Ægir - 01.10.2018, Blaðsíða 118

„Frá upphafi höfum við lagt megin-
áherslu á að framleiða fiskvinnsluvélar
sem skili notendum aukinni nýtingu og
að þær sé stöðugar í rekstri, þ.e. að svo-
kallaður uppitími sé sem lengstur. Hvert
brot úr prósenti sem okkur tekst að ná í
aukinni nýtingu skilar sér í ennþá hærri
prósentutölu í verðmætaaukningu og
þegar um er að ræða mikið magn í
vinnslu þá verður ávinningurinn mikill
á ársgrundvelli,“ segir Bjarmi Sigur-
garðarsson hjá fyrirtækinu Vélfagi í
Ólafsfirði. Fyrirtækið hefur á síðustu ár-
um selt vélbúnað sinn í bæði land-
vinnslur og frystiskip hér á landi og er-
lendis en Vélfag framleiðir flökunarvél-
ar, roðdráttarvélar og hausara. Meðal
nýlegra frystitogara með búnaði fyrir-
tækisins má nefna Berlin og Cuxhaven,
togara DFFU í Þýskalandi og Sólberg ÓF,
frystitogara Ramma hf.
Take Control tölvustýringarkerfið
mikil bylting
Bjarmi segir mikla áskorun að framleiða
vélasamstæðu í frystiskip enda mikil
vinnsla allan sólarhringinn og skipin í
löngum túrum á fjarlægum miðum. „Vél-
arnar okkar hafa staðið sig mjög vel og
með þeirri tækni sem er í dag þá getum
við með auðveldum hætti tengt okkur
við þær, lagfært eða stillt ef á þarf að
halda. Þannig fylgjum við þjónustunni
eftir, hvar sem skipin eru í heiminum, ef
svo má segja,“ segir Bjarmi.
Vélfag framleiðir hausara og flökun-
arvélar fyrir bolfisk í tveimur stærðum,
M705 og M725 og sú síðarnefnda er sér-
staklega miðuð við vinnslu á stórum
fiski. Þá framleiðir fyrirtækið tvær gerð-
ir af roðdráttarvélum, M805 og M825.
Á síðustu árum hefur fyrirtækið þró-
að tölustýrt gæða- og stjórnkerfi fyrir
sínar vélar, svokallað Take Control kerfi,
sem Bjarmi segir að hafi skilað bylting-
arkenndum framförum í þróun vélanna.
Notendur geti nú með einföldum hætti
unnið á skjá með alla stillingar og kallað
fram fjölþættar upplýsingar um vinnsl-
una.
„Með tölvustýringunum getum við
náð enn lengra en með mekaníska bún-
aðinum í því að auka nýtingu í vinnsl-
unni. Ég var þess fullviss á sínum tíma
að Take Control tölvustýringin skilaði
góðum árangri, betri skurði og meiri
nýtingu en get alveg viðurkennt að ár-
angurinn er jafnvel enn meiri en ég
bjóst við. Ávinningurinn er margþættur
af þessari tækni; meiri hraði, rekjanleiki,
hægt að breyta stillingum með auðveld-
ari hætti og þannig má áfram telja. Og
þessi tækni mun vafalítið opna ennþá
meiri möguleika til áframhaldandi þró-
unar á vélbúnaðinum, til hagsbóta fyrir
notendur vélanna. Tölvustýringar eru
núna komnar í allar okkar vélar, mis-
munandi útfærð kerfi eftir hverri vélar-
tegund fyrir sig,“ segir Bjarmi.
Víða tækifæri
Aðspurður segist Bjarmi vænta þess að
meiri áhersla verði á næstunni í fram-
leiðslu véla fyrir landvinnsluna, sam-
hliða vélum fyrir sjóvinnslu.
„Ég sé markaði fyrir okkar vélbúnað
víða, bæði á sjó og í landi, hérlendis og
erlendis, fyrir eldisfisk og villtan fisk.
Tækifærin eru því næg en að undan-
förnu höfum við einbeitt okkur að vélum
fyrir vinnsluskipin og erum ánægð með
hvernig búnaðurinn reynist notendum,“
segir Bjarmi.
velfag.is
Hvert prósentubrot í nýt-
ingu er mikill ávinningur
Flökunarvél að taka á sig mynd hjá starfsmönnum Vélfags.
Bjarmi Sigurgarðarsson í Vélfagi. „Ég
sé markaði fyrir okkar vélbúnað
víða, bæði á sjó og í landi, hérlendis
og erlendis, fyrir eldisfisk og villtan
fisk. Tækifærin eru því næg.“
118
Sjávarútvegur
á 100 ára afmæli fullveldis Íslands