Morgunblaðið - Sunnudagur - 22.04.2018, Side 37

22.4. 2018 MORGUNBLAÐIÐ SUNNUDAGUR 37
LEIKLIST Edie Falco, sem þekkt er fyrir leik sinn í þátt-
um á borð við The Sopranos og Nurse Jackie, kveðst
ekki hafa haft mikið sjálfstraust þegar hún var að fikra
sig áfram í leiklist í háskóla. Fannst allir í kringum sig
mun öruggari með sig. Í samtali við breska blaðið The
Guardian lýsir hún því að dag einn hafi raddþjálfarinn
hennar dregið hana afsíðis og trúað henni fyrir því að
hún kynni meira fyrir sér í leiklist en allir hinir í hópn-
um og enginn þar væri þess umkominn að kenna henni.
„Núna er hann fallinn frá en þvílík áhrif sem orð hans
höfðu á mig; bæði voru þau góð fyrir sjálfstraustið, auk
þess sem þau sannfærðu mig um að ég vissi hvað ég væri
að gera,“ segir Falco, sem leikur einmitt kennara í nýj-
ustu kvikmynd sinni, Outside In.
Var á réttri braut
Edie Falco.
AFP
SJÓNVARP Killing Eve, nýju spennuþættirnir frá
BBC, hafa fengið prýðilega dóma en fyrsti þátturinn
af átta fór í loftið fyrr í þessum mánuði. Hermt er af
njósnaranum Eve Polastri, sem Sandra Oh leikur, og
glímu hennar við siðlausan launmorðingja, Villanelle,
sem leikin er af Jodie Comer, en konurnar eru hug-
fangnar hvor af annarri. „Tælandi og óvænt. Nálgun
Killing Eve á njósnari gegn njósnara-konseptinu
umbunar áhorfendum með djörfum og skemmtilegum
þætti sem dregur loksins það besta fram í Söndru
Oh,“ segir í gagnrýni Rotten Tomatoes. Oh, sem er
kanadísk af kóresku bergi brotin, er líklega þekktust
fyrir hlutverk sitt sem Cristina Yang í Grey’s An-
atomy.
Dregur fram það besta í Söndru Oh
Sandra Oh fær góða dóma fyrir Killing Eve.
AFP
Svo lengi sem það eru ekki hel-vítis Axarskaftarnir þá verðég sáttur,“ sagði æskuvinur
minn og sló sér á lær. Við vorum að
ræða hvaða tónlist við gætum hugs-
að okkur að láta flytja yfir okkur
látnum og ég verð að viðurkenna að
ég þurfti að opna gömul og rykfallin
hólf í minnisbankanum til þess að
átta mig á því hvað maðurinn var að
fara. Já, Accept, sagði ég loksins
sigri hrósandi. Hann kallaði þá
frómu sveit alltaf Axarskaftana í
gamla daga.
„Nú, eða japönsku gaurarnir í
spandexinu. Hvað hétu þeir aftur?“
Loudness.
„Já, einmitt. Ég myndi vilja
sleppa við þá líka.“
Þeir eru löngu búnir að hrista
spandexið af sér, spila bona fide
þrass í dag, svaraði ég, án þess að
líta á mig sem sérstakan málsvara
þeirra hávaðunga. En rétt skal vera
rétt.
Vinurinn var ekki sannfærður.
„Nú, eru þeir ennþá starfandi?“
Heldur betur. Eins og svo margar
af þessum eitíshetjum í málminum.
Það er með ólíkindum hvað þetta lið
er slitgott.
„Segðu,“ sagði annar æskuvinur.
„Fyrir tíu árum drifum við bróðir
minn okkur ásamt konunum til
Kaupmannahafnar til að sjá Kiss í
hinsta sinn. Þeir voru þá á lokatúrn-
um. Við hefðum átt að flýta okkur
meira, þessi túr stendur ennþá yfir.“
Það eru góðar fréttir fyrir okkur
sem höfum bundið okkar trúss við
Slayer, en lokatúr þeirrar goðsagna-
kenndu sveitar er í þann mund að
hefjast og mun teygja anga sína
hingað upp á skerið í sumar. Mögu-
lega verður Slayer enn að kveðja ár-
ið 2028. Lokalokatónleikar í Fólk-
vangi á Kjalarnesi yrðu vel þegnir.
Slay-ist yrði um miðana.
