Morgunblaðið - Sunnudagur - 01.07.2018, Blaðsíða 10

Forsetinn fimmtugur
Guðni Th. Jóhannesson, forseti Ís-
lands, fagnaði fimmtugsafmæli sínu á
þriðjudag. Hann heimsótti m.a. börn-
in á Barnaspítala Hringsins, sem
gáfu honum köku í tilefni dagsins, og
horfði með þeim á landsleik Íslands
og Króatíu á HM.
Verðlaun í Vallanesi
Eymundur Magnússon, bóndi í Valla-
nesi á Fljótsdalshéraði, var verðlaun-
aður á viðburði á Norður-Ítalíu fyrir
ræktun skógar og skjólbelta í land-
búnaði og fyrir að hafa skapað skil-
yrði fyrir sjálfbæra matvælafram-
leiðslu í Vallanesi.
Styttri dvalartími
Afgreiðslutími til-
hæfulausra umsókna um
alþjóðlega vernd hjá Út-
lendingastofnun hefur
styst í fjóra daga það sem
af er árinu 2018 úr 69
dögum að meðaltali árið 2017. Hlutfall slíkra umsókna frá öruggum upp-
runaríkjum hefur lækkað úr 52% árið 2017 í 26% á fyrstu fjórum mánuðum
ársins 2018. Þetta kom fram í svari Sigríðar Á. Andersen dómsmálaráð-
herra við fyrirspurn Ólafs Ísleifssonar þingmanns.
Merkur
fundur
Skreyttur
bronskambur
frá 12. eða
13. öld fannst
við uppgröft í
Þingeyra-
klaustri.
VIKAN SEM LEIÐ
10 MORGUNBLAÐIÐ SUNNUDAGUR 1.7. 2018
VETTVANGUR
Opið: 8-18 virka daga 10-14 á laugardögum Síðumúla 22 | Sími 517 0404 | serefni.is
Veldu betri málningu
Ný kynslóð málningarefna
SUPERMATT
Almött þekjandi viðarvörn
Djúp og falleg áferð – ekkert endurkast
Í þessari viku fóru nokkrar þjóðir heim frá HM.Þar á meðal við Íslendingar. Það munaði ekkimiklu en þetta féll bara ekki með okkur núna.
Strákunum var vel tekið og allir helsáttir við frammi-
stöðu þeirra og fullir af stolti yfir því að eiga lið á
stærsta sviði heims.
Ég fór út að sjá leikinn við Króata þar sem við
hefðum með smá heppni getað unnið og komist í sex-
tán liða úrslit. Og það á kostnað Argentínu! Það tókst
ekki og eftir stóðum við á pöllunum og klöppuðum
fyrir drengjunum okkar sem höfðu gefið allt í þetta.
Það var stutt í tárin hjá mörgum. Þrátt fyrir allt
svekkelsið fann maður samt meira fyrir stolti.
Það er nefnilega býsna fjarri því að það sé á ein-
hvern hátt sjálfsagt að Íslendingar séu að keppa á
þessu móti. Þess vegna stillum við kröfum okkar í
hóf. Auðvitað hefði verið frábærlega meiriháttar að
fara lengra en það er fjarri því að vera eðlileg krafa.
Daginn eftir voru það Þjóðverjar sem pökkuðu nið-
ur í töskurnar sínar og komu sér heim. Þeir fengu að
heyra það. Þeir væru ofdekraðir aumingjar og ættu
helst allir að hætta í fótbolta. Allra mest þó pungþefj-
andi þjálfarinn þeirra. Metnaðarlausir, latir og hug-
myndasnauðir. Það var það sem þeir fengu að heyra.
Vonbrigði Þjóðverja eru mikil. Þeir eru náttúrlega
ríkjandi heimsmeistarar og sem slíkir ættu þeir svo-
sem að komast uppúr riðlinum. Þar í landi virðast
menn líta svo á að allt annað en sigur sé einhverskon-
ar skandall. Þeir eru í raun komnir á þann stað að
fagna ekki lengur sigri, því hann sé eðlilegt ástand.
