Peningamál - 01.11.2004, Page 71

70 PENINGAMÁL 2004/4
Hægt er að koma framangreindum upplýsingum á
framfæri með margvíslegum hætti, s.s. í ársskýrslu, á
veraldarvefnum eða með öðrum hætti allt eftir
ákvörðun eftirlitsyfirvalda. Séu upplýsingarnar settar
fram í ársskýrslu þurfa bankar að útskýra muninn á
upplýsingum skv. eiginfjárreglunum og skýringum
með ársreikningi.
Lokaorð
Á Íslandi gilda eiginfjárreglur Fjármálaeftirlitsins
fyrir fjármálafyrirtæki sem hér starfa. Reglur Fjár-
málaeftirlitsins eru byggðar á tveimur tilskipunum
Evrópusambandsins (ESB) sem m.a. fjalla um eigin-
fjármálefni. Þær tilskipanir sem hér um ræðir eru
annars vegar tilskipun 2000/12/EB um stofnun og
rekstur lánastofnana (2000/12) og hins vegar tilskip-
un 93/6/EBE um eiginfjárkröfur fjárfestingarfyrir-
tækja og lánastofnana (93/6). Eiginfjárákvæði tilskip-
ana 2000/12 og 93/6 byggjast að stórum hluta á eig-
infjárreglum Basel-nefndarinnar (Basel I).
Samhliða vinnu Basel-nefndarinnar að nýjum eig-
infjárreglum hefur Framkvæmdastjórn ESB unnið að
endurskoðun á eiginfjárákvæðum tilskipana 2000/12
og 93/6 með það að markmiði að samræma eiginfjár-
ákvæðin nýjum eiginfjárreglum Basel-nefndarinnar
(Basel II). Þannig hefur innihald nýrra eiginfjárreglna
Basel-nefndarinnar gildi fyrir íslensk fjármálafyrir-
tæki þótt reglurnar hafi ekki lagagildi hérlendis.
Tillögur Basel-nefndarinnar um nýjar eiginfjárreglur
(Basel II) er að finna á: http://www.bis.org.