Morgunblaðið - 24.08.2018, Síða 6

Árneshreppur á Ströndum
NORÐURFJÖRÐUR
REYKJARFJÖRÐUR
IN
GÓ
LF
SF
JÖ
RÐ
UR 1
2
5
4
6 7
8
3
Djúpavík
Gjögur
Kjörvogur
Flugvöllur
1. Krossnes
2. Verslun/kaffihús/
Bergistangi
3. Steinstún
4. Melar 1 og 2
5. Árnes 1 og 2
6. Bær
8. Litla-Ávík
7. Finnbogastaðir
Ágúst Ingi Jónsson
aij@mbl.is
Enn fækkar bændum í Árneshreppi
á Ströndum, en þau Hávarður Bene-
diktsson og Sveindís Guðfinnsdóttir,
bændur í Kjörvogi, hafa ákveðið að
bregða búi í haust og flytja til
Hólmavíkur. „Ástæðan er fyrst og
fremst sú að aldurinn færist yfir og
þetta er orðið ágætt,“ segir Sveindís
í samtali við blaðamann, en þau Há-
varður hafa búið í Kjörvogi í yfir 40
ár.
Á síðustu árum hafa bændur hætt
búskap á Finnbogastöðum, Bæ,
Krossnesi og öðru heimilinu í Ár-
nesi. Í vetur verður búið áfram með
sauðfé í Steinstúni, Melum, Árnesi
og Litlu Ávík.
Sumar og vetur eins
og svart og hvítt
„Þetta er fámenn sveit, allt að
verða erfiðara og börnin fyrir löngu
farin að heiman. Það er ekki trega-
laust sem við förum, en þetta er
bara svona og kannski það sem
verður. Landið minnkar til dæmis
ekkert sem þarf að smala og sums
staðar eru reglur um hversu lengi
fólk megi vinna, “ segir Sveindís.
Bæði hún og Hávarður eru frá Ár-
nesi, þannig að ræturnar liggja í
hreppnum.
Göngur eru fram undan og bænd-
ur í Árneshreppi smala inn að Kald-
bak og norður í Eyvindarfjörð. Í
Kjörvogi voru 220-30 ær á húsum í
fyrravetur og segir Sveindís að féð
verði ýmist selt til lífs eða það fari í
sláturhús.
Þau hafa verið með afgreiðslu og
flugumsjón á flugvellinum á Gjögri í
tæp 20 ár, en þangað flýgur Flug-
félagið Ernir einu sinni í viku yfir
sumartímann, en tvisvar í viku yfir
veturinn. Sveindís hefur verið flug-
vallarstjóri og segir að Isavia muni
væntanlega ráða í starfið á næst-
unni. Hávarður og fjölskylda sóttu
lengi sjó frá Norðurfirði en hættu
því fyrir nokkrum árum.
Sveindís tekur undir að það sé
tvennt ólíkt, eins og svart og hvítt,
að dvelja í Árneshreppi í paradís
sumarsins og einangrun vetrarins.
Vegurinn úr Bjarnarfirði norður í
Árneshrepp hefur verið ruddur einu
sinni frá hausti fram til 5. janúar en
ekkert eftir það fram til 20. mars.
Morgunblaðið/Sigurður Bogi
Breytingar Þau Sveindís Guðfinnsdóttir og Hávarður Benediktsson, bændur í Kjörvogi, taka við póstinum á flug-
vellinum á Gjögri fyrir fimm árum, en þar hafa þau sinnt þjónustu og afgreiðslu í tæplega 20 ár.
Enn fækkar bænd-
um í Árneshreppi
 Kveðja Kjörvog með trega  Búið verður með sauðfé á
fjórum bæjum  Hafa unnið við flugvöllinn á Gjögri í 20 ár
6 FRÉTTIRInnlent
MORGUNBLAÐIÐ FÖSTUDAGUR 24. ÁGÚST 2018
Rafport ehf • Auðbrekka 9-11 • 200 Kópavogur • Sími 580 1900 • rafport@rafport.is
Með free@home hefur aldrei verið auðveldara og
hagstæðara að stjórna heimilinu, sumarbústaðnum
eða fyrirtækinu.
