Morgunblaðið - 16.03.2018, Blaðsíða 11
Sigurður Bogi Sævarsson
sbs@mbl.is
Sótt hefur verið um fjárframlag úr
Framkvæmdasjóði ferðamannastaða
til Grundarfjarðarbæjar til þess að
gera nýtt bílastæði, aðstöðu og lag-
færa og útbúa göngustíga við Kirkju-
fellsfoss í Grundarfirði. Fossinn er
rétt vestan við byggðarlagið og hefur
á síðustu árum orðið mjög fjölsóttur
og vinsæll staður meðal ferðamanna.
Ræður þar að frá fossinum er í beinni
sjónlínu að hinu formfagra Kirkju-
felli og vinsælt að taka ljósmyndir af
þessu tvennu saman.
Hættuástand skapast
Á góðum degi koma hundruð
ferðamanna að fossinum og leggja
þeir þá bílum sínum stórum og
smáum annaðhvort á stæði sem eru
orðin alltof lítil eða þá í kanti þjóð-
vegarins sem mikil umferð er um. Í
umferðarteppum skapast hættu-
ástand á þjóðveginum, segir Þor-
steinn Steinsson, bæjarstjóri í
Grundafirði, í samtali við Morgun-
blaðið.
Svo háttar til að ef komið er úr
vestri, það er frá Ólafsvík, er fossinn
nokkurn spöl sunnan við háa brekku
sem ekið er niður. Þar á jafnsléttunni
er bílastæðið við vegbrún og oft er
fólk á stjákli þar í kring. Hættan sem
þá er blasir við. Útbúin hefur verið
tillaga að deiliskipulagi við fossinn,
þar sem gert er ráð fyrir nýju bíla-
stæði sem verður nokkru ofar og
vestar en nú er. Frá stæðinu myndi
svo liggja stígur um lága brekku nið-
ur að fossinum. Tillagan fer í auglýs-
ingu næstu daga eftir umfjöllun hjá
skipulags- og umhverfisnefnd
Grundarfjarðarbæjar.
Tillaga þessi er unnin af ráðgjafar-
fyrirtækinu Alta ehf. og í samráði við
eigendur jarðarinnar Kirkjufells svo
og Vegagerðina.
Á konfektkössum
og samfélagsmiðlum
Þorsteinn Steinsson vonast til að
samstaða náist um málið, svo og að
styrkur fáist úr fyrrnefndum ferða-
mannasjóði, þannig að hægt verði að
koma framkvæmdinni vel af stað.
Myndir af fossinum og fjallinu í
einni sjónlínu hafa ratað víða um ver-
öldina.
„Þessar myndir sjást í erlendum
fjölmiðlum, í Leifsstöð, á konfekt-
kössum, á samfélagsmiðlum og víðar.
Þetta er fallegt sjónarhorn sem fang-
ar auga ferðamanna sem koma alls
staðar að úr heiminum. Í raun var
þetta alveg óvænt en hefur líka kom-
ið Snæfellsnesinu vel á kortið sem
viðkomustað ferðamanna, enda
byggist atvinnulíf hér um slóðir eins
og víðar mikið á ferðaþjónustunni,“
segir bæjarstjórinn.
Ætla að útbúa ný bílastæði
og stíga við Kirkjufellsfoss
Slysagildra við Grundarfjörð Fossinn í fjölmiðlum víða
Morgunblaðið/Sigurður Bogi
Þröng Bílastæði er ekki stórt og því er bílum oft lagt nánast úti á fjölförnum
vegi. Slíkt skapar slysahættu og því eru framkvæmdir nauðsynlegar.
Kirkjufellsfoss Lítill en leynir á sér. Sjónlínan að hinu formfagra Kirkju-
felli er einstök, hefur heillað ljósmyndara og myndir þeirra skapa frægðina.
Morgunblaðið/Gunnar Kristjánsson
FRÉTTIR 11Innlent
MORGUNBLAÐIÐ FÖSTUDAGUR 16. MARS 2018
KRINGLU OG SMÁRALIND
DÖMUSKÓR
SKECHERS EMPIRE DÖMUSKÓR
MEÐ MEMORY FOAM INNLEGGI.
