Peningamál - 01.11.2004, Page 80

PENINGAMÁL 2004/4 79
Ágúst 2004
Hinn 9. ágúst var hlutafé KB banka hf. í Kauphöll
Íslands hækkað um sem nam kr. 1.101.371.280 að
nafnverði, sem skiptist í 110.137.128 hluti. Skráð
hlutafé félagsins á aðallista Kauphallar Íslands eftir
hækkunina var kr. 5.506.856.400 að nafnverði, eða
550.685.640 hlutir.
Hinn 12. ágúst gerði Íslandsbanki hf. tilboð í hlutafé
Kredittbanken A/S í Noregi á verðinu 7,25 norskar
krónur á hlut. Tilboðið nam rúmum 3,5 ma.kr. fyrir
allt hlutafé í bankanum. Stjórn Kredittbanken mælti
með tilboðinu við hluthafa en það var háð fyrirvara
um samþykki 90% hluthafa og samþykki fjármála-
eftirlita í Noregi og á Íslandi.
Hinn 23. ágúst tilkynnti KB banki hf. að hann hygðist
bjóða viðskiptavinum sínum verðtryggð húsnæðislán
til 40 ára með 4,4% fasta vexti að uppfylltum
ákveðnum skilmálum. Í kjölfarið buðu hinir við-
skiptabankarnir og sumir sparisjóðir og lífeyrissjóðir
áþekk lán. Vextirnir sem boðnir voru lækkuðu síðan
niður í 4,2% undir lok mánaðarins í kjölfar útboðs
Íbúðalánasjóðs á íbúðabréfum.
Hinn 30. ágúst staðfesti alþjóðlega matsfyrirtækið
Fitch Ratings lánshæfiseinkunnir sínar fyrir Íslands-
banka hf., A fyrir skuldbindingar til langs tíma og
F1 fyrir skammtímaskuldbindingar. Jafnframt var
tilkynnt að horfur um lánshæfismatið væru stöð-
ugar.
September 2004
Hinn 17. september tilkynnti Seðlabanki Íslands
hækkun vaxta bankans í endurhverfum viðskiptum
við lánastofnanir um 0,5 prósentur í 6,75% frá og
með 21. september. Aðrir vextir bankans voru einnig
hækkaðir um 0,5 prósentur frá og með 21. september.
Hinn 27. september jók Íslandsbanki hf. hlutafé sitt
um 200 m.kr. að nafnverði. Skráð hlutafé félagsins á
aðallista Kauphallar Íslands eftir hækkunina var 10,2
ma.kr. að nafnverði. Meðalsöluverð hvers hlutar var
10,80 kr.
Hinn 29. september tilkynnti KB banki hf. að kaup
hans á danska bankanum FIH A/S hefðu verið sam-
þykkt af danska og íslenska fjármálaeftirlitinu og
væru að fullu gengin í gegn samanber tilkynningu frá
14. júní síðastliðnum. Samkvæmt tilkynningunni
voru kaupin að mestu fjármögnuð með útgáfu
víkjandi skuldabréfa og hlutafjárhækkun til forgangs-
réttarhafa.
Hinn 30. september var hlutafé Straums Fjárfest-
ingarbanka hf. hækkað og nam eftir hækkun 5,4
ma.kr. að nafnverði. Hinir nýju hlutir voru m.a. not-
aðir sem greiðsla vegna kaupa á 14,41% hlutafjár í
Íslandsbanka hf. af Burðarási hf. sem seldi 5,33%,
Landsbanka Íslands hf. sem seldi 4,67% og Lands-
banka Luxembourg sem seldi 4,42%.
Hinn 30. september var settur á stofn markaður með
stofnbréf Sparisjóðs Reykjavíkur og nágrennis hjá
H.F. Verðbréfum.
Október 2004
Hinn 1. október var fjárlagafrumvarp fyrir árið 2005
lagt fram. Gert var ráð fyrir 11,2 ma.kr. tekjuafgangi.
Í frumvarpinu var kynnt stefna ríkisstjórnarinnar í
ríkisfjármálum fyrir árin 2005 til 2008.
Hinn 6. október var hámarksfjárhæð lána frá Íbúða-
lánasjóði, bæði til kaupa á nýju og notuðu húsnæði,
hækkuð í 11,5 m.kr. Jafnframt var ákveðið að almenn
lán og viðbótarlán gætu að hámarki numið 13 m.kr.
Hinn 15. október var hlutafé KB banka hf. í Kauphöll
Íslands hækkað um sem nam 1,1 ma.kr. að nafnverði.
Annáll efnahags- og peningamála