Ertu að byggja, breyta eða bæta?
Endilega kynntu
þér málið.
Snjalllausnir – nútíma raflögn
Skólahald verður ekki í Árneshreppi í
vetur, en tveir nemendur voru í skól-
anum á Finnbogastöðum í fyrravetur.
Eitt barn er á grunnskólaaldri í
hreppnum og verða þær mæðgur Jó-
hanna Engilráð Hrafnsdóttir og Elín
Agla Briem á Drangsnesi. Þær verða
áfram með lögheimili í Árneshreppi,
þar sem Elín Agla er vigtarmaður og
hafnarstjóri í Norðurfirði.
„Það er afskaplega sorglegt að
skólahald skuli ekki verða í hreppn-
um í vetur,“ segir Eva Sigurbjörns-
dóttir, oddviti í Árneshreppi. „Það er
tæpast gerlegt fyrir okkur sem sam-
félag að halda úti skóla með eitt barn
og félagslega er það varla hollt fyrir
barn að vera eitt í skóla. Ég er enn að
vona að það fjölgi aftur hjá okkur,
maður á aldrei að gefa upp vonina og
ég leyfi mér að láta bjartsýnina ráða.“
Unnið að námskeiðahaldi
Eva segir að unnið sé að því að
halda námskeið í skólanum fyrir börn
og unglinga og jafnvel fullorðna.
Fyrsta námskeiðið verði í september
fyrir börn 10 ára og eldri m.a. í sam-
starfi við grunnskólann á Drangsnesi
og tengist efni þess heimasmölun og
haustverkum í sauðfjárrækt með
sögulegu ívafi. Fleiri námskeið séu í
undirbúningi og ekki skorti hug-
myndir, sem skemmtilegt geti verið
að taka fyrir. Margir koma að því að
þróa starfsemi í skólanum til fram-
tíðar með breyttu sniði.
Spurð um fjölda íbúa í Árneshreppi
segir Eva að nú séu 47 manns með
lögheimili í hreppnum, en hart var
deilt um skráningu fólks á lögheimili
fyrir sveitarstjórnarkosningar síð-
asta vor. „Fyrir utan þá sem voru af-
skráðir fyrir kosningar hafa ein-
hverjir skipt um lögheimili, sem segir
einhverja sögu,“ segir Eva.
Spurð hvort sameining við önnur
sveitarfélög, til dæmis Strandabyggð,
komi til greina, segir Eva: „Nei, ekki
að svo komnu máli, við eigum hér
óleyst mál sem við þurfum að leysa,“
og vísar þar til m.a. áforma um Hval-
árvirkjun í Ófeigsfirði. Hún segir að
fækkun sveitarfélaga hafi lengi verið
til umræðu og segist meðvituð um að
Árneshreppur verði hugsanlega sam-
einaður öðrum.
Eins og áður hafa margir ferða-
menn lagt leið sína í Árneshrepp í
sumar en þeim er farið að fækka. Frá
Norðurfirði hafa strandveiðibátar ró-
ið, en vertíð þeirra lýkur í lok mán-
aðarins. Einhverjir sem eigi kvóta
muni þó róa fram í september.
Eva segir að síðustu daga hafi ver-
ið erfiðleikar í Norðurfirði með nýleg-
an löndunarkrana, sem er knúinn raf-
magni. Bilunin segi svolítið um
hvernig sveiflandi eins fasa rafmagn
virki í Árneshreppi.
