Morgunblaðið - 22.06.2018, Blaðsíða 31

MENNING 31
MORGUNBLAÐIÐ FÖSTUDAGUR 22. JÚNÍ 2018
/////////////////////////////////////////////////////////////////////////////////////////////////////////////////////////
///////////////////////////////////////////////////////////////////////////////////////////////////////////////////////////
Ragnhildur Þrastardóttir
ragnhildur@mbl.is
„Um leið og ég fagna þessum tímamótum í
sögu Stefs finnst mér svolítið sorglegt að ég
sé fyrsta konan sem tek við þessu starfi. Það
hefði mátt gerast miklu fyrr að kona tæki við
formannsstarfinu,“ segir Þórunn Gréta Sig-
urðardóttir, tónskáld og nýkjörinn stjórnar-
formaður Stefs. „Konur hafa lagt mikið af
mörkum til íslensks tónlistarlífs í marga ára-
tugi en þeim gengur samt sem áður ekki eins
vel og körlum að koma sér á framfæri í þess-
um bransa. Þær ná til dæmis ekki jafn mikilli
spilun á íslenskum stöðvum og karlar og fá
meðal annars af þeim sökum minni höfundar-
réttartekjur.“
Minni spilun óháð gæðum
Þórunn segir minni spilun á verkum tónlist-
arkvenna ekki tengjast verðleikum þess efnis
sem þær sendi frá sér. „Að mínu mati hefur
það ekkert með gæði að gera þar sem mörg af
stærstu nöfnunum í íslensku tónlistarsenunni
eru konur. Við þurfum öll að vera meðvituð
um það að við þurfum að greiða fyrir því að
konur fái spilun og að þær nái að koma sinni
tónlist á framfæri til jafns við karla.“
Þórunn segist ætla að starfa sem formaður
með hagsmuni allra rétthafa að leiðarljósi.
„Það sem mér finnst skipta máli er að við
náum að halda fókusnum á heildarhags-
munum rétthafa höfundarréttar. Einn meg-
intilgangur Stefs gengur út á að auka tekjur
íslenskra höfunda af verkum sínum.“
Innt eftir því hvort það verði ekki sífellt
erfiðara að standa vörð um höfundarréttinn
segir Þórunn að það sé það svo sannarlega
rétt. „Það er náttúrlega sótt að höfundarrétt-
inum úr öllum áttum en það skiptir máli að
reyna að hugsa lausnamiðað í því samhengi.“
Hún segir að tónlistarfólk þurfi að einbeita
sér að því að finna aðrar leiðir til að hagnast á
sköpun sinni en þá að selja plötur. „Þó að
langflestum finnist sorglegt að plötusala sé
ekki lengur ein helsta tekjulind tónlistarfólks
þá verðum við að halda áfram og spá í hvað
geti komið í staðinn fyrir plötusöluna. Við
stöðvum ekki þessa þróun, held ég. Samt sem
áður er alveg hægt að leita annarra leiða en
við höfum bara ekki fundið þær enn þá.“
Formaður Tónskáldafélags Íslands
Tvö aðildarfélög koma að Stefi, annars veg-
ar Tónskáldafélag Íslands og hins vegar Fé-
lag tónskálda og textahöfunda. Þá er þriðji
rétthafahópurinn þeir sem standa utan
aðildarfélaga. Þórunn kom inn í stjórn Stefs
þegar hún var formaður Tónskáldafélags Ís-
lands árið 2015 svo hún hafði kynnst starf-
seminni nokkuð vel áður en hún tók við for-
mannsstarfinu. Samhliða nefndarstörfum er
Þórunn tónskáld og píanóleikari en hún segir
tímann til eigin sköpunar vera nokkuð naum-
an eftir að hún tók við formannsstarfinu. „Ég
er mjög þakklát fyrir þetta traust og hlakka
mikið til að takast á við starfið en geri mér þó
grein fyrir því að það er ekki gott að stjórn-
unarstörfin taki yfir allt annað. Það er mik-
ilvægt að fólk sem gegnir stjórnunarstöðum
af þessum toga missi ekki samband við tón-
listarlífið. Svo er líka gott að það sé ekki alltaf
sama fólkið í stjórnunarstöðum og að fleiri
komi að þeim.“
Fyrsta konan í formannssæti Stefs
 Vill starfa með hagsmuni rétthafa að leiðarljósi  Nauðsynlegt að finna nýjar leiðir til að hagnast
Morgunblaðið/Kristinn Magnússon
Formaður Þórunn Gréta segir að það þurfi að hugsa lausnamiðað um tekjulindir tónlistarfólks.
