Morgunblaðið - 16.03.2018, Síða 10

10 FRÉTTIRInnlent
MORGUNBLAÐIÐ FÖSTUDAGUR 16. MARS 2018
CARAT Haukur gullsmiður | Hátúni 6a | Sími 577 7740 | carat.is
Sendum frítt um allt land
Skoðaðu úrvalið á carat.is
Glæsilegt úrval
Trúlofunar og
giftingarhringir
í öllum litum og gerðum
BAKSVIÐ
Baldur Arnarson
baldura@mbl.is
Kostnaður við að leggja 35 kílómetra
af borgarlínurými er áætlaður 43,9
milljarðar til ársins 2030. Kílómetri er
því talinn kosta 1,25 milljarða.
Þetta er meðal niðurstaðna sam-
ráðshóps Samtaka sveitarfélaga á
höfuðborgarsvæðinu (SSH), Vega-
gerðarinnar og samgöngu- og sveit-
arstjórnarráðu-
neytisins. Lagði
hópurinn mat á
samgöngufram-
kvæmdir á höfuð-
borgarsvæðinu til
2030. Niðurstaðan
er kynnt í 39 síðna
skýrslu. Fram
kemur í fundar-
gerð stjórnar
SSH 5. mars að
hún „samþykkti að skýrslan [um til-
lögurnar] verði kynnt í borgarráði og
bæjarráðum aðildarsveitarfélaganna,
og í framhaldi þar af verði boðað til
kynningarfundar á efni skýrslunnar
með kjörnum sveitarstjórnar-
mönnum á höfuðborgarsvæðinu“.
Við nýju þéttingarsvæðin
Hrafnkell Á. Proppé, svæðisskipu-
lagsstjóri höfuðborgarsvæðisins, seg-
ir tillögurnar m.a. byggjast á grein-
ingu danska ráðgjafarfyrirtækisins
COWI. Stóra myndin liggi nú fyrir.
Hugsanlegar breytingar á legu borg-
arlínu verði líklega minniháttar. Hér
sé um að ræða 1. áfangann. Það muni
koma í ljós við framkvæmdahönnun
hvort „litlir bútar“ breytast.
Hrafnkell segir um að ræða upp-
byggingu innviða. „Vegna þess að
kerfið verður fyrir háhraðavagna er
gert ráð fyrir að borgarlínan geti
keyrt lengra en strikin sýna en þá í
blandaðri umferð. Strikin sýna hvar
hún verður í sérrýminu. Það er minni
þörf á sérrýminu á köflum þar sem
ekki eru miklar umferðartafir.“
Hópurinn gerir tillögu um fjórar
leiðir borgarlínu sem eru 4,5-12,6 km
og kosta 5,6-16,3 milljarða (sjá stað-
setningu á korti hér til hliðar). Rætt
hefur verið um að samanlagt geti
borgarlínukerfið orðið 58 km.
Borgarlínuleiðirnar fjórar eru A2
(Fjörður), B2 (Grafarvogur), C2
(Mjódd) og C3 (Lindir).
Samkvæmt þessu munu þær m.a.
liggja meðfram fyrirhuguðum þétt-
ingarsvæðum í Kringlunni, Skeifunni,
Vogabyggð og Ártúni. Þessar leiðir
munu fara yfir nýja brú yfir Sæbraut
norðan við gatnamót Miklubrautar og
Sæbrautar.
Meðfram byggð í Vatnsmýri
Hrafnkell segir borgarlínu munu
liggja um nýjar götur á Ártúnshöfð-
anum sem fylgja þéttingu byggðar.
Þá muni leið C3 (Lindir) liggja með-
fram nýrri byggð við Hlíðarenda og
Skerjafjörð og suður yfir fyrirhugaða
brú yfir Fossvog. Hún haldi svo
áfram austur að nýjum miðbæ sunn-
an Smáralindar og nýju íbúðarhverfi í
Glaðheimum.
Jafnframt mun leið A2 (Fjörður)
liggja um Hafnarfjarðarveg. Sá vegur
liggur meðfram fyrirhuguðu þétting-
arsvæði í Hraununum í Hafnarfirði.
Má geta þess að leiðir 1 (Hlemmur –
Vellir) og leið 6 (Hlemmur – Spöng)
eru mest notuðu strætóleiðirnar. Að
sögn Hrafnkels verða leiðir borgar-
línu í Hafnarfjörð og Kópavog síðar
lengdar að Völlum og Kórahverfinu.
Fer framhjá Heklureitnum
Loks má nefna að með því að liggja
um Suðurlandsbraut myndi borgar-
línuleið B2 (Grafarvogur) liggja með-
fram fyrirhugaðri þéttingu byggðar á
Heklureitnum.
Hrafnkell segir svæðisskipulags-
nefnd hafa samþykkt tillögu um
breytingu svæðisskipulags vegna
borgarlínu. Málið sé í ferli hjá sveitar-
félögunum og fari svo til ríkis til end-
anlegrar staðfestingar. Til framtíðar
sé horft til þess að leið C2 (Mjódd)
liggi alla leið í Fellahverfið í Breiðholti
og ný leið, D2, að Seltjarnarnesi. Þá
muni önnur ný leið, B1, fara frá Ár-
túnshöfða upp í Mosfellsbæ, meðfram
fyrirhuguðu hverfi í Blikastaðalandi.
Hópurinn gerir líka tillögur um
stofnframkvæmdir í vegakerfinu til
ársins 2030. Þær kosta 1-20 milljarða
og alls 40 milljarða. Lagning Miklu-
brautar í stokk er langdýrasta fram-
kvæmdin en hún er talin kosta 20
milljarða króna. Næst kemur lagning
Hafnarfjarðarvegar í stokk sem er
talin munu kosta sjö milljarða.
