Morgunblaðið - 05.12.2017, Blaðsíða 13

Morgunblaðið/Árni Sæberg
Í tjaldinu heima Bergrún Íris Sævarsdóttir rithöfundur er stolt með nýju bókina sína.
skiptir svo miklu máli að börnin fái að
tjá sig um hvernig þeim líður. Orðin
geta verið mikið töfratæki.“
Eyja tekur til sinna ráða
Vinalausa Eyja hengir sig á
gamla manninn, sætisfélaga sinn
Rögnvald. „Hann er fúll á móti en
þegar hún áttar sig á því að ef hann
lærir ekki að lesa og verður áfram
fastur í fyrsta bekk, þá kemur hann
ekki með henni upp í annan bekk, þá
verður hún ein og vinalaus í öðrum
bekk, svo hún tekur til sinna ráða.
Sama gildir um Rögnvald, hann veit
að hann lifir ekki að eilífu og ef Eyja
eignast ekki aðra vini en hann, þá er
hún ekki í góðum málum. Svo hann
gerir við Eyju samning sem felur í
sér lausn á vandamálum þeirra
beggja. Hann leyfir henni að kenna
honum tvo stafi fyrir hvert barn sem
hún vingast við í bekknum. Fólk
verður að lesa bókina til að sjá hvern-
ig það fer,“ segir Bergrún og hlær.
Kvíði barna algengur
Bergrún segir bókina um Eyju
og Rögnvald vera tæki fyrir foreldra
til að ræða um það við börn sín þegar
þeim líður ekki nógu vel, ef eitthvað
er að angra þau.
„Nú er farið að tala um kvíða hjá
börnum alveg niður í leikskólaaldur,
og þó ég noti ekki þetta orð, kvíði, í
bókinni, þá er þar lýst allskonar til-
finningum sem Eyja þekkir ekki, en
upplifir eins og það sé þvottavél í
maganum, það snýst allt í hringi. Og
hún veit ekki alveg hvers vegna. Þess
vegna er gott bæði fyrir foreldra og
börn að átta sig á hvernig við tölum
um nýjar stórar tilfinningar sem
börnin finna fyrir. Ég held að kvíði
hjá börnum sé ekki nýtt fyrirbæri,
þetta er bara orðið miklu algengara,
af því að hraðinn í samfélaginu er
mikill og kröfurnar, það er mikið álag
á fjölskyldur í nútímasamfélagi. Við
þurfum að læra að takast á við þetta
og tala um þetta, en fyrst og fremst
þurfum við að gefa okkur tíma hvert
með öðru í rólegheitum. Við þurfum
færri skjái á heimilum en fleiri bæk-
ur. Sú stund sem varið er í að lesa
með barni eða fyrir barn er mikil
gæðastund, fyrir nú utan hvað það
hægir á okkur foreldrum. Það er ekki
nóg að ýta barninu að bókahillunni og
vera foreldri á Facebook í símanum á
meðan barnið les. Við verðum að róa
okkur niður saman og hægja á okkur.
Það skapast yndisleg nánd við að lesa
saman, sérstaklega bækur sem gefa
pláss fyrir samræður, þannig að
barnið geti spurt og spjallað. For-
eldrar geta líka rifjað ýmislegt upp
frá bernsku sinni með barninu.
Rögnvaldur gerir það í bókinni, svo
þetta er alveg kjörin bók fyrir afa og
ömmur til að setjast niður og skoða
og lesa með barnabörnunum og segja
þeim frá fyrri tíð.“
Bergrún játar að sig langi að
skrifa fleiri bækur um Eyju og Rögn-
vald. „Þau eiga eftir að bralla ým-
islegt saman, hann hefur til dæmis
aldrei farið út fyrir landsteinana, og
það væri líka gaman að senda hann
út í geim, þá væri hann elstur í
geimnum. Það er af nógu að taka,
sjáum til,“ segir Bergrún sem var að
ljúka við að skrifa barnaleikrit við
tónlist Ragnheiðar Gröndal. Og það
er nóg að gera við að myndskreyta
barnabækur, en Bergrún hefur
myndskreytt yfir 30 barnabækur.
Hetja Eyja á ímyndaða ofurhetju-
skikkju sem gott er að fara í.
Vinir Eyja og Rögn-
valdur verða góðir
vinir þrátt fyrir
aldursmuninn.
DAGLEGT LÍF 13
MORGUNBLAÐIÐ ÞRIÐJUDAGUR 5. DESEMBER 2017
Guðmundur Arason kom frá Vestmannaeyjum
ásamt foreldrum sínum og eldri bróður til
Reykjavíkur á kreppuárunum. Fjölskyldan
var gjaldþrota, þjóðfélagið stóð á brauðfótum
og framtíðin allt annað en björt.
Í höfuðborginni vann hann við sendisveinastörf
en 12 ára varð hann að hætta í skóla til að
leggja sitt af mörkum við kaup á lítilli íbúð
fyrir fjölskylduna.
Í bókinni skrifar Guðmundur um lífshlaup sitt,
bernskuárin í Eyjum og lífið í Reykjavík.
Hann lærði járnsmíði sem markaði upphafið að
langri og farsælli starfsævi framkvæmdamanns,
sem með framsýni og dugnaði byggði upp
fyrirtækið GA smíðajárn, sem í dag er eitt
stærsta járninnflutningsfyrirtæki á Íslandi.
Ævisaga framkvæmdamannsins
Guðmundar Arasonar
NÝ
BÓ
K
Fæst í Hagkaupi í Garðabæ og Skeifunni og Eymundsson /Pennanum.