Svo eru það aðrar þjóðir eins og Englendingarnir,
sem hafa ákveðið að drekkja sér í pressu frá sjálfum
sér. Þegar enska liðið er að spila tapast leikgleðin í
einu löngu stresskasti yfir móttökunum ef þeir kæm-
ust ekki lengra. Og þessar móttökur eru ekkert grín.
Ég las einu sinni ævisögu Davids Beckhams (vonandi
samt bara fyrsta bindi af þremur, enda var hann tæp-
lega þrítugur þegar hún kom út) þar sem hann lýsti
aðkastinu sem hann varð fyrir eftir atvik á HM 1998.
Beckham missti stjórn á sér í leik Englands og Arg-
entínu í 16-liða úrslitum, sparkaði í áttina að leik-
manni Argentínu, var spjaldaður og sendur út af.
England tapaði leiknum í vítaspyrnukeppni og þar
með var draumurinn úti og martröðin rétt að byrja
hjá Beckham. Þarna var hann 23 ára, látinn bera
ábyrgðina á enn einum hrakförum Englands á stór-
móti í fótbolta og það segir sennilega mikið um kar-
akter hans að hafa lifað þetta af, bæði andlega og sem
fótboltamaður.
Andrés Escobar, fyrirliði kólumbíska landsliðsins á
HM 1994, slapp ekki eins vel. Liði hans var spáð
mjög góðu gengi, en Escobar skoraði sjálfsmark gegn
Bandaríkjamönnum og tap í leiknum kostaði liðið sæti
í 16-liða úrslitum. Fyrsta sjálfsmark hans á ferlinum
og það eina því hann var myrtur í Medellín tíu dögum
síðar.
Þegar maður hugsar um þessa hluti er ekki óeðli-
legt að velta fyrir sér hvort ekki sé betra að vera
bara aðeins minni. Gera sér grein fyrir því að það er
ýmislegt merkilegra í lífinu en fótbolti. Gleðjast yfir
öllum sigrum, fagna í marga daga þegar við komumst
á stórmót. Fara svo út til að styðja sitt lið og taka við
úrslitunum með stolti. Mögulega svekkt en samt allt-
af fyrst og fremst ánægð að hafa fengið svona stórt
tækifæri. Og láta sig dreyma …
Fegurðin í smæðinni
Logi Bergmann
logi@mbl.is
Á meðan ég man
’Vonbrigði Þjóðverja eru mikil. Þeir eru náttúrlega ríkjandi heimsmeistarar og sem slíkir ættu þeir svosem að komast uppúr riðlinum. Þar í landi virðastmenn líta svo á að allt annað en sigur sé einhverskonar skandall. Þeir eru í raunkomnir á þann stað að fagna ekki lengur sigri, því hann sé eðlilegt ástand.
UMMÆLI VIKUNNAR
’Hvar eru Íslendingarnir íþessari brjáluðu blíðu? Hákon Guðröðarson, hóteleigandi
í veðurblíðunni í Neskaupstað.
SÍGILDIR SUNNUDAGAR
Fyrsta flokks
kammertónlist
Sígildir sunnudagar eru klassísk
tónleikaröð þar sem boðið er upp
á fjölbreytt úrval kammertónleika.
Sunnudaga
kl. 17:00 í Hörpu
Atvinna
Vatnsöryggið á oddinn
Smáríkjafundur Alþjóðaheilbrigðis-
málastofnunarinnar var haldinn í
Reykjavík. Á fundinum var undirrituð yf-
irlýsing um aukna áherslu á vatnsöryggi
meðal ríkjanna og miðar hún að því að
bregðast við auknum áhrifum loftslags-
breytinga á vatn og vatnsöryggi þeirra.