Morgunblaðið - 24.03.2018, Síða 27

27
MORGUNBLAÐIÐ LAUGARDAGUR 24. MARS 2018
Reykjavík Ungur maður notaði góða veðrið á dögunum til að æfa knattfimi sína í Lækjargötu og fórst það fimlega.
Eggert
Það eru liðin tæp
25 ár síðan Reykja-
víkurlistinn blés til
mikillar sóknar í leik-
skólamálum í borg-
inni og gerði heils-
dagsvistun barna að
almennu úrræði fyrir
barnafjölskyldur í
stað þess að vera for-
réttindi tiltekinna
hópa. Nú er tímabært
að klára leikskólabyltinguna með
því að brúa bilið milli fæðing-
arorlofs og leikskóla en það bil
hefur lengi verið á annað ár.
Meirihlutinn í borgarstjórn hefur
nú kynnt metnaðarfulla áætlun
um hvernig þetta bil verði brúað á
næstu 4-6 árum en á sama tíma
verður ráðist í fjölmargar aðgerðir
til að bæta starfsumhverfið á leik-
skólum borgarinnar. Alls verður
varið 632 milljónum króna til
þessara aðgerða á árinu 2018 og
1.100 milljónum króna á árinu
2019 í framkvæmdir og rekstur.
Áætlaður framkvæmdakostnaður
við byggingu nýrra leikskóla er
3,7 milljarður króna á komandi ár-
um. Þessar aðgerðir koma til við-
bótar auknu fjármagni til leik-
skólastigsins sem nemur alls 2
milljörðum króna frá 2014 og birt-
ist í hærri launum,
auknu fjármagni til
innra starfs, opnun
sérhæfðra ung-
barnadeilda o.fl.
Bætt vinnuum-
hverfi
Gripið verður til
margvíslegra aðgerða
til að bæta vinnuum-
hverfi starfsfólks á
leikskólum og koma
alls 14 tillögur starfs-
hóps um nýliðun og
bætt starfsumhverfi leikskóla-
kennara til framkvæmda strax á
þessu ári. Þar er fyrst að telja að
leik- og starfsrými barna og
starfsfólks verður aukið með því
að færa niður rekstrarleyfi um 7%
að meðaltali í tveimur áföngum.
Samhliða því verða sett ný viðmið
um rými fyrir hvert barn og æski-
legan barnafjölda á deildum.
Fjölgun starfsfólks
Til að mæta réttmætum sjón-
armiðum um aukið álag verður
starfsfólki á elstu deildum leik-
skólanna fjölgað frá og með þessu
hausti og á tveimur næstu árum.
Þá verður ráðist í aðgerðir til að
fjölga leikskólakennurum og
hækka menntunarstig á leik-
skólum, m.a. með því að efla
námstækifæri ófaglærðra starfs-
manna. Undirbúningstími leik-
skólakennara og deildarstjóra
verður aukinn og sérstök áhersla
verður lögð á að taka vel á móti
nýjum leikskólakennurum sem fá
úthlutað leiðsagnarkennara og
góða þjálfun á nýjum starfsvett-
vangi. Þá verður tryggður aðgang-
ur leikskólakennara að handleiðslu
varðandi flókin úrlausnarefni í
barnahópnum. Allir leikskólar fái
viðbótarfjárveitingu til heilsuefl-
ingar og liðsheildarvinnu með
starfsmannahópnum. Sérstök
áhersla verður lögð á að hvetja og
styðja ófaglært starfsfólk og aðrar
fagstéttir sem halda uppi mik-
ilvægu starfi á leikskólunum til að
afla sér fagmenntunar í leikskóla-
fræðum.
Nýjar leikskóladeildir í haust
Strax í haust verða opnaðar 6
nýjar leikskóladeildir með viðbót-
arhúsnæði við leikskóla þar sem
eftirspurnin er mikil. Áformað er
að þessar leikskóladeildir verði í
Seljahverfi, Háaleiti, Fossvogi,
Laugardal og Grafarholti og að
leikskólaplássum fjölgi um 110-126
með þessum aðgerðum.
Sjö nýjar ungbarnadeildir
Sérhæfðar ungbarnadeildir með
leikrými, búnaði og aðstöðu sem
hæfir börnum á öðru aldursári er
framtíðin og við munum opna sjö
slíkar deildir í haust og þá verða
alls 14 ungbarnadeildir starf-
ræktar við 10 leikskóla í öllum
borgarhlutum. Nýju deildirnar
verða í Grafarvogi, Hlíðum, Vest-
urbæ og Grafarholti. Ung-
barnadeildirnar fá heimild til að
byrja að bjóða yngri börnum pláss
en verið hefur eða börnum frá 16
mánaða aldri þar sem aðstæður
leyfa.
5-6 nýir leikskólar
Byggðir verða 5-6 nýir leik-
skólar á uppbyggingarsvæðum
næstu 4-6 árin og þar með fjölgar
leikskólarýmum um allt að 800.
Það á að nægja til að bjóða megi
öllum 12 mánaða börnum og eldri
leikskólapláss innan 6 ára. Gert er
ráð fyrir því að nýir leikskólar rísi
í Úlfarsárdal, Vatnsmýri, í Laug-
ardal/Háaleiti, í Vogabyggð og í
Miðborginni. Síðar stefnum við að
því að hægt verði að byggja nýja
leikskóla á helstu uppbygging-
arsvæðum í samræmi við þörf. Þar
koma helst til álita Bryggjuhverfi,
Ártúnshöfði, Skerjafjörður og
Vogabyggð III-IV.