Bæti flæði umferðar
Þá eru tillögur um minni fram-
kvæmdir til að bæta flæði umferðar.
Þær eru fyrirhugaðar á Bústaðavegi,
á Miklubraut, austan Kringlumýrar-
brautar, á Kringlumýrarbraut, norð-
an Miklubrautar, á Kringlumýrar-
braut við Nýbýlaveg og á Hafnar-
fjarðarvegi. Samanlagt kosta þær
þrjá milljarða og stofnframkvæmdir
samtals 43 milljarða króna.
Ef ferðavenjur breytast ekki er
ferðatími á annatíma talinn munu
aukast um 40.800 klst. á dag, eða um
49%. Þennan aukna ferðatíma megi
meta á um 115 milljarða til 2040 sam-
kvæmt greiningu Mannvits.
Leiðir borgarlínunnar að skýrast
 Samráðshópur SSH, Vegagerðarinnar og samgönguráðuneytis gerir tillögur að uppbyggingu til 2030
 Gerir ráð fyrir meira fé í borgarlínu en stærri vegaframkvæmdir  Tafir í umferðinni kosta mikið fé
3
5
1 2
3
4
B2
C2
C3
A2
4
1
2
8
5
7
6
Samgönguframkvæmdir á höfuðborgarsvæðinu til 2030
Tillögur stýrihóps
Stofnvegaframkvæmdir
hámarks kostn.
Stærri framkvæmdir milljónir kr.
1 Arnarnesvegur 1.000
2 Suðurlandsvegur 1.500
3 Reykjanesbr., Krýsuv.-Álftanesv. 6.500
4 Hafnarfjarðarvegur 7.000
5 Vesturlandsvegur 1.000
6 Reykjanesbraut/Bústaðavegur 1.000
7 Sæbraut/Vogabraut 2.000
8 Miklabraut 20.000
Stærri framkvæmdir samtals 40.000
Minni framkvæmdir milljónir kr.
1 Bústaðavegur
2 Miklabraut, austan Kringlumýrarbrautar
3 Kringlumýrarbraut, norðan Miklubrautar
4 Kringlumýrarbraut við Nýbýlaveg
5 Hafnarfjarðarvegur
Minni framkvæmdir samtals 3.000
Stofnvegaframkvæmdir samtals 43.000
Borgarlína kostnaður
Leiðir milljónir kr.
B2 Leið B2, 12,6 km 16.300
C3 Leið C3, 7,4 km 9.400
A2 Leið A2, 10,4 km 12.600
C2 Leið C2, 4,5 km 5.600
Samtals (35 km) 43.900
R EY K JAV Í K
S E L-
TJA R N A R -
N ES
H A F N A R FJ Ö R Ð U R
GA R Ð A BÆ R
K Ó PAVO GU R
M OS F E L LS BÆ R
Heimild: Samráðshópur SSH, Vegagerðar og samgönguráðuneytis
Hrafnkell
Á. Proppé
Jónas Snæbjörnsson, framkvæmda-
stjóri þróunarsviðs Vegagerðar-
innar, segir framhaldið í vegafram-
kvæmdum á höfuðborgarsvæðinu
munu skýrast þegar samgöngu-
áætlun verður
kynnt í haust.
„Þetta er
undirbúningur
að því hvernig
staðið verður að
borgarlínu. Það
er verið að bera
saman kosti svo
menn hafi heild-
arsýn á hvernig
vegagerð verður
næstu 20-30 ár, með eða án borgar-
línu. Hún er komin inn á svæðis-
skipulag höfuðborgarsvæðisins en
er enn til umræðu vegna vinnu við
aðalskipulag sveitarfélaganna.
Samstarfshópur SSH og samgöngu-
ráðuneytið vinna að því. Vegagerð-
in fylgir þar með ráðuneytinu. Það
er ekki komið að því að ákveða fjár-
veitingar.“
Samkvæmt tillögum samráðs-
hópsins, sem fjallað er um í grein
hér fyrir ofan, er gert ráð fyrir átta
framkvæmdum við stofnvegi á
höfuðborgarsvæðinu til 2030. Við
það bætast minni framkvæmdir við
stofnvegi og gerð samgöngustíga
og forgangsakreina.
Jónas segir aðspurður gert ráð
fyrir mislægum gatnamótum á
mótum Reykjanesbrautar og
Bústaðavegar og á Sæbraut við
nýja Vogabyggð.
Á við nokkur mislæg gatnamót
Þá segir Jónas að með því að
leggja Miklubraut í stokk séu gerð
mislæg gatnamót við Miklubraut/
Kringlumýrarbraut og Miklubraut/
Lönguhlíð. Þá muni stokkur á
Hafnarfjarðarvegi fela í sér mislæg
gatnamót við Hafnarfjarðar-
veg/Vífilsstaðaveg og Hafnar-
fjarðarveg/Lyngás.
Samkvæmt tillögunum er áætlað
að framkvæmdir við Reykjanes-
braut í gegnum Hafnarfjörð kosti
frá 6,5 milljörðum. Þær fela líka í
sér gerð mislægra gatnamóta.
Til upprifjunar gerðu sveitar-
félögin á höfuðborgarsvæðinu og
Vegagerðin með sér samkomulag
árið 2012 um að draga úr uppbygg-
ingu samgöngumannvirkja en efla í
staðinn almenningssamgöngur.
Með nýrri samgönguáætlun
tekur við nýtt framkvæmdaskeið.
Stokkar ígildi mis-
lægra gatnamóta
 Vegagerðin undirbýr framkvæmdir
Jónas
Snæbjörnsson