Dagblaðið Vísir - DV - 16.11.2018, Blaðsíða 70
70 FERÐALÖG 16. nóvember 2018
Átta vinsælir en ofmetnir ferðamannastaðir
Fjölmargir sem heimsækja New York-borg telja það heilaga skyldu
sína að fara upp í þennan heimsþekkta skýjakljúf. Ráðlagt er að
taka mynd af byggingunni og láta það duga. Raðirnar eru mjög
langar, aðgöngumiðinn dýr og öryggisleitin svo lýjandi að það
hálfa væri miklu meira en nóg. Síðan er útsýnið af toppnum
ekkert sérstakt.
Steinhringurinn dularfulli er eitt þekktasta forsögulega fyrirbæri
heims og þangað flykkjast milljónir ferðamanna ár hvert.
Flestir verða þeir fyrir vonbrigðum. Steinarnir eru ekki stórir né
sérstaklega tilkomumiklir og lítið fer fyrir leyndardómunum þegar
ferðamenn sjást á vappi hvert sem horft er.
Litla hafmeyjan er mjög lítil stytta.
Miðað við heiti styttunnar þá ætti
það ekki að koma neinum á óvart
en samt verða milljónir ferða-
manna fyrir vonbrigðum á hverju ári
eftir að hafa haft fyrir því að koma
sér út á Löngulínu til þess að berja
hana augum.
Feneyjar, og sérstaklega Markúsartorg, virka mjög
heillandi á myndum en í raunveruleikanum eru
þetta hægsökkvandi dúfnaklósett þar sem allt
er selt á okurprís. Síðan er varla hægt að hreyfa
sig fyrir öðrum ferðamönnum. Sérstaklega ber að
forðast að láta plata sig í gondólasiglingu. Fínt
fyrir nokkrar Instagram-myndir og síðan er best að
forða sér annað.
Það er með öllu óskiljanlegt að „Augað“ sé sá staður, sem innheimtir gjald, sem flestir ferða-
menn heimsækja í London. Nánast allir gera það bara einu sinni og það segir ýmislegt.
Turninn sjálfur er tilkomumikill enda
helsta kennileiti Parísarborgar. Að fara
upp í turninn er þó gjörsamlega ofmetið.
Það er tímafrekt og dýrt. Betra er að
skoða fallega drónamynd af netinu og
eyða tímanum í París með öðrum hætti.
Eitt frægasta kennileiti Brussel er agnarsmá stytta af litlum
mígandi dreng. Heimsfrægð styttunnar er með öllu óskiljanleg en
hornið sem hún stendur mígandi við er yfirleitt krökkt af ferða-
mönnum með myndavélar á lofti.
Við þekkjum öll þá tilfinningu að koma til einhverrar
borgar í fyrsta sinn og leggja síðan lykkju á leið okkar
til þess að skoða eitthvað heimsfrægt kennileiti.
Þótt flestir reyni að telja sér trú um annað þá er upp-
lifunin fullkomin vonbrigði. Síðan er smellt af mynd
af skyldurækni og síðan fer maður að reyna að finna
eitthvað skemmtilegra að gera í borginni. DV tók
saman átta ofmetna en heimsfræga ferðamanna-
staði sem eru vinsælir áfangastaðir Íslendinga.
Það er grátlegt að eyða tíma í Pisa
þegar mun merkilegri og skemmti-
legri borgir eru skammt undan. Það
sem lokkar flesta ferðamenn að er
frægasta verkfræðiklúður sögunnar
sem á einhvern ótrúlegan hátt er
orðið ein helsta ferðamannagildra
Evrópu. Turninn er frekar lítill og
ómerkilegur en það sem er nærri
óbærilegt er ótrúlegur fjöldi fólks
sem reynir að framkvæmda sömu
sjónhverfingamyndina.
Empire State-byggingin,
New York, Bandaríkjunum
Litla hafmeyjan,
Kaupmannahöfn, Danmörk
Markúsartorg, Feneyjar, Ítalía
The London Eye, London, Bretland
Skakki turninn,
Pisa, Ítalía
Pissustrákurinn,
Brussel, Belgía
Eiffel-turninn,
París, Frakkland
Stonehenge, Salisbury, Bretland
Björn Þorfinnsson
bjornth@dv.is