Morgunblaðið - 22.06.2018, Blaðsíða 6

6
N Ý F O R M
h ú s g a g n a v e r s l u n
Strandgötu 24 | 220 Hafnarfjörður | Sími 565 4100 | nyform.is
Komið og skoðið úrvalið
Opið virka daga
10-18
laugardaga
11-15
Klassísk gæða
hönnun á
góðu verði
Höskuldur Daði Magnússon
hdm@mbl.is
Íslendingar virðast drekka meira í
tengslum við HM í knattspyrnu nú
en þeir gerðu þegar EM fór fram
fyrir tveimur árum. Alls seldust
428.733 lítrar af áfengi í verslunum
ÁTVR fyrstu vikuna meðan á HM í
knattspyrnu stóð, dagana 14.-19.
júní. Það er þó nokkuð meira en
seldist fyrstu vikuna á EM árið 2016,
dagana 10.-15. júní, en þá seldust
416.424 lítrar af áfengi.
Samkvæmt upplýsingum frá
Sveini Víkingi Árnasyni, fram-
kvæmdastjóra hjá ÁTVR, ber að líta
til þess að 17. júní bar upp í fyrstu
vikunni á HM í ár. Hann segir að
erfitt sé að bera saman tímabil þeg-
ar svo ber við. Sveinn bendir jafn-
framt á að salan í Vínbúðunum
fyrstu fimm mánuði ársins hafi auk-
ist um 2,35% frá sama tíma í fyrra.
Þá hafi um það bil 4,5% söluaukning
verið milli áranna 2016 og 2017. Eins
ber að taka tillit til þess að útlit er
fyrir að færri Íslendingar fari sem
áhorfendur til Rússlands en á mótið
í Frakklandi.
Þegar rýnt er í sölutölur frá
ÁTVR fyrir umrædd tímabil kemur í
ljós að mest seldist föstudaginn 15.
júní síðastliðinn, alls 171.512 lítrar af
áfengi. Það gerir hann að þriðja
söluhæsta deginum í Vínbúðunum í
ár. Sá söluhæsti var miðvikudag-
urinn 28. mars, dagurinn fyrir
páskaleyfi, þegar 265.491 lítri seld-
ist. Söluhæsti dagurinn fyrstu vik-
una á EM var opnunardagur móts-
ins en þá seldust 144.910 lítrar af
áfengi í Vínbúðunum.
Meiri áfengissala í
kringum HM en EM
Morgunblaðið/Heiddi
Áfengissala Margir lögðu leið sína
í Vínbúðirnar þegar HM hófst.
 Aukin sala í
Vínbúðunum í ár
Þorgrímur Kári Snævarr
thorgrimur@mbl.is
Magnús Gylfason, formaður lands-
liðsnefndar KSÍ, sem staddur er í
Rússlandi ásamt íslenska karla-
landsliðinu í knattspyrnu, segir and-
rúmsloftið gott og mikla bjartsýni
ríkja fyrir leikinn afdrifaríka gegn
Nígeríu í dag. Argentínumenn biðu
ósigur gegn Króötum í gær og því
hefur niðurstaða leiksins gegn Níg-
eríu mikið um það að segja hvort Ís-
land kemst áfram í 16 liða úrslit.
Magnús er einnig framkvæmda-
stjóri fiskvinnslunnar Svalþúfu ehf.
og sem slíkur hefur hann unnið tals-
vert að því að selja og flytja út skreið
til Nígeríu frá Íslandi.
Hann segir þó fótbolta og yfirvof-
andi leik Íslands og Nígeríu lítið
hafa borið á góma í samræðum við
viðskiptavini sína.
„Þetta eru ekki miklir fótbolta-
menn sem ég er að díla við,“ sagði
Magnús. „Ég er búinn að vera í yfir
20 ár í viðskiptum í Nígeríu en þeir
sem ég hef verið að skipta við hafa
lítið verið að tala um fótbolta. Aftur
á móti veit ég að það eru framleið-
endur mættir hingað frá Íslandi
meðan á heimsmeistarakeppninni
stendur. Ég held að þeir ætli að
reyna að hitta einhverja við-
skiptamenn frá Nígeríu, kannski
einhverja sem ég þekki. En ég er al-
veg fastur hérna með landsliðinu.“
Magnús segir að fótbolti hafi ein-
staka sinnum borist í tal við við-
skiptavini en ekki í miklum mæli.
Hann heldur áfram: „Þetta er svo
stórt land og svo ofboðslegur fjöldi
að það er óvíst að það sé mikill fót-
bolti þar sem við erum að selja fisk-
inn. Þessir gæjar sem við erum mest
að skipta við hafa hingað til ekki ver-
ið að spá í þessu.“
Frábær stemning
Magnús segir stemninguna í
Volgograd frábæra. „Það er loka-
undirbúningur í gangi núna og mikil
bjartsýni fyrir leikinn. Allir hafa
fulla trú á okkar liði og á að strák-
arnir okkar verði tilbúnir á morgun.
