Dagblaðið Vísir - DV - 16.11.2018, Blaðsíða 6

6 16. nóvember 2018FRÉTTIR
á þinni leið
Á ÞINNI LEIÐ
HRINGDU Í SÍMA 522 4600
TAKTU KRÓK Á
LEIÐARENDA
Krókur hf. er fyrirtæki sem að hefur sérhæft sig í flutningum og björun
ökutækja. Félagið rekur einnig þjónustumiðstöð fyrir tjónaökutæki þar
sem veitt er ahliða þjónusta í meðhöndlun thónabifreiða og annarra
birfreiða samkvæmt óskum viðskiptavina.
Krókur búður m.a. uppá:
• Starfsmenn sem eru þjálfaðir og reyndir í bíla- og tækjaflutningum
• 24 stunda þjónustu allt árið um kring
• björgunarþjónustu og aðstoð ef bílar bila eða flytja þar þá á verkstæði
Krokur.net / Suðurhraun 3 / 210 Garðarbær
Vottun hf. missti faggildingu
sína hjá Einkaleyfastofu
n Gildistöku laga um jafnlaunavottun frestað um eitt ár n „Það vaknar
enginn einn daginn án faggildingar“
U
m miðjan september
missti vottunarfyrirtækið
Vottun hf. faggildingu
sína á vottun stjórnunar-
kerfa frá Einkaleyfastofu. Fram-
kvæmdastjóri fyrirtækisins Vott-
unar hf. segir að faggildingin hafi
einfaldlega runnið út og ekki hafi
náðst í tæka tíða að taka út starf-
semina svo faggildingin yrði
framlengd. Heimildir DV herma
hins vegar að brotalamir á út-
tektar- og vottunarferli fyrirtæk-
isins hafi gert það að verkum að
það reyndist nauðsynlegt að fella
niður faggildingu þess. Í lögum
um faggildingu segir: „Þá getur
faggildingarsvið fellt niður fag-
gildingu ef skilyrði fyrir veitingu
hennar eru ekki lengur uppfyllt
eða faggiltur aðili hefur stórfellt
eða ítrekað brotið ákvæði laga,
reglugerðar, staðla og reglna sem
gilda um faggildingu eða skilyrði
þau sem sett hafa verið fyrir fag-
gildingu hans“.
Eina faggilta vottunarstofa
landsins um árabil
Fyrirtækið Vottun hf. var stofnað
árið 1991 og hefur, að eigin sögn,
verið frumkvöðull og leiðandi í
vottun stjórnunarkerfa á Íslandi
og vottað á níunda tug fyrirtækja
og stofnana. Á grundvelli fag-
gildingarinnar um vottun stjórn-
unarkerfa hefur Vottun hf. haft
undanþáguheimild til þess að
veita fyrirtækjum jafnlaunavottun.
Sú undanþága er því ekki í gildi
lengur og óljóst hvaða áhrif niður-
felling hefur á fyrirtæki sem hlot-
ið hafa vottun fyrirtækisins, enda
hefur fyrirtækið ekki starfað í sam-
ræmi við þær kröfur sem gerð-
ar eru til vottunarstofa. Stærsti
eigandi fyrirtækisins er Sam-
tök iðnaðarins en einnig eru Fé-
lag atvinnurekanda, Viðskipta-
ráð Íslands, Nýsköpunarmiðstöð
Íslands og Samtök fjármálafyrir-
tækja í eigendahópnum.
Vottun hf. hefur um árabil verið
eina faggilta vottunarstofa lands-
ins. Að auki hefur BSI á Íslandi
haft umboð fyrir BSI Group sem
veitt hefur vottanir hér á landi.
Þessi fyrirtæki hafa nýtt sér áður-
nefnda undanþáguheimild í lög-
um um jafnlaunavottun til þess
að veita fyrirtækjum og stofnun-
um jafnlaunavottun í samræmi
við lög þess efnis sem lögfest voru
í júní 2017. Markmið laganna er að
vinna gegn kynbundnum launa-
mun og stuðla að jafnrétti kynj-
anna á vinnumarkaði.
Samkvæmt lögunum þurftu öll
fyrirtæki með 250 starfsmenn eða
fleiri að vera komin með slíka jafn-
launavottun í lok þessa árs. Alls
voru um 142 fyrirtæki skyldug til
þess að fá slíka jafnlaunavottun
fyrir ársloks 2018 ellegar var heim-
ilt að beita fyrirtækin dagsektum.
Aðeins hafa 39 fyrirtæki hlotið
slíka vottun í dag en vottunarferlið
er langt og tímafrekt. Í ljósi stöðu
Vottunar hf. var útilokað að fyrir-
tæki gætu fengið jafnlaunavott-
unina í tæka tíð. Þessi staða er að
öllum líkindum ástæða þess að
Ásmundur Einar Daðason, ráð-
herra málaflokksins, ákvað að
fresta gildistöku jafnlaunalaganna
um eitt ár í vikunni. Aukinn frestur
nær til einkafyrirtækja og stofn-
ana, óháð stærð þeirra, en ekki
opin berra stofnana, sjóða og fyrir-
tækja í eigu ríkisins.
Vaknar enginn einn daginn án
faggildingar
Í samtali við DV segist Elías
M. Erlendsson, sviðsstjóri fag-
gildingarsviðs Einkaleyfastofu,
ekki geta tjáð sig um einstök til-
vik. Einkaleyfastofa þurfi að fara
að stjórnsýslulögum varðandi
ákvarðanir sínar og því sé ferlið
langt og strangt. „Venjulega fá að-
ilar faggildingu til fjögurra ára. Ef
ekki næst að ljúka skoðunum þá
getur faggildingin runnið út. Aðil-
ar geta líka brotið af sér og gert eitt-
hvað sem er algjörlega á skjön við
faggildinguna. Það er að minnsta
kosti ljóst að það vaknar enginn
einn daginn án faggildingar, þetta
er langt ferli,“ segir Elías.
„Faggildingin rann út hjá okkur.
Það er búin að fara fram endur-
úttekt á skrifstofunni hjá okkur
og við erum bjartsýnir á að fá fag-
gildinguna aftur,“ segir Kjartan J.
Kárason, framkvæmdastjóri Vott-
unar, í samtali við DV. Hann seg-
ist þó gera sér grein fyrir því að
ferlið sé tímafrekt. „Endurúttekt-
in fór fram 26. september síðast-
liðinn. Það voru engar brotalamir
varðandi úttektirnar okkar,“ segir
Kjartan. Aðspurður hvort fyrirtæk-
ið hafi hætt við að votta fyrirtæki
í ljósi faggildingarmissisins segir
Kjartan: „Ef við ætlum að fá fag-
gildinguna þá þurfum við að geta
sýnt fram á að við séum hæfir til
þess að framkvæma slíkar vottanir.
Eina leiðin sem er fær er að votta
fyrirtæki úti í bæ. Það þarf að afla
sér reynslu.“ n
Björn Þorfinnsson
bjornth@dv.is
Kjartan J. Kárason, framkvæmdastjóri
Vottunar hf.
Vottun hf.
Er til húsa í húsnæði Nýsköpunarmiðstöðvar
Íslands í Keldnaholti.
Vörumerki Vottunar hf.