Ragnhildur Þrastardóttir
ragnhildur@mbl.is
Böguhópurinn er nýstofnuð hljóm-
sveit sem mun flytja dagskrána
Bach og bögur á sunnudaginn í
Hóladómkirkju. Hljómsveitin er
sannkölluð fjölskylduhljómsveit en
hún samanstendur af dætrum, dótt-
ursonum og eiginkonu Sigursveins
Magnússonar ásamt honum sjálfum.
Þau vinna öll við tónlist, að frátöld-
um drengjunum sem eru níu og tólf
ára. „Það fer ekkert á milli mála að
við vinnum öll við tónlist. Það er
annað hvort lán eða ólán, það fer
bara eftir því hvernig á það er litið,“
segir Sigursveinn.
Fyrstu tónleikar á heilsuhæli
Hljómsveitin var stofnuð í vor
þegar Sigrún, kona Sigursveins,
dvaldi á Heilsuhælinu í Hveragerði.
„Þar var henni falið að sjá um
kvöldvöku. Þá fékk hún mig til liðs
við sig og síðar dætur mínar, Diljá
og Ólöfu, ásamt drengjunum hennar
Diljár, Sigursvein og Jakob.“ Tón-
leikarnir á kvöldvökunni gengu
prýðilega og í kjölfarið ákvað fjöl-
skyldan að spila aftur á tónleikum.
Efnið á dagskrá tónleikanna er að
stórum hluta sótt til barokktímans
og í íslensk þjóðlög, vísur og kveð-
skap frá fyrri tíð. „Það sem er
skemmtilegt við það er að við mun-
um flytja íslensk þjóðlög sem eru
skrifuð upp eftir fólki úr nærliggj-
andi sveitum við Hóla,“ segir Sig-
ursveinn.
Útsetningar á íslenskum lögum
sem hljómsveitin flytur á tónleik-
unum eru mestmegnis þeirra eigin.
„Allan þjóðararfinn sem við erum
með höfum við sett saman sjálf, við
setjum þetta saman í tvær lagasyrp-
ur og búum til svona bálk úr því þar
sem eitt tekur við af öðru og það er
bæði sungið og spilað.“
Spila öll hvert á sitt hljóðfærið
Hljóðfærin sem hljómsveitin spil-
ar á eru langt frá því að vera einsleit.
Diljá Sigursveinsdóttir spilar á fiðlu,
Jakob Árni Kristinsson spilar á
saxófón, Ólöf Sigursveinsdóttir spil-
ar á selló, Sigrún Valgerður Gests-
dóttir syngur og spilar á langspil,
Sigursveinn Valdimar Kristinsson
spilar á gítar og Sigursveinn Magn-
ússon syngur og spilar á orgel og
langspil. „Við skiptumst svolítið á,
erum ekki alltaf öll að spila í einu en
það kemur þó alveg fyrir að við leik-
um öll á hljóðfæri í einu,“ segir Sig-
ursveinn sem er himinlifandi yfir því
að fá að spila á tónleikum í Hóladóm-
kirkju með fjölskyldunni sinni.
Ánægð með að spila á Hólum
„Við erum mjög þakklát fyrir
tækifærið sem við fáum með því að
sjá um þessa tónleika. Bæði stað-
urinn og kirkjan eru alveg einstök
og það er mikil helgi yfir þessum
stað. Við erum bara upp með okkur
að fá að spila þarna, í ljósi sögunnar
og svona.“
Tónleikarnir verða eftir messu í
Hóladómkirkju á sunnudaginn og
hefjast klukkan fjögur. Þessa dag-
ana stendur yfir sumartónleikaröð í
Hóladómkirkju þar sem haldnir eru
tónleikar vikulega.
Fjölskylda Böguhópurinn kemur fram í annað sinn á sunnudaginn. Biskupinn á Hólum hvatti hópinn til að spila.
Tónelsk fjölskylda sem
stofnaði hljómsveit
 Íslensk þjóðlög í bland við barokk í Hóladómkirkju