En aftur að Axarsköftunum, sem
svo eru nefndir. Langt er síðan mér
hefur verið hugsað til þessara þýsku
höfðingja, hvað þá sett þá á fóninn,
Metal Heart, Fast as a Shark og allt
það stöff. Auðvitað eru þeir ennþá
starfandi en söngvarinn, sem heitir
því tilkomumikla nafni Udo Dirk-
schneider, er þó horfinn frá borði og
starfrækir eigið band, U.D.O. Ruglið
því alls ekki saman við U.F.O. Það er
allt önnur Ella. Kaninn Mark Tor-
nillo þenur nú barkann með Accept.
Þjóðverjar, sem eru vitaskuld
málmelskir inn að beini, voru býsna
atkvæðamiklir á þessum árum, það
er eitís-tímanum. Munaði þar ekki
síst um Klaus Meine og félaga í
Scorpions, sem eru enn að, sjötugir.
Nema hvað?
Þá má ekki gleyma Doro Pesch,
en konur eru sem kunnugt er sjald-
séðari en hvítir hrafnar í málm-
heimum, og bandinu hennar, War-
lock. Þegar að er gáð heyrir það
sögunni til en Doro er enn í fullu
fjöri og sendi síðast frá sér sólóskífu
árið 2012, Raise Your Fist.
Lengi býr að fyrstu gerð.
Udo karlinn Dirk-
schneider hefur
engu gleymt. Nýorð-
inn 66 ára gamall.
Allt nema Axar-
skaftana, takk!
Málmynjan geðþekka Doro Pesch.
Af sálmi
Orri Páll
Ormarsson
orri@mbl.is
Leikarinn William H. Macy hefur verið að máta sig
við leikstjórastólinn undanfarin misseri milli þess
sem hann túlkar hinn sjónumhrygga en úrræðagóða
Frank Gallagher í sjónvarpsþáttunum Shameless.
Nýjasta mynd Macys, Krystal, var frumsýnd í Banda-
ríkjunum á dögunum. Um er að ræða gamanmynd
sem fjallar um táninginn Taylor (Nick Robinson) sem
glímir við krónískar hjartsláttartruflanir sem valda
honum talsverðum óþæg-
indum, einkum þegar hann er
undir álagi, án þess þó að hann
sé í bráðri lífshættu. Hjartað
hraðskreiða er að vonum ber-
skjaldað líka eins og kemur í ljós
þegar hann kynnist gullfallegri
eldri konu á ströndinni, Krystal
(Rosario Dawson). Sú hefur
marga fjöruna sopið; er einstæð
móðir, fíkill í bata og fyrrver-
andi strippari.
Taylor fellur að vonum kylli-
flatur fyrir Krystal og freistar
þess að ná ástum hennar, við
litlar vinsældir þeirra nánustu,
beggja vegna. Harðsnúinn fyrr-
verandi kærasti Krystal (rapp-
arinn T.I.) hefur til dæmis engan
húmor fyrir samdrætti þeirra
skötuhjúa. Og sá er frægur fyrir að
vera laus höndin.
Leikur sjálfur í myndinni
William H. Macy leikur sjálfur í
myndinni, föður Taylors, og einnig
koma við sögu Felicity Huffman
(eiginkona Macys), sem margir
muna eftir úr Aðþrengdum eig-
inkonum, en hún leikur móður
Taylors, og Kathy Bates, sem leikur
yfirmann Taylors, sem hefur djúpar
áhyggjur af drengnum. Þá er gamla
körfubolta- og kyntröllið Rick Fox
á svæðinu; leikur karakter með því
skemmtilega nafni Bo. Hvort sá
segir „go“ fylgdi ekki sögunni.
NÝ MYND EFTIR WILLIAM H. MACY
Hjartað slær ört
og óreglulega
Hjónakornin Felicity Huff-
man og William H. Macy. AFP
AFP
Nick Robinson og Rosario Dawson í sínu fínasta pússi á
frumsýningu Krystal vestur í Bandaríkjunum á dögunum.
HAGI ehf Stórhöfða 37 • 110 Reykjavík • S. 414-3700 • hagi@hagi.is • Hagi ehf HILTI
Hágæða
vinnuföt
í miklu úrvali
Sérmerkjum fyrir fyrirtæki
Verkfæri og festingar
Mikið úrval af öryggisvörum
Nú fástS s vinnuföt í