Morgunblaðið - Sunnudagur - 26.08.2018, Blaðsíða 15

26.8. 2018 MORGUNBLAÐIÐ SUNNUDAGUR 15
„Þvílík lífsreynsla. Bláa lóninu má ekki sleppa. Vel skipu-
lagt, nútíma- og hátæknilegt. Lónið umvafði mann eftir
stutta sturtu og göngutúr úr búningsklefanum. Allir í lón-
inu voru að njóta sín.“ (Bandaríkin)
„Var ekki viss við hverju ætti að búast þar sem ég hafði lesið
gagnrýni á langar biðraðir og mannfjölda. Við komum um
kvöld, litlar biðraðir og nóg pláss. Mjög slakandi lífs-
reynsla.“ (Írland)
„Skemmtilegt og slakandi. Eftir lónið, maska og vínglas leið
okkur eins og eftir heila viku í heilsulind. Veitingastaður með
frábært útsýni, nokkuð dýrt en þess virði.“ (Pólland)
„Ég myndi aldrei mæla með þessum
stað fyrir það sem kostar þarna inn.
(…) Ofurmarkaðssett saltvatnslaug.“
(Bandaríkin)
„Ef ég sé einhvern taka sjálfu eða
mynd einhvern tímann aftur er það of
mikið. Það eina sem við sáum í lóninu
var myndavélar.“ (Bretland)
„Algjör túristagildra. Þessi staður
skyggir á yndislegu minningarnar
um Ísland.“ (Pakistan)
Morgunblaðið/Árni Sæberg
Of margar sjálfur
Ef „ferðamannagildra“ eða „tourist trap Iceland“ er slegið inn á ensku á samfélagsmiðl-
inum Twitter birtast skrif í miklum meirihluta um einn stað, Bláa lónið. Þessi einn vinsæl-
asti áfangastaður erlendra ferðamanna fær þó góðar umsagnir frá meiriparti ferðamanna.
86 prósent gefa lóninu fimm eða fjórar stjörnur á til dæmis Tripadvisor. Hin fjórtán pró-
sentin, sem segja Bláa lónið í meðallagi gott, slakt eða hræðilegt, tæplega 1.700 manns,
gagnrýna staðinn einkum fyrir of hátt gjald, mannfjölda, of margar sjálfsmyndatökur gesta
og flókna búningsklefa. Á þriðja hundrað manns segja Bláa lónið einfaldlega hræðilegt.
„Ótrúleg sýn, svo mikill kraftur og útsýnið
er óviðjafnanlegt.“ Danmörk
„Ég var ekki viss um að ég ætti að fara og
sjá þennan foss. Við vorum við Geysi en
ákváðum að slá til. Það hefði verið dauða-
synd ef við hefðum misst af þessu. Þetta er
ólýsanlegt.“ (Holland)
„Ótrúlegasti foss sem ég hef séð á ævi minni
og vinnur Niagara-fossana.“ (Kína)
„Slysin bíða eftir að verða. Ég skil ekki af hverju ekk-
ert er gert til að gera þennan stað, sem Íslendingar
vita að þúsundir ferðamanna heimsækja, öruggari.“
(Kanada)
„Fossinn sjálfur er fallegur. Það sem eyðilagði ferðina
var allt þetta fólk og stundum hegðun þess. ... Allir að
ýta og troðast.“ (Nýja-Sjáland)
„Þessi foss er allt í lagi en farðu miklu frekar að sjá
Skógafoss.“ (Belgía)
Morgunblaðið/Ómar
Slys bíða eftir að verða
Ferðamenn hafa herjað á Suðurlandið öðrum landshlutum fremur. Skiljanlega hafa því
áfangastaðir sunnanlands fengið mestu umfjöllunina erlendis og það á einnig við um
fossana okkar. Gullfoss er langmest í umræðunni enda hluti af Gullna hringnum og afar
vel þokkaður. Skógafoss kemur næstur á eftir. Og er ekki Gullfoss einfaldlega fullkominn?
Næstum öllum finnst það. Nema 232 af 10.900 notendum Tripadvisor sem finnst hann í
besta falli „lala“ og jafnvel bara glataður. Þar spila slæmar einkunnir vegna öryggismála
við fossinn og mannmergð inn í.
„Svo fallegt, hvaðan sem þú horfir á
það, fullkomið myndefni, árið um
kring. Eitt af undrum náttúrunnar.“
(Malasía)
„Fáránlega fótógenískt fjall … Við
komum hingað því myndir af þessu
fjalli eru úti um allt Instagram. Var
þess virði!“ (Suður-Afríka)
„Ekkert sérstakt. Ég verð að vera sammála nokkrum hér
sem eru heiðarlegir. Hvað er svona merkilegt við þetta
fjall? Hefði ég ekki lesið mér til og vitað hvar ætti að leita
að því hefði ég keyrt framhjá. Það er ekkert meira öðruvísi
en önnur þau fjöll sem ég hef séð.“ (Bandaríkin)
„Satt best að segja er þetta rétt þess virði til að stoppa og
taka eina mynd, engin ástæða til að eyða tíma þarna.“
(Þýskaland)
Morgunblaðið/RAX
Jafnvel fjöll fá einkunn
Stundum er talað um Kirkjufell við vestanverðan Grundarfjörð sem eitt mest myndaða
fjall landsins. Fjallið hefur fengið mikla umfjöllun og umsagnir síðustu árin og fyrir utan
að fjallið er sérstakt og fagurt hefur það líka aðdráttarafl að það er einnig þekkt sem
Arrowhead-fjallið úr sjónvarpsþáttunum Game of Thrones. Langflestir ferðamenn eru
ánægðir þegar þeir berja það eigin augum.
„Staðurinn er undurfagur – ljósmyndir geta ekki gert fegurð lónsins skil.
Þú verður að fara þangað og fellur í stafi.“ (Kanada)
„Þessi staður er af öðrum heimi, ótrúlega fagur.“ (Ástralía)
„Farðu til Íslands bara fyrir þetta. Þetta er einfaldlega ótrúlegt. Ísjakarnir
bíða þess að komast út á sjó og ef þú hlustar vel geturðu heyrt þá brotna.
Við sáum einnig seli.“ (Frakkland)
„Ekki ferðarinnar frá
Reykjavík virði. Jú
þarna er lón og vissu-
lega er ís þarna en þetta
leit bara út eins og
brotnir ísmolar að
hringsnúast í vatni.“
(Bretland)
Morgunblaðið/RAX
Fullkomið Jökulsárlón
Til allrar hamingju fær íslensk náttúra svo fínar umsagnir að það kolefnisjafnar stóran
hluta umfjöllunar um að það að ferðast hingað svíði inn að beini fjárhagslega. Meðan það
eru ekkert endilega hundrað prósent allir hrifnir af Þingvöllum, Gullfossi eða Bláa lóninu
er þó einn staður á Íslandi sem fær toppumsagnir frá öllum, sé litið til vinsælustu
einkunnagjafa erlendra ferðamanna á Tripadvisor og Google Review ásamt umsögnum
ferðamanna á samfélagsmiðlum svo sem Twitter og Facebook. Það er Jökulsárlón, en til að
mynda gefa 98% notenda Tripadvisor lóninu toppeinkunn, segja það framúrskarandi eða
mjög gott. Örfáar hræður segja lónið í „meðallagi“.