Morgunblaðið - 01.06.2018, Page 30

S
tundum getur það gerst að allir heimsins fiskar
virðast forðast skipin eins og heitan eldinn. Þá
er líkt og veiðarfærin verði að skrautbúnaði á
skipinu og tíminn varla líður. Ef svo ber undir
er gott að hafa eitthvað að gera til að stytta
stundirnar á meðan beðið er eftir næstu torfu. Hér eru
nokkrir hlutir sem eru ómissandi í langan túr.
Spjaldtölva
Góð spjald- eða fartölva er staðalbúnaður fyrir hvern
mann og konu nú á gervihnattaöld. Gott er að hafa
nokkrar góðar kvikmyndir eða þáttaseríur til reiðu
þegar maður hefur stund aflögu.
Melódíka
Ef listamaðurinn vill láta ljós sitt skína er sniðugt
að hafa hljóðfæri til staðar til að svala þörfinni. Þá er gam-
an að geta slegið gítarleikurunum við með góðu melódíku-
spili í matsalnum.
Pípa
Það er fyrir löngu vitað að allir sjómenn reykja pípu eins og
strompur. Gott er að mæta klyfjaður af hágæða tóbaki svo
birgðirnar klárist ekki á leiðinni.
Útvegsspilið
Ef öll áhöfnin er í pásu er tilvalið að taka spil. Gamla góða út-
vegsspilið hefur aldrei klikkað enda tímalaus klassík.
Prjónar og garn
Það er upplagt að nota langar stundir til að prjóna flíkur á vini og
vandamenn. Bestur er íslenski plötulopinn ætli maður að
prjóna peysu.
Ritsafn Þorsteins
frá Hamri
Ef bíómyndagláp, tónlist eða
reykingar vekja ekki áhug-
ann er lestur eina leiðin.
Ritsafn Þorsteins frá
Hamri er úrvals lesning en
safnið inniheldur þrettán
ljóðabækur, þrjár skáld-
sögur og þjóðlegan sagna-
hátt.
teitur@mbl.is
Ómissandi hlutir í túrinn
30 MORGUNBLAÐIÐ FÖSTUDAGUR 1. JÚNÍ 2018
Eltak sérhæfir sig í sölu
og þjónustu á vogum
Atvinna
Egersund Ísland var stofnað árið 2004 og hefur síðan þá framleitt og þróað veiðarfæri og búnað til uppsjávarveiða.
Egersund Ísland er hluti af Egersund Group sem stofnað var árið 1952. Egersund og dótturfyrirtæki þess eru leiðandi
fyrirtæki á sviði framleiðslu og þróunar veiðarfæra.
www.egersund.is
OKKAR HÆFNI – ÞINN HAGUR