Skírnir - 01.09.2011, Qupperneq 151

SKÍRNIR
MANNABORN ERU MERKILEG
381
Mól hann gott og vegsemd votta
vökuorðum híngað norður
sólnaflotar, svo að gráta
saungvabaldar og spilla kvöldum.
Haldið gat til arinelda
andans frú er nefnist Trúa.
Áheyrendur úti á ströndum
yglibrýndir kvæði venda.
Ef til vill má taka svo saman: Landkönnuður Furðustranda mól24
gott [aflaði vel] og sólnaflotar votta vegsemd (með) vökuorðum
híngað norður, svo að saungvabaldar [söngvarar, góðskáld] gráta
og spilla kvöldum (en) andans frú er nefnist Trúa gat haldið til arin-
elda. Áheyrendur úti á ströndum venda kvæði yglibrýndir.
Það er að segja: Suðrænar sólir vitna af slíkum firnakrafti um
afrek Halldórs og dýrð að íslensk skáld gráta hástöfum. Menn
ornuðu sér við trúna. En nesjamenn fúlsa við skáldskapnum.
Þú bítur hvern kalinn kvist ...
Kvæðið „Borodin“ er trúlega lítt skiljanlegt þeim sem ekki fylgdust
af lífi og sál með alþjóðahreyfingu kommúnista á þriðja áratugnum.
Þetta er eitt af örfáum kvæðum Halldórs frá þessum tíma sem eru
tiltölulega lokuð öllum almenningi áttatíu árum síðar. Hver er hann
til að mynda þessi Borodin sem ávarpaður er? Ef trúa má upp-
lýsingum á vefnum er líklega einna helst um að ræða Mikhail
Borodin, rússneskan stjórnmálamann sem var ,sendimaður‘ Kom-
intern á þriðja áratugnum, meðal annars í Mexíkó og Kína. Hann
endaði líf sitt í gúlaginu 1951.25 Fyrra erindið hljóðar svo:
Þú græddir upp ljóðastraums gullmörk
með göllum á freraslóð,
og þeystir á magnaðri risareið
og ræddir um hverablóð
vígfimri varptólsmund.
24 mala, mól: „Eiga þeir að mala landinu gull og gróða með skrifvélunum eins og
forðum kvörnin Grótta,“ segir í Suðra 1885: 98. OHÍ.
25 Sbr. Wikipediu: http://en.wikipedia.org/wiki/Mikhail_Borodin.