Þetta er samt allt í einum hnút.
Þetta veltur alltaf á okkur sjálfum,
hvernig við stöndum okkur.“
Lítið spjallað
um fótbolta við
Nígeríumenn
 Formaður landsliðsnefndar hefur
selt skreið til Nígeríu í rúm 20 ár
Morgunblaðið/Skapti Hallgrímsson
Fótbolti Magnús Gylfason er með
landsliðinu í Rússlandi.
Nína Guðrún Geirsdóttir
ninag@mbl.is
Landsmenn geta átt von á fínu veðri
í dag meðan á viðureign Íslands og
Nígeríu stendur. Ljóst er að rign-
ingin mun halda sig til hlés meðan á
leiknum stendur og má þakka fyrir
það. Á suðvestur- og suðausturhorn-
inu á að rigna með morgninum en
ætlað er að það stytti upp með deg-
inum og muni haldast þurrt fram á
laugardag. Það verður því líkast til
skýjað og um 10° stiga hiti á höf-
uðborgarsvæðinu þegar blásið verð-
ur til leiks í dag í Volgograd.
Á Vestfjörðum ætti að vera bjart-
ara yfir þó ekki sé víst að sólin láti
sýna sig. Besta veðrið verður þó
norðan- og austanlands en á Akur-
eyri gæti hitinn náð 14 gráðum og
gera má ráð fyrir 20 stiga hita á Eg-
ilsstöðum.
Risaskjáir víðsvegar
Hægt verður að fylgjast með
leiknum á risaskjáum á nokkrum
stöðum á höfuðborgarsvæðinu. Í
Garðabæ verður leikurinn sýndur á
Garðatorgi, þar sem búast má við að
veitingahúsin á torginu verði með
mat á boðstólum. Í Hafnarfirði verð-
ur leikurinn aftur sýndur á Thors-
plani. Þá verður leikurinn sýndur á
Melavellinum svonefnda, við Vestur-
bæjarlaugina í Vesturbænum, þar
sem einhverjar veitingar verða seld-
ar á staðnum.
Stemning á HM torgunum
Búast má við áframhaldandi
stemningu á HM torgunum í miðbæ
Reykjavíkur. Í Hljómskálagarðinum
eru aðeins sýndir leikir Íslands en á
Ingólfstorgi eru allir leikir mótsins
sýndir. Í Hljómskálagarðinum verða
hoppukastalar og leiktæki fyrir
börnin ásamt veitingasölu. Þá mun
Magni Ásgeirsson mæta með hljóm-
sveit sinni Radspitz og munu þeir
flytja lagið Áfram Ísland, sem samið
var sérstaklega fyrir mótið. Þar er
jafnframt stefnt að því að sýna upp-
hitun RÚV fyrir leikinn.
Morgunblaðið/Kristinn Magnússon
Stuð Það rigndi duglega á gesti HM torgsins á fyrsta leik Íslands. Veðrið verður hinsvegar milt og þurrt í dag.
Veðurblíða meðan
á leiknum stendur
 Ekki von á rigningu í dag þegar landsleikurinn fer fram
Sumarið er sannarlega komið í
Volgograd þar sem landsleik-
urinn mun eiga sér stað. Hiti
gæti farið upp í 31 stig seinni-
partinn í dag og fylgir hitanum
mikill raki.
Einnig má gera ráð fyrir að
rykmý haldi áfram að stríða
leikmönnum íslenska liðsins,
sem hafa kvartað undan áreiti
flugna við æfingar í Rússlandi.
Rykmý má finna víða við ár og
vötn en leikurinn fer fram í
Volgograd Arena, nærri ánni
Volgu.
Íslendingar
spila í rúss-
neskum hita
RYKMÝ OG MIKILL HITI
MORGUNBLAÐIÐ FÖSTUDAGUR 22. JÚNÍ 2018
Yfir 80 milljónir króna söfnuðust í
fyrra í átakinu „Á allra vörum“
með frjálsum framlögum, sölu á
varaglossum og varahlutum, auk
þess sem fyrirtækjum gafst kostur
á að bjóða í sjaldgæfa og verðmæta
hluti.
Meðal þessara hluta voru takka-
skór Gylfa Þórs Sigurðssonar sem
hann notaði í leikjum sínum með
Everton. Það var Keiluhöllin í Eg-
ilshöll sem bauð hæst í þessa merki-
legu skó og voru þeir afhentir með
formlegum hætti á dögunum fyrir
HM.
Átakið hefur styrkt Kvenna-
athvarfið og byggingu nýs hús-
næðis fyrir konur og börn þeirra,
sem eiga ekki í öruggt skjól að
venda að lokinni dvöl í athvarfinu.
Takkaskór Gylfa enduðu í Keiluhöllinni
Stuðningur Fulltrúar átaksins Á allra
vörum, ásamt Sigmari Vilhjálmssyni.