STÆRÐIR 36-41
VERÐ: 12.995
HVAÐ HENTAR
ÞÍNU STARFSFÓLKI?
Hjá okkur færðu ljúffengan mat
úr fyrsta flokks hráefni.
• Fjölbreytta rétti úr fiski, kjöti og grænmeti.
• llmandi og nýbökuð brauð, rík af korni og fræjum.
• Gómsætar súpur, lagaðar með hollustu að leiðarljósi.
• Brakandi fersk salöt og ávexti.
• Við komum til móts við ykkar óskir
kryddogkaviar.is
kryddogkaviar@kryddogkaviar.is
Sími 515 0702 og 515 0701
Agnes Bragadóttir
agnes@mbl.is
Aðalfundur Verslunarmannafélags
Suðurnesja verður haldinn í endaðan
apríl. Guðbrandur Einarsson, for-
maður félagsins
til tuttugu ára,
frá 1998, staðfesti
í samtali við
Morgunblaðið að
mótframboð,
bæði gegn for-
manni og stjórn,
hefði borist.
„Það er rétt.
Það er komið
fram mótframboð
gegn sitjandi
stjórn. Það gæti því farið svo að kos-
ið yrði á milli tveggja lista, lista sitj-
andi stjórnar og lista nýja framboðs-
ins,“ sagði Guðbrandur í samtali við
Morgunblaðið í gær.
Aðspurður hverjir skipuðu lista
mótframbjóðendanna sagði Guð-
brandur að á þessu stigi væri ekki
hægt að upplýsa um það, þar sem
listi þeirra væri enn í meðförum
kjörstjórnarinnar.
Samkvæmt upplýsingum Morgun-
blaðsins, mun kjörstjórnin hafa haft
ákveðnar athugasemdir við lista
mótframbjóðendanna, og því tekið
hann til gagngerrar skoðunar. Þetta
sagðist Guðbrandur hvorki geta né
vilja ræða, þegar hann var spurður
út í þetta atriði.
Rafræn atkvæðagreiðsla
Guðbrandur segir að aldrei hafi
annað staðið til en hann byði sig á
nýjan leik fram til formennsku í fé-
laginu, og þau áform muni ekki
breytast, þrátt fyrir mótframboð.
„Enda hef ég ekki fundið fyrir neinni
gagnrýni á mín störf hér,“ sagði
Guðbrandur.
Aðspurður hvort hann teldi að
mótframboðið væri eitthvað skylt
því sem kallað hefði verið „Vor í
verkó“ sagði Guðbrandur: „Ég hef
séð Facebókarfærslu þar sem talað
er um „Vor í Versló“.“
Guðbrandur segir að verði um
kosningu að ræða verði hún með raf-
rænum hætti. Henni eigi að vera lok-
ið fyrir aðalfund og hann eigi því von
á því að atkvæðagreiðslan fari fram
um miðjan apríl.
Mótframboð í VS
á Suðurnesjum
Gárungarnir á Facebook gantast og
kalla mótframboðið í VS „Vor í Versló“
Guðbrandur
Einarsson
Oddviti og varaoddviti gefa ekki
kost á sér til áframhaldandi starfa
fyrir Sjálfstæðisflokkinn í sveitar-
stjórn Rangárþings ytra þar sem
Hella er fjölmennasti þéttbýlisstað-
urinn. Ellefu gefa kost á sér í próf-
kjöri flokksins sem áætlað er að
verði haldið um miðjan apríl.
Tveir sveitarstjórnarmenn,
Ágúst Sigurðsson sveitarstjóri og
Haraldur Eiríksson, gefa kost á sér
áfram. Hins vegar hætta Þorgils
Torfi Jónsson oddviti og Sólrún
Helga Guðmundsdóttir varaoddviti.
Aðrir sem
bjóða sig fram
eru Björk Grét-
arsdóttir, Heimir
Hafsteinsson,
Helga Fjóla
Guðnadóttir,
Hjalti Tómasson,
Hrafnhildur Val-
garðsdóttir, Hug-
rún Pétursdóttir,
Ína Karen Markúsdóttir, Sindri
Snær Bjarnason og Sævar Jónsson.
helgi@mbl.is
Hætta í sveitarstjórn Rangárþings ytra
Þorgils Torfi
Jónsson