Hvað um mannekluna?
Það hefur verið stórt verkefni
að glíma við manneklu á leik-
skólum en með samstilltu átaki
hefur náðst verulegur árangur.
Alls hafa 110 nýir starfsmenn ver-
ið ráðnir á undanförnum sjö mán-
uðum í um 90% af þeim stöðugild-
um sem voru ómönnuð í byrjun
hausts. Þessi mál verða áfram í
forgangi á komandi mánuðum og
ný úrræði kynnt til sögunnar. Eitt
þeirra var samþykkt í borgarráði í
vikunni – að bjóða ungu fólki sum-
arstörf á leikskólum með það í
huga að hvetja það til að fara í
kennaranám og helga sig þessu
mikilvæga og göfuga starfi að
hjálpa ungum börnum til manns.
Það er líka tilefni til bjartsýni að
gagnkvæmur vilji er meðal borg-
aryfirvalda og mennta- og menn-
ingarmálaráðherra að leggjast á
eitt við að mæta fyrirsjáanlegum
kennaraskorti í leikskólum og
grunnskólum með samstilltum að-
gerðum. Það er því sannarlega vor
í lofti þegar kemur að leikskóla-
málum í borginni og mikil sókn
framundan á komandi árum.
Eftir Skúla
Helgason »Nú er tímabært aðklára leikskólabylt-
inguna með því að brúa
bilið milli fæðingaror-
lofs og leikskóla.
Skúli Helgason
Höfundur er formaður
skóla- og frístundaráðs og
borgarfulltrúi Samfylkingarinnar.
Tímamótaaðgerðir í leikskólamálum
Dagur B. Eggertsson var á
Sprengisandi í síðasta mánuði þar
sem við ræddum um borgarmálin.
Nokkrar fullyrðingar vöktu athygli.
Það er því fróðlegt að sannreyna
staðreyndirnar á bak við fullyrðing-
arnar og sjá hvort þær koma heim og
saman við raunveruleikann.
Íbúafjölgun sjaldan meiri?
„Íbúafjölgun hefur sjaldan verið
meiri en í fyrra,“ sagði Dagur. Stað-
reyndin er sú að fjölgun íbúa var
0,6%! Það er helmingi minna en með-
altal síðustu áratuga. Reyndar er það
svo að Íslendingum í Reykjavík fækk-
aði á síðasta ári um 740 manns sem er
meira en nemur öllum íbúum Seyðis-
fjarðar. Það er svo út af fyrir sig
merkileg staðreynd að Íslendingum í
Reykjavík hefur fækkað um 1.390 frá
2014. Það fluttu sem sagt fleiri Íslend-
ingar burt frá Reykjavík á þessu kjör-
tímabili en sem nemur öllum flótta-
mönnum sem hafa komið til landsins
frá 1956. Í öllu þessu ljósi verða orð
Dags um að íbúafjölgun hafi sjaldan
verið meiri heldur ótrúverðug.
Mikið uppbyggingarskeið?
Þegar talið barst að húsnæðisskortinum sagði Dagur: „Við er-
um stödd á mesta uppbyggingarskeiði borgarinnar.“ Þetta er
nokkuð borginmannlega sagt þegar litið er til þess að eingöngu
322 íbúðir voru byggðar á síðasta ári. Það eru færri íbúðir en
byggðar voru í Mosfellsbæ. Þá er ótalinn sá fjöldi fyrirtækja
sem hefur þurft að flytja starfsemi sína til annarra sveitarfé-
laga. Réttara hefði verið að segja: „Við erum stödd á mesta
glærusýningarskeiði borgarinnar,“ enda hefur Reykjavíkurborg
staðið að fjölda „glærufunda“ þar sem áform hafa verið kynnt.
Uppbygginguna hefur á hinn bóginn skort og því er húsnæð-
isverð og leiguverð búið að neyða fjölda fólks til að flytja burt
úr borginni.
Hvar eru leiguíbúðirnar 3.000?
Loks sagði Dagur þegar hann var spurður hvar 3.000 leigu-
íbúðirnar væru sem hann lofaði fyrir fjórum árum: „Við erum
með sérstakan fund þar sem við gerum grein fyrir því hver
framvindan er í húsnæðismálum.“ Það bar svo við að skýrsla
var lögð fyrir borgarráð dagsett 6. mars. Þar eru 179 glærur en
hvergi á þeim er minnst á leiguíbúðirnar 3.000 sem lofað var.
Eingöngu tilteknar íbúðir sem Félagsbústaðir hafa keypt. Þær
ná ekki 10% af því sem stefnt var að. Svarið blasir því við: Ekki
tókst að efna stærsta kosningaloforð Samfylkingarinnar fyrir
síðustu kosningar. Ef lítið samhengi er milli orða og athafna þá
eru orðin tóm.
Eftir Eyþór Arnalds
»Reyndar er
það svo að
Íslendingum í
Reykjavík
fækkaði á síð-
asta ári um 740
manns sem er
meira en nemur
öllum íbúum
Seyðisfjarðar.
Höfundur er oddviti Sjálfstæðisflokksins í Reykjavík.
Dagur og
staðreyndirnar
Eyþór Arnalds