Skírnir - 01.09.2011, Síða 48

278
SVANUR KRISTJÁNSSON
SKÍRNIR
veiða mætti og ennfremur sett reglur um leyfilega sókn tiltekinna
gerða fiskiskipa. Um önnur meginatriði fiskveiðistefnunnar skyldi
ráðherra leggja fyrir Alþingi tillögu til þingsályktunar og tilgreina
m.a. hvort úthluta skyldi aflamagni á einstök skip. Hafa skyldi
samráð við sjávarútvegsnefndir Alþingis um framkvæmd á ákvæð-
um greinar þessarar og skyldi nefndunum gerð grein fyrir reynslu
og árangri aðgerða á hverjum tíma (Alþingistíðindi 1983-1984 A2:
1352-1353).
Þingmennirnir Steingrímur J. Sigfússon, Geir Gunnarsson og
Hjörleifur Guttormsson báru einnig fram breytingatillögu og
fylgdu þar með ekki að málum flokksbróður sínum í Alþýðubanda-
laginu sem stóð með ríkisstjórnarflokkunum. Efnislega svipaði til-
lögu þremenninganna úr Alþýðubandalaginu mjög til breytinga-
tillögunnar sem áður var getið. I báðum var lagt til að stefnumörkun
væri í höndum Alþingis en ráðherra framkvæmdi vilja þess. Til
viðbótar vildu þingmenn Alþýðubandalagsins að í upphafi laganna
kæmi ný grein: „Fiskveiðilandhelgi Islands og auðlindirnar eru
þjóðareign, sameign allra íslendinga" (Alþingistíðindi 1983-1984
A2: 1361).
í atkvæðagreiðslu var báðum breytingatillögunum hafnað með
miklum mun. I grófum dráttum studdu þingmenn stjórnarandstöð-
unnar tillögurnar en stjórnarþingmenn voru á móti. Þingmenn
Alþýðubandalagsins höfðu engu að síður talsverða sérstöðu. Eins og
fyrr var getið var Garðar Sigurðsson í liði ríkisstjórnarinnar í mál-
inu. Þar að auki sátu þrír þingmenn flokksins — Steingrímur J. Sig-
fússon, Svavar Gestsson og Geir Gunnarsson — hjá í atkvæða-
greiðslu um breytingatillögu Kjartans, Guðmundar og Kristínar.
Við lokaafgreiðslu málsins lýstu nokkrir stjórnarþingmenn efa-
semdum um frumvarpið. Þar á meðal voru nafnarnir Matthías Á.
Mathiesen, þingmaður Sjálfstæðisflokksins fyrir Reykjanes og
viðskiptaráðherra, og Matthías Bjarnason, þingmaður Sjálfstæðis-
flokksins fyrir Vestfirði og heilbrigðis- og tryggingaráðherra. Sá
síðarnefndi gerði svofellda grein fyrir atkvæði sínu:
Herra forseti. I gildandi lögum um fiskveiðilandhelgi Islands eru miklar og
víðtækar heimildir fyrir sjávarútvegsráðherra, sem hafa æ síðan verið
notaðar. Mér er ekki kappsmál að koma á kvótafyrirkomulagi, en eins og