Blendnar tilfinningar
„Skólasetningin á Drangsnesi á
miðvikudag var mjög falleg, en fyrir
okkur mæðgur voru tilfinningarnar
blendnar,“ segir Elín Agla Briem,
sem síðustu ár hefur starfað í Finn-
bogastaðaskóla. Eftir óvissu með
skólahald fram eftir sumri síðustu ár
hafi ævinlega ræst úr, en við skóla-
setninguna hafi henni endanlega orð-
ið ljóst að ekki yrði skóli í Árnes-
hreppi í vetur.
Hún rifjar upp að skólahald hófst á
Finnbogastöðum 1929 eða fyrir tæp-
um 90 árum. Guðmundur Þ. Guð-
mundsson hafði annast farkennslu í
sveitinni, en vegna erfiðleika við
skólahaldið ákvað hann að beita sér
fyrir því að koma upp föstu skóla-
húsnæði og byggði heimavistarskóla
fyrir eigin reikning. Hann hóf
kennslu í nýju skólahúsi haustið 1929,
en saga þess húss varð skammvinn
því það brann 1933. Guðmundur
byggði nýtt skólahús skömmu seinna
og er það að meginhluta það hús sem
kennt var í þar til síðasta vor.
Búa áfram í Árneshreppi
Að lokinni skólasetningu á Drangs-
nesi keyrði Elín Agla norður í Norð-
urfjörð og vann við löndun fram á
kvöld. Næstu daga muni hún fara á
milli Drangsness og Norðurfjarðar
þar til haustvertíðinni lýkur. Hún og
Jóhanna ætli sér að búa áfram í Ár-
neshreppi og stefna á að fara sem oft-
ast norður um helgar. „Ég á reyndar
eftir að sjá hvernig það gengur og
veit ekki hvort það verður rutt eftir
áramót vegna barns sem vill komast
heim til sín,“ segir Elín Agla.
Hún segir óljóst hvað hún taki sér
fyrir hendur á Drangsnesi. Vinna við
sundlaugina eða við beitingu komi til
greina, en í símaskrá er hún titluð
þjóðmenningarbóndi. aij@mbl.is
Ekkert skólahald
á Finnboga-
stöðum í vetur
 Sorgleg staða  Í skóla á Drangsnesi
Löng saga Skólahald hófst á Finn-
bogastöðum árið 1929.
Höskuldur Daði Magnússon
hdm@mbl.is
Ráðast þarf í verulegar umbætur
á vestursvæðum Seltjarnarness
þar sem meðal annars er að finna
vinsælt útivistarsvæði við Gróttu.
Þetta er mat Karenar Maríu
Jónsdóttur, varabæjarfulltrúa
sem situr í umhverfisnefnd bæj-
arins.
Karen ritar grein í Nesfréttir
þar sem hún segir að stöðugur
straumur ferðamanna út í Gróttu
kalli á aðgerðir, komið sé að þol-
mörkum. Segir hún að kríur ráð-
ist á dróna til að verja varp sitt,
ruslatunnur séu yfirfullar og upp-
lýsingar skorti um umgengni.
„Hvergi er hægt að sinna grunn-
þörfum svo sem leita skjóls, fara á
klósett eða fá sér að borða,“ skrif-
ar varabæjarfulltrúinn.
Hún leggur til að veginum niður
að Snoppu, þar sem nú er bíla-
stæði, verði lokað en þess í stað
verði bílastæði við húsið Ráða-
gerði sem bærinn festi nýlega
kaup á. Þar verði jafnframt mið-
stöð þar sem gestir verði upplýstir
um svæðið og umgengni þar.
Leggur Karen til að sótt verði um
fé í Framkvæmdasjóð ferða-
mannastaða og þetta svæði verði
sett á forgangslista yfir áfanga-
staði á höfuðborgarsvæðinu sem
byggja þarf upp.
Vill loka veginum að
Gróttuvita vegna ágangs
 Komið að þolmörkum vegna stöðugs straums fólks
Morgunblaðið/Hari
Grótta Vestursvæðin á Seltjarnarnesi
njóta mikilla vinsælda til útivistar.