A eftirlitsflugvélarnar mundu
sinna sama eftirliti og P-3 Orion vél-
arnar hefðu gert. Þessar breytingar
hér á landi væru aðeins hluti af lang-
tímaáætlunum bandarískra hermála-
yfirvalda á heimsvísu sem byggðist á
því að P-3 flugvélarnar væru smám
saman á útleið en þær voru fyrst
teknar í notkun árið 1962. P-8A vél-
arnar voru hins vegar teknar í notk-
un árið 2013, en þær eru uppfærð út-
gáfa af Boeing 737-800ERX
farþegaþotunni.
Aukin viðvera Bandaríkjanna
Herflugvél Bandarísk P-8A Poseidon sem leysir af hólmi hina gömlu P-3 Orion kafbátaleitarvél.
 Nýjar kafbátaeftirlitsvélar bandaríska flotans þurfa betri aðstöðu á Keflavíkurflugvelli
 Bandaríkin hafa í hyggju að eyða sem nemur rúmum 2,7 milljörðum til uppbyggingar í Keflavík
Varnarmál
» Bandaríski herinn hefur auk-
ið viðveru sína á Íslandi
» Ekki er um varanlega við-
veru að ræða
» Leggja 2,7 milljarða króna til
uppbyggingar í Keflavík.
» Nýjar kafbátaeftirlitsvélar
bandaríska flotans þurfa betri
aðstöðu.